Nahəwm 2:1 - Ghena ta Shala

¹ Ka Zhəwda, wa nya wəndə nya kekele ghena mɛnɛfɛ ganyɛ nya kasawa pelɛ ghəa ghweme, ghena ta kwelɛŋe yazlape ŋkɛ. Mene mə yɛ gəsəkəa ŋayɛ, fə mə wəshi nyi meɗeyi nda yɛ ke Shala kase. Kwa nza ŋkɛ katezhɛne nde ndiremia mehele kaŋkeɗe seɗa ta ŋkɛ te hɛɗia ŋayɛ we, nahe sebe keza te berete ta ŋkɛ.

Nahəwm 2:1 Iomraidhean Croise

2 Wəshi nyi Mene Ka Meghe 25:8

Ma kebegheghe ŋa hɛ, ya tsema nza kande berete kwa mpa ne, kande dewə ŋeli teve ŋa Shala kwa kema ta ka ghema ta ŋa. Kwa nza ŋkɛ, deke Shala nde nza kandeke nda hərə ŋkwa keɗema teɗe ke wəndə.»

Cimə 50:14

Te ŋkwa melɛ ne, tsahe ɗa, 'ya Shala ta ŋa, menete wəsə nya meɗeyi ɗa na, 'ya Shala tehwə ghweme.

Cimə 65:2

Shala nya mbe Siyon, nahe ŋkɛ kehi katsahe ŋa mbeli, kamene ŋa wəshi nyi meɗeyi ŋa mbeli mbeli.

Ɛzayi 14:6

geta nya kese kame te mbeli le wənə le wənə, nya kese kame te mbeli kaɗema zhɛne mpi yite, nya kese ka'yɛ mbeli le berete ba'a nya kese kasa nda yaka nya dzawe ke mbeli.

Ɛzayi 29:7

Kala wəsə nya te shiwə ba'a kala wəsə nya nakɛ wəndə heviɗi tenza wəvəsəa mbeli nyi kempa le gha, Ariyɛl, pɛtɛa mbeli nyi keha ŋa mpa, gha ba'a zli nya yitea gha ba'a keteɗe kaza sebe te gha.

Ɛzayi 29:8

Katenza ŋkɛ kala wəndə nya shewə va ma nya keshiwə le zeme wəsə kezeme, ama feɗeghema ta ŋkɛ ne, mba hwəa ŋkɛ slɛape slɛape. Keɗema ne, kala wəndə nya shewə va ndere nya keshiwə le sa yɛmə, ama feɗeghema ta ŋkɛ ne kedene dene ŋkɛ ba'a hase hase ŋwələa ŋkɛ. Tsagha tenza wəvəsəa mbeli nyi kese kampa le ghweme ta Siyon.

Ɛzayi 52:7

Wa nya zlama yitea newe sawa ta nde zlape ghena mɛnɛfɛ nya ganyɛ hwa yɛ ghweme gɛ! Kwelɛŋe, zeɗe nza ba'a mbele yazlape ŋkɛ. Ma ke sha gha, gha Siyon: «Nahe Shala ta ŋa kenza kameghe.»

Zhɛrɛmi 25:9

kateghwene ŋkwa 'ya kalə kaheka mbeli nyi laka bela kwa gwela ba'a nde mene slene ta ɗa Nabəkodonozor, meghea ka Babilone. Kateheka hɛ 'ya kase kaɗa hɛɗi nya le mbeli nyi te, kaɗa kweci hwelefefi nyi dzeyi yite. Kateza sebe 'ya pɛtɛ te gheyɛ le hɛ, katezhɛremte hɛɗi nya 'ya kakwəfi nya tetsa lewela ba'a nya mcakwe mcakwe mbeli va ndiremia ŋkɛ kaghala ghala. 'Ya Mahwətə nde gezete.

Zhɛrɛmi 50:23

Tsema mpəmte geva Babilone nya kese kandevele nya kempə hɛɗi lema ɓɛhwɛ ɓɛhwɛ mbe gɛ wa? Tsema zhɛrenyɛ Babilone kaɓerama nya dɛrɛŋe rɛŋe hwa kweci hɛɗi gɛ wa?