Nahəwm 1:9 - Ghena ta Shala

⁹ Kande wa zhɛrete Mahwətə yɛ wa? Gheŋkɛ ne, kaza sebe ŋkɛ te ka ghema ta ŋayɛ, katezhɛne hɛ kasa ŋayɛ yaka we.

Nahəwm 1:9 Iomraidhean Croise

2 Saməyɛl 20:10

Kese Amasa kave zəzə te kafayɛ nya kelete Zhowab le gwela we. Tɛapa'a ŋkɛ shɛ te hwə ve. Ŋweyɛ helia Amasa te hɛɗi, mtiwə ŋkɛ kaɗema Zhowab ken'yikɛ ŋkɛ kakwa bake zhigə. Kwa sebe ta ŋkɛ cape yɛ Zhowab le wəza meghekɛ Abishay kazele Shɛba.

Cimə 21:11

Kateza sebe na te ŋwalea nci te hɛɗi lema, tsagha hwelefefia nci hwa mbeli.

Cimə 33:10

Nahe Mahwətə ketazemte ntsehwele hwelefefi, nahe ŋkɛ kezamte sebe te zəzə ta mbeli.

Yɛ Ghena Ŋela 21:30

Nde ntsehwele ntsehwele, nde ɗepe wəsə ba'a nde zəzə ghena shɛ kwa kema ta Mahwətə we.

Ɛzayi 28:22

Ma tsetsenya ne, zhɛnema yɛ kaŋ'wəshi ŋkwa ma. Ma keɗema ŋkɛ tsagha ne, katembake ntsə geva zewe lɛ nyi yitea welɛa ŋayɛ. Kwa nza ŋkɛ nahe 'ya kefate va Shala Mahwətə nde berete tsema tsema tarete ŋkɛ kaza sebe te hɛɗi lema.

Zhɛrɛmi 51:64

Ma pa na sha tegeze: ‹Tsetse teza sebe te Babilone. Mba ŋkɛ katesate ŋkɛ te ŋkwa kwa sebe ta ndiremi nyi vaghe nyi Mahwətə kənə we.›» «Gəmə leɓe ghəa nci kweci hwelefefi.» Teke kiɗi ta ghena ta Zhɛrɛmi.

Ɛzɛkiyɛl 21:5

Ma 'ya, 'ya nde mɛ ŋkwa zhɛnete: «Shala Mahwətə yawe, ‹Ashɛ gheŋkɛ ya kande geze ghena ŋela wəka?›, ke hɛ sha geze ɗa tsetsenya.»

Ɛzɛkiyɛl 7:5

Wa nya ghena nya geze Shala Mahwətə nya: Ndiremi nya ɗema nya keyipə shɛ nde se!

Palepa ta Ozɛ 7:15

'Ya nde tekete nda wəshi ba'a nde ndeke nda berete ke hɛ. Ama wəsə kwa ndiremi yazəzə hɛ te 'ya.

Nahəwm 1:11

Ninive, mbe gha shave wəndə nya kezəzə wəsə kwa ndiremi te Mahwətə, wəndə nya kezəzə wəshi nyi ndiremi ndiremi kashasha.

2 Ka Korɛnte 10:5

Pɛtɛ ŋzla ghena kele ghə nyi kefɛa mbeli keɗepe Shala ghen'yɛ, kese yakese ghena nyi zəzə mbeli ghen'yɛ yitea yɛ nda fete mbelia shɛhɛ ke Kriste.

1 Saməyɛl 26:8

Ma ke Abishay sha David: «Ɓəshi heviɗi nya, nahe Shala keveyi ŋa nde jaga ta ŋa mbe dzeve ta ŋa. Pelave ɗa hweŋkwa kezha lə 'ya kagepeyi ŋkɛ mbe hɛɗi kwetɛŋe seɗa le megha. Kwetɛŋe zhigə n'yi ŋkɛ 'ya, kan'yi ŋkɛ kwa bake zhigə 'ya we.»

1 Saməyɛl 3:12

Ma te vecia shɛ ne, kateve ndiremi nyi gezete 'ya 'ya te Hɛli ba'a te ghɛa ŋkɛ, kaganda temene hɛ 'ya.