Nahəwm 2:10 - Ghena ta Shala

¹⁰ Fə mə mze kwa tere tere, fə mə mze kwa tɛawetɛa! Kakiɗi mcɛlə nyi mbe Ninive we, mama ta wəshi ganji ya mbe.

Nahəwm 2:10 Iomraidhean Croise

Gha ta Wəshi 1:2

Pa shɛ kese va hɛɗi we, shalala se ŋkɛ. Ŋkwesle ya zhiɓə kənəa ndərə nya wəba. Sefəa Shala nde gavele dzeyi kənəa yɛ yɛmə.

Cimə 22:14

Kaghwene mɛ hɛ yitea 'ya kala nivɛrə nyi keslekwe wəsə ba'a nyi keghwəghwə.

Ɛzayi 14:23

Katezhɛre melemea shɛ 'ya kaŋkwa yɛmə nya nza yɛ meŋkəɗə te. Katetsale Babilone 'ya le shimə nya keza sebe te wəshi pɛtɛ. 'Ya Mahwətə nde berete nde gezete.»

Ɛzayi 21:3

Vatse zhɛ ɗa dəŋəa ɗa va yaka. Geva nde zhɛ ɗa kala male nya keheha va ya. Kewəba tazenyɛ mehele ta ɗa kefa ghena, kewəba ghazlənə ɗa 'ya kenewe ŋkwa.

Ɛzayi 24:1

Kateve beze Mahwətə te hɛɗi lema, kateve beze ŋkɛ te. Katezhɛremte hɛɗi lema ŋkɛ, katetazemte mbeli nyi te ŋkɛ.

Zhɛrɛmi 30:6

Zelakɛ mə ba'a 'yɛwakɛ mə kenza ŋkɛ kaya wəzege za. Tsema newe zhili 'ya pɛtɛ le dzeve te dəŋə kala male nya keheha va ya wa? Va wa nza kema ta nci tɛarawe rawe wa?

Zhɛrɛmi 49:23

Ghena te ghəa Damas. «Ma meleme ta yɛ Hamat le Arpad ne, nahe hɛ kefate ghena nya ndiremi, shewə hɛ va hawe. Dzembe teke dzembe teke mehele ta nci kala ndərə nya kegaŋkeɓe, kashɛma nza divə.

Zhɛrɛmi 51:62

ma pa na sha tegeze: ‹Mahwətə, gha le ghəa ŋa nde zlapete ŋzla ta Babilone, mba wəshi nyi nza mpi hwe katenza mbe, ya wəndə ŋelɛ, ya wəshi keseɗa we. Kaɓerama nya dɛrɛŋe rɛŋe tezhɛre ŋkɛ kaghala ghala.›

Zhɛrɛmi 8:21

Va zhi nya te mbelia ɗa ne, kwetɛ kwetɛŋe mehele ta ɗa. Teheɗe kema va 'ya, benake 'ya va ghazlənə.

Ɛzɛkiyɛl 21:7

«Wəndə ŋelɛ, newe pa sha ŋkwa laka Zhɛrəzalɛm, gezete ghena nyi kese va gha te ghəa ŋkwa nyi keveyi geva tekeleke, gezete ghena ta ɗa te hɛɗia Israyɛl.

Ɛzɛkiyɛl 31:15

Wa nya ghena nya geze Shala Mahwətə nya: Ma te veci nya tedzawa lekeleke hwa mbelia kwahɛɗi ne, kateve nehwene 'ya hwa wəshi nyi te hɛɗi. Ma tewəmbəreke gheŋkɛ ne, kateghereŋe yɛmə nya mbe hɛɗi 'ya, katefɛa hwɛ ta yɛ hələa ŋkɛ 'ya ba'a yɛməa ŋkɛ nya wəba 'ya. Tewəmbəreke gheŋkɛ ne, katezhɛre ghweme ta Liban 'ya kaŋkwesle ba'a kateghwele pɛtɛa wəfe nyi hwa gamba 'ya.

Daniyɛl 5:6

pa kema ta ŋkɛ zhɛrenyɛ tɛarawe rawe, kwetɛ kwetɛŋe yɛ mehele ta ŋkɛ tazenji, gwenate geva ta ŋkɛ tanyɛ ba'a kampempa geva yɛ ghəa shenea ŋkɛ.

Zhowɛl 2:6

Nakɛma ta mbeli ke hɛ ne, kabare bare mbeli, kazhɛre pɛtɛa yɛ kema tɛarawe rawe.

Nahəwm 2:2

Ninive, wa nyi ka sewajɛ nyi kadzeme kaha ŋa mpa. Ka sewajɛ, nza mə dzeyi te zli, wəmbɛne mə ŋkwa nyi dzeyi kwa yɛ hweŋkwa, hi mə geva yitea mpa, jikə mə pɛtɛa berete ta ŋayɛ.

Nahəwm 3:7

Tagha gɛ, katehwɛ mbeli pɛtɛ nyi ketenewe ŋa, ma ke hɛ sha tetsa lewela: Ŋgwəpə Ninive keŋzla nda gɛ wa! Wa nde tezhɛ heli yite tse wa? Tema teŋ'we ka gweɗakwe ŋa mbeli tse wa?»

Sofoni 3:6

Ma ke Shala gezete: «Nahe 'ya kezamte sebe te hwelefefia shɛhɛ, nahe 'ya keŋzlamte yɛ ŋkwa ka ya ŋkwa ta nci, nahe 'ya kezhɛrete yɛ hweŋkwa ta nci shaka shaka, nahe 'ya kebezemte yɛ meleme ta nci: wəndə shɛ kazhɛne kadzeghwa keɗema kanza mbe hɛ we.

Zhozəwɛ 2:11

Ma kwa fate ghena shɛhɛ ghen'yɛ ne, nahe mehele ta n'yɛ ketazenyɛ va ghazlənə. Wəndə shɛ kezhɛne kapesle yitea ghereŋe kwa kema ta ŋayɛ we. Kwa nza ŋkɛ nahe Shala Mahwətə ta ŋayɛ kenza kaShala nya pelɛ ghweme ba'a nya kwake te hɛɗi.

Zhozəwɛ 7:5

Pa ka Ay mpəmte mbeli mahekenemsə ŋkwaŋeghəmbe yitea hɛ, pa hɛ kekate kweci slə mɛa degha ta Ay hwa'a mbe Shɛbarim, pa hɛ mpəmte hɛ dzawa vare ghweme. Tagha gɛ, pa geva ta ka Israyɛl tanji ba'a pa hɛ denenji.