Nahəwm 1:8 - Ghena ta Shala

⁸ vəa ŋkwa nya se ndiremi kala ghwa. Ama kaza sebe ŋkɛ te ka ghema ta ŋkɛ ba'a kakeka hɛ ŋkɛ kadzembe ŋkwesle.

Nahəwm 1:8 Iomraidhean Croise

Palepa ta JOB 30:15

Pa ghazlənə tamte geva ta ɗa, pa nde kelemte zləvəa ɗa kala wəsə va sefə. Pa zeɗe nza ta ɗa zanyɛ kala ləmbə.

Palepa ta JOB 40:11

Pelakɛ ghwə ta hwepe wənəa ŋa, laka ghwərəzlə ŋkwa ta ŋa ne, shifəmte pɛtɛa ka kele ghə.

Yɛ Ghena Ŋela 4:19

Nahe hweŋkwa ta ka 'yaghwa mehele kenza kaŋkwesle, kanakɛ tehene nyi ketetsa hɛ hɛ we.

Ɛzayi 13:10

Katezhɛne saseregwa nyi te ghweme ba'a yɛ wəvəsəa nci kaɓele we. Ngərə ngərə tenza veci samema ta ŋkɛ kwa ghɛ, katezhɛne tere kaɓele we.

Ɛzayi 13:9

Wa nya vecia Mahwətə nya kase, vecia zhɛma heli, vecia ghwə ta hwepe wənə nya wəba nya ketezhɛre hɛɗi kaɓerama nya dɛrɛŋe rɛŋe ba'a nya keteza sebe te ka jaɗafa.

Ɛzayi 28:17

Wəsə nya tiɗiɗi nde tenza kazewe kedzeghe wəsə ta ɗa, nza tiɗiɗi nde tenza wəsə kedzeghe tiɗiɗia ŋkwa dzemedze.» Ama katebeze ŋkwa kewəfərə ta tseŋwə kwacakelɛ, katekelehwe ŋkwa kentikə ta ŋayɛ ghwa.

Ɛzayi 28:18

Katenehemte geva jikə geva nya menete yɛ le mte, katedzehwe ghena nya tsahwe yɛ le ghɛa mbelia kwahɛɗi we. Ma vəa ŋkwa nya tese ndiremi nya wəba ne, katempə ŋayɛ ŋkɛ kadzete hɛɗi.

Ɛzayi 28:2

Se yase wəndə nya berete ba'a kehwepe ghə nya ghweneke Mahwətə. Yipə yipə nde le va nya nza kwacakelɛ hwe, le sefə nya wəba nya kebeze wəshi ba'a le va nya keshekeyi geva paca paca te hɛɗi. Le berete wele wəshi wəndəa shɛ te hɛɗi.

Ɛzayi 8:22

Kwa sebe ta ŋkɛ ne, katenewe ŋkwa nya te hɛɗi mbeli. Deke yaka, ŋkwesle, taze ta mehele nya keve nda ghazlənə ke mbeli ba'a viɗi nya zhikwətəkwə yatesləyi mbeli.

Zhɛrɛmi 13:16

Tsahe mə Shala Mahwətə ta ŋayɛ tewə ŋkɛ keghweneke ŋkwesle, tewə tehene ketsakɛ ŋayɛ mbe ŋkwesle hwa ghweme. Same ta veci yaneghe yɛ ne, ama pa zhɛremte kaŋkwesle nya zhikwətəkwə, pa ŋkɛ menete kaləmbə nya ɗɛkeɗɛ.

Zhɛrɛmi 51:64

Ma pa na sha tegeze: ‹Tsetse teza sebe te Babilone. Mba ŋkɛ katesate ŋkɛ te ŋkwa kwa sebe ta ndiremi nyi vaghe nyi Mahwətə kənə we.›» «Gəmə leɓe ghəa nci kweci hwelefefi.» Teke kiɗi ta ghena ta Zhɛrɛmi.

Ɛzɛkiyɛl 13:13

Vatse gɛ ne, wa nya ghena nya geze Shala Mahwətə nya: Le wənə le wənə tekele sefə nya wəba 'ya kase. Le wənə le wənə teme va nya wəba ba'a kwacakelɛ nyi ketebeze wəshi 'ya.

Daniyɛl 11:10

Katehi geva ŋwalea meghe nya laka bela kwa gwela yitea mpa ba'a katetsene ka sewajɛ kwele kwele hɛ. Katedzemte mpa kwete wəndəa nci, zlaɓe le ka sewajɛa ŋkɛ ne, katedzawa ŋkɛ wəmbəa ghala kala hələ nya paca paca. Ma vəa ŋkwa nya tezhɛne geva ŋkɛ kadzete hɛɗia ŋkɛ ne, kateha nda mpa ŋkɛ ke meleme nya berete ta ka ghema.

Daniyɛl 11:22

Wəvəsəa ka sewajɛ shɛ katehərə ŋkɛ we. Katempə hɛ ŋkɛ pɛtɛ ba'a katepesle wəndə nya te ghəa hwelefe ta jikə geva ŋkɛ.

Daniyɛl 11:40

Ma te keɗaŋe ta və ne, kateha nda mpa meghe nya laka bela kwa zeme ke meghe nya laka bela kwa gwela. Ama katentsa ŋkɛ yitea meghe nya laka bela kwa zeme le yɛ wəmata kempa ta ŋkɛ, ka zleɗe gədəwəa lɛməa ŋkɛ ba'a kwambelə kwele kwele. Katedzete hɛɗi kwele kwele ŋkɛ le ka sewajɛa ŋkɛ. Katedzawa ŋkɛ wəmbəa yɛ ghala kala hələ nya paca paca.

Daniyɛl 9:26

Ma kwa sebe ta va nyi ŋkwaŋemsə bakeghəmbe shɛhɛ ne, katepesle wəndə nya ntave Shala mbeli kaɗema wəndə keya ŋkɛ shɛ. Zhɛne ne, katese kwete wəndə nya te ghə le ka sewajɛa ŋkɛ kezha beze meleme ba'a ghɛa Shala. Ama katemte ŋkɛ mbe wəba ta hwepe wənəa Shala. Hwa'a te mte ta ŋkɛ ne, katempa ŋkɛ ba'a katebeze wəshi ŋkɛ kala nya ketarete geva.

Amos 8:8

Vatse gɛ ne, kategaŋkəɗə hɛɗi, pɛtɛ tenehwene mbeli nyi te. Katewepe geva ŋkɛ pɛtɛ kala hələ, katedzeme ŋkɛ ba'a katesawa ŋkɛ kala hələa Ɛzhipte.

Nahəwm 1:1

Ghena te ghəa Ninive. Palepa ta wəsə nya nakɛ Nahəwm, nde Ɛlkosh, laka kelɛŋə.

Nahəwm 2:8

Laŋe ka ghema te pa ta shala nya kamale, pa hɛ keleghe ŋkɛ kadzete hɛɗia nci. Ntake mi nyi kese kanewe ghweme te kaghwəghwə kala yɛ ghwəɗəŋkwə. Ntake hɛ katsa hate va ndiremi nya te hɛ.

Sofoni 2:13

Kateɗa hɛɗi nya laka bela kwa gwela ŋkɛ, katezhɛre Asiri ŋkɛ kakwəfi. Katebeze meleme ta Ninive nya ketezhɛre kaɓerama nya keghwele ghwele ŋkɛ.

Matiye 7:27

Kipə kesawa va, mpəɗə kesawa hələ, pa kevɛke geva sefə nya wəba kase sha cɛa shɛ ne, ghwəpə cɛa shɛ ŋzlanyɛ, tɛhɛaŋe ŋkɛ.

Matiye 8:12

Ama mbeli nyi keveyi geva vəashi kezha dzembe Meghe nya pelɛ ghweme ne, katenegha hɛ mbeli pelɛke te ŋwela mbe ŋkwesle, te ŋkwa ne, katenehwene hɛ ba'a katempeɗe slene hɛ.»

1 Saməyɛl 2:9

Kaya dzeghwa ta mbeli nyi dɛŋe dɛŋe te ŋkɛ, ama terayɛ za sebe ŋkɛ te ka 'yaghwa mehele mbe ŋkwesle. Va nya nza nde wəndə shɛ kahərəte ŋkwa le berete ta ŋkɛ we.