Nahəwm 2:13 - Ghena ta Shala

¹³ Nahe ŋeza nivɛrə kese kakese ba'a kaslekwe nda wəshi keseɗa ke ŋemalea nivɛrə ba'a ke ŋwalea nivɛrə. Nahe ŋkɛ kese kampɛafe yɛ ghweɓea ŋkɛ le sli nyi keslekwe slekwe ta wəshi keseɗa nyi keseke ŋkɛ.

Nahəwm 2:13 Iomraidhean Croise

2 Ka Meghea Kɛfi 18:17

Pa meghea ka Asiri ghwenakɛ nda meghea ka sewajɛ nya wəba le kwete meghea ka sewajɛ, le kwete wəndəa kwelea ghedəkwəa ŋkɛ nya te ghəa ka sewajɛ kwele kwele ke Ɛzɛkiyas, se mbe Lakish kalə kadzembe Zhɛrəzalɛm. Ma kwa dzeme hɛ kantsehe mbe meleme ne, pa hɛ sletenji mɛa ŋkwa yɛmə nya perawete mbeli kanya wəba, kwa hweŋkwa nya kelə kadzembe wəvea ka tsewe lekwesa.

2 Ka Meghea Kɛfi 18:19

Ma ke wəndəa kwelea ghedəkwəa ka Asiri sha hɛ: «Kwiɗi mə geze nda mə ke Ɛzɛkiyas, ghena ta Meghe nya Wəba, meghea ka Asiri: ‹Te wa vate ghə na wa?

2 Ka Meghea Kɛfi 19:23

Laka mɛa nde ghwene ta ŋa, nahe na keŋelekɛ ɗa, 'ya Mahwətə. Ma pa na sha 'ya: ‹'Ya Sɛnakɛrib, tarame 'ya pelɛ wəmata gədəwəa ɗa, nahe 'ya kedzeme ɗa mbe ghweme, pa pelɛ ghəa Liban, kezha tsasle lekelekea ŋkɛ nyi ndeɗe ndeɗe ba'a yɛ vɛa ŋkɛ nyi bebiya ma. Pa te kwa keɗaŋe ta ghəa ghweme ntsehe 'ya ba'a pa mbe ghɛa wəfe ta ŋkɛ.

2 Ka Meghea Kɛfi 19:9

Ma fa meghea ka Asiri ne, nahe Farawon Tiraka, nde Ɛtiyopi kese kezha mpa le. Pa ghwenakɛ nda mɛ ke Ɛzɛkiyas zhɛkwa,

2 Wəshi nyi Mene Ka Meghe 32:19

Kala nya geze ghena ŋkɛ te kweci shala geze ghena ta Shala ta Zhɛrəzalɛm Sɛnakɛrib, deke wəshi nyi menete mbeli le dzeve gəmə ŋa nci.

Cimə 46:9

Se mə kanewe wəshi nyi menete Mahwətə, wəshi nyi bezemte ŋkɛ te hɛɗi lema.

Zhɛrɛmi 21:13

Ma ke Mahwətə: Kabəzli ɓəmə tsetsenya gɛ Zhɛrəzalɛm, gha nya kwelɛ zlərə, nya te keleɓa nya ɓerayɛ. Kwa nza ŋkɛ, ‹Wəndə shɛ katesawa kaɗa ɗa keɗema kadzete ghweɓea ɗa we›, a pa sha geze.

Zhɛrɛmi 46:14

«Zlape nda mə ke ka Ɛzhipte, fave nda mə ke meleme ta Migdol, Mɛmfis ba'a Tapanɛs. Ma pe yɛ sha hɛ: Sate mə te ŋkwa, hite mə geva! Kwa nza ŋkɛ wa nya mpa nya kaza sebe te ka ghedəkwəa ŋayɛ.

Zhɛrɛmi 50:31

Kabegeme mə le gha, Babilone nya kekele ghə, 'ya Shala Mahwətə nde berete nde geze. Nahe vəa ŋa kese tsetsenya, və nya teme 'ya te gha.

Zhɛrɛmi 51:25

Ma ke Mahwətə: «Kabegeme mə le gha Babilone, nya kala ghweme nya kempə ŋkwa, gha nya keza sebe te hɛɗi lema. Katekafe dzeve 'ya kaɗa ŋa, katetsəkwə ŋa 'ya sawa pelɛ keleɓa, katezhɛre ŋa 'ya kala ghwə hwa ghweme.

Ɛzɛkiyɛl 13:8

Vatse gɛ ne, wa nya ghena nya geze 'ya, 'ya Shala Mahwətə nya: Ma va nya pesleyi tseŋwə ba'a nya gegezeyi ghena ghwete ŋkwa yɛ ne, kateme 'ya kənəa gheyɛ. Nya ya kaghena nya geze ŋayɛ 'ya, 'ya Shala Mahwətə.

Ɛzɛkiyɛl 21:3

Kategeze nda na ke hɛ kafa ghena nyi geze nda 'ya Shala Mahwətə ke ghɛa wəfe ta Nɛgɛv: 'Ya katemeha ghwə nya ketetere yɛ wəfe nyi menjaɓa le nyi keghwele ghwele ta ŋa. Katemte tse ta ghwəa shɛ we, pɛtɛ tetere mbeli ŋkɛ se kwa Nɛgɛv hwa'a pelɛ bela kwa gwela.

Ɛzɛkiyɛl 26:3

Vatse gɛ ne, wa nya ghena nya geze Shala Mahwətə nya: 'Ya kateme te gha gɛ Tir. Katefə kweci hwelefefi 'ya kwele kwele kase kaɗa ŋa, kala gaŋkeɓe ta ndərə tedzeghəa gha hɛ.

Ɛzɛkiyɛl 28:22

Ma pa na sha tegeze nda: Wa nya ghena nya geze Shala Mahwətə nya: kateme 'ya te gha Sidon! Katencɛ zləvəa ɗa 'ya te tepe ta meleme ta ŋa. Ma tsagha, kateɗepete mbeli 'ya ya kaMahwətə, tewəmbəreke ɗa nya teve 'ya te. Tagha ne, katencɛ 'ya, 'ya ya kaShala nya kaganda.

Ɛzɛkiyɛl 29:10

Vatse gɛ ne, kateme 'ya te gha ba'a te hələa ŋa. Katezhɛre hɛɗia Ɛzhipte 'ya kakwəfi, kaɓerama se mbe meleme ta Migdol nya laka bela kwa gwela hwa'a mbe meleme ta Asəwan ba'a kwa ghala ta Ɛtiyopi nya laka bela kwa zeme.

Ɛzɛkiyɛl 29:3

Ma pa na sha geze: Wa nya ghena geze Mahwətə nya Shala nya: Kateme 'ya te gha Farawon, meghea ka Ɛzhipte. Kala kele nya wəba, nya meɓelahe mɛa hələ Nil na. Ma pa na sha geze: ‹Ŋa ɗa hələ nya, 'ya le ghəa ɗa nde menete ŋkɛ.›

Ɛzɛkiyɛl 35:3

Ma pa na sha hɛ: Wa nya ghena nya geze Shala Mahwətə nya: 'Ya kateme te gheyɛ! 'Ya katencɛ berete ta ɗa te gha Ɛdom, kaɓerama nya dɛrɛŋe rɛŋe tezhɛre ŋa 'ya.

Ɛzɛkiyɛl 38:3

Ma pa na shɛ: Wa nya ghena nya geze Shala Mahwətə nya: 'Ya kateme te gha Gog, wəndə nya wəba te ghəa ka Mɛshɛk ba'a ka Təwbal.

Ɛzɛkiyɛl 39:1

Wəndə ŋelɛ, gezete nda ghena ta ɗa ke Gog, ma pa na shɛ: «Wa nya ghena nya geze Shala Mahwətə nya: 'Ya kateme te gha Gog, wəndə nya wəba te ghəa Mɛshɛk ba'a Təwbal.

Ɛzɛkiyɛl 5:8

Vatse ne, wa nya ghena nya geze 'ya, 'ya Shala Mahwətə nya: Kateme 'ya kənəa gheyɛ ka Zhɛrəzalɛm. Katemeha ghwə ta ɗa 'ya te tepe ta ŋayɛ, kanewe newe kweci hwelefefi.

Nahəwm 2:12

Kawa zhɛrenyɛ ghweɓea nivɛrə gɛ wa? Nahe ŋwalea nivɛrə kese kaŋ'we wəshi kezeme ta nci te. Ma vəa ŋkwa nya dzemte pəli nivɛrə ne, wəndə shɛ kakwaɗakɛ ŋwalea ŋkɛ we.

Nahəwm 3:1

Wa nya ndiremi te Ninive, meleme nya kempə ŋkwa, nya kemene mbəɗəkwə, nya kemene ghəa ŋkɛ laka mene berete ba'a nya kefɛama yitea ŋwasle ŋkwa gɛ!

Nahəwm 3:12

Nahe zli nyi yitea gha kenza kala ya ta dasekwa nyi kenehe nehe. Gegəzətema ta mbeli ke yɛ dasekwa ne, kabete hɛ kadzawa mɛa wəndə nya keɗe kazeme hɛ.

Nahəwm 3:15

Ama katempə yɛ va ghwə keɗema kwamte mpa. Kateza sebe ka jaga ta ŋayɛ te gheyɛ kala nya zeme wəshi yɛ dzale. Ninive, nahe mbeli nyi mbe gha kese kwele kwele kala yɛ dzale.

Nahəwm 3:5

Ma ke Mahwətə nde berete gezete: «'Ya katesate te ŋkwa yitea gha. 'Ya katekwefaŋe rewebea ŋa kasame pa kwa kema ta ŋa, kezha ncɛ nda zeweve ta ŋa ke hwelefefi. Tagha gɛ, katenewe hawe nya te gha hɛ.

Zhozəwɛ 11:6

Ma ke Mahwətə sha Zhozəwɛ: «Ghazlənə ma na ma, kwa nza ŋkɛ tsetse ŋkwa hendɛ ne, 'ya teve ŋa hɛ pɛtɛ, keɗa ɗa va zhi, kempə mpə te kema ta ka Israyɛl. Katesla zewe ta gədəwəa nci na, katetere wəmata gədəwə nci na le ghwə.»

Zhozəwɛ 11:9

Pa Zhozəwɛ menete nda ke hɛ kala nya gezete nda Mahwətə. Pa ŋkɛ slamte zewe ta gədəwəa lɛməa nci ba'a teremte yɛ wəmata ta gədəwə le ghwə.