Nahəwm 2:8 - Ghena ta Shala

⁸ Laŋe ka ghema te pa ta shala nya kamale, pa hɛ keleghe ŋkɛ kadzete hɛɗia nci. Ntake mi nyi kese kanewe ghweme te kaghwəghwə kala yɛ ghwəɗəŋkwə. Ntake hɛ katsa hate va ndiremi nya te hɛ.

Nahəwm 2:8 Iomraidhean Croise

Gha ta Wəshi 10:11

Pa Nɛmrod slənyɛ te hɛɗia shɛ kadzembe Asiri, pa ŋkɛ ŋate meleme ta yɛ Ninive, Rehobot-Ir, Kɛla

Ɛzayi 13:14

Tagha gɛ, katezhɛre geva yayata wəndə kalə sha hwelefe ta ŋkɛ, katehwɛ yayata wəndə kalə kadzete hɛɗia ŋkɛ kala kɛme nya keka mbeli, kala timɛti nyi ɗema wəndə shɛ kezha tsene hɛ.

Ɛzayi 38:14

Kala ndɛhwepɛ ghweghwɛa mɛ 'ya, kala ghwəɗəŋkwə ŋələvə 'ya. Leɓakwe ntsə ta ɗa va newe ŋkwa dzeme yitea ghweme. Mahwətə, kedene dene 'ya, kemane ɗa.

Ɛzayi 47:13

Leɓakwe na va 'yɛwe ghena. Ncɛke ghəa nci hɛ ba'a mbelete ŋa ka ɓela saseregwa nyi te ghweme, ncɛte wəsə nya ketemene ŋa geva ketere ketere hɛ.

Ɛzayi 48:20

Shave mə mbe Babilone, hwɛ mə seyi te hɛɗia ka Kaldɛ. Le tsa gaghwe ne, zlapete mə ghena mɛnɛfɛa shɛ, pesleyi mə ghena shɛ hwa'a te mendɛkwe ta hɛɗi, ma pe yɛ sha geze: «Nahe Mahwətə kembelete Zhakob, nde mene slene ta ŋkɛ.»

Ɛzayi 59:11

Pɛtɛa ɓəmə kambərə mbərə kala yɛ mtsekwele, kaghwəghwə gheɓəmə kala yɛ ghwəɗəŋkwə. Kaneghe wəsə nya temene Shala gheɓəmə, ama wəsə shɛ kemenete geva we. Kaneghe mbele ta ŋkɛ gheɓəmə, ama nahe ŋkɛ kenza cakeɗake yitea gheɓəmə.

Zhɛrɛmi 46:5

Wa nya ghena nya geze Mahwətə nya: «Ama wa nde menete geva wa? Wa wəsə nya newe nya 'ya wa? Benake hɛ va ghazlənə, zhɛne hɛ dzeyi te sebe. Hərə ka katsala ka sewajɛa nci, yayata wəndə kambele ghəa ŋkɛ, kaɗema kazhɛre geva te sebe. Ghazlənə ya shɛ te yayata ŋkwa.

Zhɛrɛmi 47:3

Kafefa gaka ta yɛ cɛpea yɛ gədəwə mbeli te hɛɗi, ghwəghwə ta yɛ wəmata gədəwə ba'a gəgə ta seɗa ta nci. Yare ghəa ka yitehɛnyɛa ŋwale yitea ŋwalea nci va taze ta mehele ta nci.

Zhɛrɛmi 50:16

Zamte mə sebe te mbeli nyi ketsawe wəshi ba'a nyi kemene wəshi se te wəve mbe Babilone. Kwa kema ta mpa kwa zhɛma heli ne, zhɛneghe geva yayata wəndə kalə sha ghɛa ŋkɛ, hwɛnyɛ ŋkɛ kadzete hɛɗia ŋkɛ!

Zhɛrɛmi 51:13

Babilone, gha nya mɛa hələ nya wəba, gha nya nza mcɛlə nyi nza zləvə te ve, nahe ŋa ŋa gɛ, kwele kwele ŋwaslehwe mbeli na.

Zhɛrɛmi 51:30

Nahe ka katsala ka sewajɛa Babilone kesərəakɛ mpa, nahe hɛ kewəfərənji dzeyi mbe yɛ ŋkwa. Nahe ghyana ta nci kekiɗi, nahe hɛ kezhɛrenji kaka dewə berete. Dəvə ghwə yitea ghɛa nci hɛmɗɛke gelembe nyi mɛa meleme.

Nahəwm 1:1

Ghena te ghəa Ninive. Palepa ta wəsə nya nakɛ Nahəwm, nde Ɛlkosh, laka kelɛŋə.

Nahəwm 3:17

Nahe ka ya ŋa kese kala yɛ dzale, ka mene slene ta ŋa kala ləmbəa zhamaya nyi kemenji hwa wəfe te vəa ntasle. Ɓelama ta veci ne, kazlənji hɛ kalə te ŋkwa nya ɗepema mbeli. Tema lənji hɛ wa?

Ghena Kelɛŋə 17:1

Pa kwete wəndəa ka ghwene ta Shala nyi mberefaŋe nyi nza nyi zlerekwe mberefaŋe va hɛ hendeke geva kase sha 'ya, ma ke: «Nde, 'ya katencɛ ŋa ghwə nya ketenza te male mefətekwə nya wəba. Ghenta ya kameleme nya wəba nya keŋate geva mɛa yɛ hələ kwele kwele.

Ghena Kelɛŋə 17:15

Ma ke nde ghwene ta Shala sha 'ya zhɛkwa: «Ma yɛmə nyi nakɛ nyi na, te ŋkwa nya nza male mefətekwə mentishɛ ne, ghenci ya kahwelefefi, kambeli kwele kwele, kayɛ hɛɗi ba'a kayɛ ghena.