Nahəwm 2:3 - Ghena ta Shala

³ Nahe ka mefətekwə kefəmte wəshi yitea hwelefefia Zhakob. Nahe hɛ kebezemte yɛ dzeve ta rɛzɛŋe. Ndagwara zləvə yave nda Mahwətə ke Zhakob, kaganda ne, nahe ŋkɛ kenza kazləvəa Israyɛl.

Nahəwm 2:3 Iomraidhean Croise

Palepa ta JOB 39:23

Te wəmbəa ŋkɛ ne, kagaka wəshi kempa: gwecɛ, megha nya keslesla ba'a kafayɛ

Cimə 80:13

Wa raberə ŋate ŋkwa na te zlia ŋkɛ kezha dzeme ka kedzeghwa te kanda ya ta ŋkɛ wa?

Ɛzayi 14:8

Pa le yɛ wəfe kazlama te wəsə nya kemenete ŋa geva. Ma ke yɛ vɛ ba'a yɛ lekelekea ka Liban sha geze: «Ma ghala nza na kwa kwele ne, wəndə shɛ kezhɛne kasame kampə n'yɛ we.»

Ɛzɛkiyɛl 23:24

Katesawa hɛ kadzeghəa gha sawa laka bela kwa gwela le yɛ wəmata gədəwə, yɛ mama ta wəmata ba'a ka sewajɛ kwele kwele. Yɛ gelə ba'a yɛ kwenə yateya ghəa nci hɛ le. Katedzasle ŋa hɛ se laka yayata bela. Nahe 'ya kevate nda ŋa te dzeve ke hɛ, ghenci ka temeha ghwə te gha kala wəshi mahalegəa nci.

Ɛzɛkiyɛl 26:7

Wa nya ghena nya geze Shala Mahwətə nya Zhɛkwa: Katekele Nabəkodonozor, meghea ka Babilone nya kwele ma ke ka meghea kɛfi 'ya sawa laka bela kwa gwela kaɗa ŋa Tir. Katesawa ŋkɛ le gədəwəa lɛmə, yɛ wəmata gədəwə, ka zleɗe gədəwəa lɛmə ba'a ka sewajɛ kwele kwele.

Nahəwm 3:2

Ma mbe melemea shɛ ne, kakwaɗe yɛ ghweɗa, kagaka yɛ seɗa ta wəmata gədəwə, kampereke gədəwəa lɛmə ba'a kahwɛ yɛ wəmata kempa.

Zakari 1:8

Ma heviɗia shɛ ne, pa 'ya nakɛ wəndə pelɛ gədəwə kwa gheme. Meghereŋe ŋkɛ hwa sewahe nyi kwa zlərə. Kwa sebe ta ŋkɛ ne, kweci gədəwə nyi ghemea ghemea, nyi mede mede ba'a nyi ghwaba ghwaba ya shɛ.

Zakari 11:2

Gheyɛ vɛ, ŋələvə mə kwa nza ŋkɛ nahe yɛ lekeleke keŋzleŋzlanji, nahe wəfe nyi ndeɗe ndeɗea shɛhɛ kempəmte geva. Cɛana nyi mbe Bashan, ŋələvə mə, kwa nza ŋkɛ nahe ghɛa wəfe ta ŋayɛ nya zhiɓə kempəmte geva.

Zakari 6:2

Gədəwə nyi gheme gheme ka ntsehe kwa ghate ta wəmata gədəwə, gədəwə nyi ɗɛkeɗɛa ɗɛkeɗɛa ka ntsehe kwa bake,

Ghena Kelɛŋə 12:3

Kwa sebe ta ŋkɛ, pa kwete wəsə ncake geva pelɛ ghweme: shishi meŋele nya wəba. Nahe ŋkɛ kenza gheme kala ghwə, ghə mberefaŋe ba'a tereme meŋe ya te, derə meghe ya mbe yayata ghə.

Ghena Kelɛŋə 6:4

Tagha gɛ, pa kwete gədəwə se, nahe ŋkɛ kenza gheme kala ghwə. Nahe wəndə nya pelɛ kekemave berete kekele kwelɛŋe seyi te hɛɗi lema, kezha ghazle ghəa nci mbeli. Pa mbeli ndeke nda kafayɛ nya wəba.