Nahəwm 2:11 - Ghena ta Shala

¹¹ Nahe pɛtɛa wəshi kefəhwe geva, kempəmte geva ba'a keŋkeɗemte geva. Nahe mbeli kenza keyirə yirə, kampempa geva yɛ seɗa, kabare bare pɛtɛa geva ta nci ba'a kanza kema ta nci tɛarawe rawe.

Nahəwm 2:11 Iomraidhean Croise

Gha ta Wəshi 49:9

Wəzege ta ɗa Zhəwda, kala megela nivɛrə nya kempeɗehwe wəsə ba'a nya kezhɛneke geva kadzete ghweɓea ŋkɛ na. Kacɛfɛakwe nivɛrə, kaɓelahe ŋkɛ. Wa nde nza kaŋkakate ŋkɛ sate te ŋkwa wa?

Ɛzayi 13:7

Vatse nza yɛ dzeve ta mbeli pɛtɛ kempə mpə ba'a mehele ta nci ketaze taze.

Ɛzayi 31:4

Wa nya ghena nya gezete ɗa Mahwətə nya: «Ma vəa ŋkwa nya ghwəghwə nivɛrə keɗema wəzege ta nivɛrə kənəa wəsə nya keseve ŋkɛ, ya mbeli hekake wəvəsəa ka ya wəshi yite ne, kaghazlənə ŋkɛ va lewela ta nci, keɗema kahweredzekwe ŋkɛ gaka ta nci we. Tsagha tesawa Mahwətə nde berete kezha mpa pelɛ ghweme ta Siyon ba'a pelɛ wəmbəa ŋkɛ.»

Ɛzayi 5:29

Kala nivɛrə ghwəghwə ka sewajɛa nci, kala ŋwalea nivɛrə gaka hɛ. Kaghwəghwə hɛ, kancɛhɛape wəshi nyi keseve hɛ hɛ ba'a kaslə hɛ le hɛ. Wəndə shɛ kazləgwəke hɛ va hɛ we.

Zhɛrɛmi 2:15

Gheŋkɛ yaghwəghwə hɛ kənə kala ŋwalea nivɛrə, lewela yatsa hɛ kənə. Pɛtɛ hɛ ketazemte hɛɗia ŋkɛ. Nahe hɛ kendəmte yɛ meleme ta ŋkɛ, kafəmte mbeli nyi mbe hɛ.

Zhɛrɛmi 4:7

Nahe nivɛrə keshave mbe gamba ta ŋkɛ, nahe nde za sebe te kweci hwelefefi kedzawa hweŋkwa, Nahe ŋkɛ kesate te ghweɓea ŋkɛ kezha za sebe te hɛɗia ŋayɛ. Kakwəfi tenza yɛ meleme ta ŋayɛ, kaɗema mbeli katenza mbe.

Zhɛrɛmi 50:17

Kala təmə nya kezanyɛ nya keka yɛ nivɛrə se Israyɛl. Meghea ka Asiri nde ghate kampeɗehwe. Kwa sebe ta ŋkɛ, pa Nabəkodonozor, meghea ka Babilone mpəmte 'yɛ'yɛa ŋkɛ.

Zhɛrɛmi 50:44

Kala nivɛrə nya keshave mbe gamba nya dzeyi mɛa Zhəwrdɛŋe kadzete ɗasle tenza 'ya. Kala metɛ ta ntsə tefəmte mbeli 'ya pɛtɛ. Ma kwa sebe ta ŋkɛ, kateve wəndə nya ntave 'ya 'ya mbe Babilone. Kwa nza ŋkɛ, wa wəndə nya kala 'ya wa? Wa wəndə nya nza 'ya kaghereŋe te ghwə le wa? Wa wəndə nya te nya kenza kazhɛnete ɗa ghə wa?»

Ɛzɛkiyɛl 32:2

«Wəndə ŋelɛ, gha nehwene kənəa Farawon, meghea ka Ɛzhipte, ma pa na sha gha: Kala katsala nivɛrə nya hwa mbeli nza ta ŋa. Ama kala kele nya kwa ndərə na ɓiyitsa: katsa bamba na kwa hələa ŋa nya wəba, kawedazle yɛmə na le seɗa ta ŋa ba'a kahwehwəzləɓə yɛ hələ na.

Zhowɛl 2:6

Nakɛma ta mbeli ke hɛ ne, kabare bare mbeli, kazhɛre pɛtɛa yɛ kema tɛarawe rawe.

Mishɛ 5:6

Ma ka Israyɛl nyi ketene teghweme hwa hwelefefi kwele kwele ne, katenza hɛ kala mɛnɛ nya kese va Mahwətə, kala va nya keme te gwəzə kaɗema ka'yɛwe kwete wəsə va wəndə ŋelɛ ba'a kaneghe kwete wəsə va mbeli.

Nahəwm 2:12

Kawa zhɛrenyɛ ghweɓea nivɛrə gɛ wa? Nahe ŋwalea nivɛrə kese kaŋ'we wəshi kezeme ta nci te. Ma vəa ŋkwa nya dzemte pəli nivɛrə ne, wəndə shɛ kakwaɗakɛ ŋwalea ŋkɛ we.

Nahəwm 3:1

Wa nya ndiremi te Ninive, meleme nya kempə ŋkwa, nya kemene mbəɗəkwə, nya kemene ghəa ŋkɛ laka mene berete ba'a nya kefɛama yitea ŋwasle ŋkwa gɛ!

Sofoni 3:3

Nahe mbelia ŋkɛ nyi te ghə kenza kala nivɛrə nyi keghwəghwə, nahe ka meha ghwə ta ŋkɛ kenza kala makwagwele nyi kepəli hetɛhwɛɗi ba'a nyi kewəmbəma wəsə kezeme kamasheke.

Ɓela 23:24

Kasate hwelefe ta Israyɛl te ŋkwa kala nivɛrə: kaslekwe wəsə nya keseve ŋkɛ ŋkɛ, kasa mimia wəsə keseve ŋkɛ ŋkɛ. Kwa sebe ta ŋkɛ ne, kaɓelahe ŋkɛ.»