Nahəwm 1:7 - Ghena ta Shala

⁷ Nahe Mahwətə kenza ganyɛke, nahe ŋkɛ kenza kaŋkwa kewəfərə te vecia ndiremi. Kanewe ghweme ŋkɛ te mbeli nyi nza ŋkɛ kaŋkwa kewəfərə ta nci,

Nahəwm 1:7 Iomraidhean Croise

1 Wəshi nyi Mene Ka Meghe 16:34

Tsahe mə Mahwətə, kwa nza ŋkɛ ganyɛke ŋkɛ, kakiɗi ɗe ta ŋkɛ we.

1 Wəshi nyi Mene Ka Meghe 5:20

Nahe hɛ keŋ'wete kemane. Pa ka Hagri mbe dzeve ta nci ba'a mbeli nyi kejikəte geva le hɛ kwa 'yɛwakɛ kemane hɛ va Shala, pa ŋkɛ yipəyi nda kwa ke hɛ kwa vate ghə hɛ te.

2 Wəshi nyi Mene Ka Meghe 13:18

Ma te vəa shɛ ne, pa zləvə kelemte geva te ka Israyɛl, ama ka Zhəwda ne, nahe hɛ kehərəte ŋkwa va nya dɛŋate geva hɛ te Mahwətə, Shala ta ka shihɛ nci.

2 Wəshi nyi Mene Ka Meghe 32:11

Nahe Ɛzɛkiyas kegezete ŋayɛ katembele ŋayɛ Shala ta ŋayɛ shave mbe dzeve ta ɗa, ama gheyɛ yaghwete ŋkɛ, pɛtɛ tempə yɛ va ma ba'a ndere.

2 Wəshi nyi Mene Ka Meghe 32:21

Pa Mahwətə ghwenakɛ nde ghwene ta ŋkɛ kwetɛŋe kadzembe ghedəkwəa ka Asiri kampəmte ka katsala le mbelia jama ta ka sewajɛ. Cape meghea ka Asiri zhɛnete geva kalə sha hɛɗia ŋkɛ bətə mbe hawe. Ma te kwete hɛ kwa dzembe ghɛa shala ta ŋkɛ ŋkɛ ne, pa ŋwalea ŋkɛ peslekɛ ŋkɛ.

2 Wəshi nyi Mene Ka Meghe 32:8

Deke berete ta wəndə ŋelɛ ya ve nahe, ama gheɓəmə ne, Shala Mahwətə ta ɓəmə ya shɛ, gheŋkɛ nde kekemane ɓəmə ba'a kampa yitea gheɓəmə.» Ghena ta Ɛzɛkiyas, meghea ka Zhəwda nyi ka mtsehete nda berete ke mbeli nyi mbe meleme.

Ɛsdras 3:11

Ntake hɛ kageze zləvəa Mahwətə ba'a katsahe kwa cimə nya zhɛne hɛ kwelɛ ghəa nci kala nya: «Ganyɛke Mahwətə, kakiɗi ɗe ta ŋkɛ kaŋa ka Israyɛl we!» Pɛtɛ mbeli katsahe Mahwətə perə, katsa gaghwe kwele kwele kwa nza mbeli kagha shihəa ghɛa Mahwətə.

Cimə 1:6

Kwa nza ŋkɛ nahe Mahwətə keɗepe hweŋkwa ta mbeli nyi tiɗiɗi, ama kateza hweŋkwa ta ka 'yaghwa mehele.

Cimə 100:5

Kwa nza ŋkɛ megela Mahwətə, kaghala ghala nza ganyɛa ŋkɛ, keshi keshi nza kaganda ta ŋkɛ.

Cimə 20:1

Se va wəndə nya te ghəa cimə. Ciməa David.

Cimə 25:8

Kaganda ne, ganyɛke ba'a tiɗiɗi Mahwətə, kancɛ nda hweŋkwa ŋkɛ ke ka jaɗafa.

Cimə 27:5

Kwa nza ŋkɛ katewəfərə ɗa ŋkɛ mbe ghwəlia ŋkɛ te vecia ndiremi, katewəfərə ɗa ŋkɛ talɛ wəmbala ta ghɛa ŋkɛ, kateve ɗa ŋkɛ gwezlayɛ kwa ghəa ghweme.

Cimə 37:39

Va Mahwətə se mbele ta mbeli nyi tiɗiɗi, gheŋkɛ ya kaŋkwa kewəfərə ta nci te vəa ndiremi.

Cimə 37:40

Kakemane hɛ Mahwətə ba'a kawəfərə hɛ ŋkɛ. Kawəfərə hɛ ŋkɛ va ka 'yaghwa mehele ba'a kambele hɛ ŋkɛ, kwa nza ŋkɛ gheŋkɛ ya kaŋkwa kewəfərə ta nci.

Cimə 46:2

Shala ya kaŋkwa kewəfərə ta ɓəmə ba'a kaberete ta ɓəmə, ɗeke ɗeke ŋkɛ kevə kevə kezha kemane ɓəmə va ndiremi.

Cimə 50:15

Tsa ɗa lewela te vəa yaka, katembele ŋa 'ya ba'a kateve zləvə na te 'ya.

Cimə 59:16

Gaŋe yagaŋe hɛ kezha wəsə kezeme. Ma kebehema hɛ ne, kambɛhwɛ hɛ.

Cimə 71:3

Nza kagela nya wəfərə 'ya mbe, ŋkwa nya nza 'ya kadzete ɗa kevə kevə. Nahe na ketarete kezha mbele ɗa. Kaganda ne, gha ya kagela ta ɗa ba'a kaŋkwa keya ɗa nya berete.

Cimə 86:7

Ma te vəa yaka ne, gha yasəkwə 'ya, kwa nza ŋkɛ kazhɛne ɗa na.

Cimə 9:10

Mahwətə ya kaŋkwa kewəfərə ta wəndə nya kesa yaka, kaŋkwa kewəfərə mbe vəa ndiremi.

Cimə 91:15

Ma kesəkwə ɗa ŋkɛ ne, katezhɛne nda 'ya, katenza 'ya dzeme vare gheŋkɛ te vəa yaka. Katembele ŋkɛ 'ya ba'a kateve nda zləvə 'ya.

Yɛ Ghena Ŋela 18:10

Ŋkwa nya nza zli nya berete yite sləa Mahwətə. Ma wəndə nya tiɗiɗi nya kehwɛnyɛ kadzete ne, gwezlayɛ tenza ŋkɛ.

Ɛzayi 25:4

Kwa nza ŋkɛ gha ya kaŋkwa kewəfərə ta nde dewə ŋeli, kaŋkwa kewəfərə ta nde titikwə nya kesa yaka, kaŋkwa kewəfərə va va nya wəba, kashenaŋkwe va ghwə ta veci. Kwa nza ŋkɛ ma hwepe wənə ta mbeli nyi kemene berete ne, kala va nya kegisə geva kadzete dewe

Ɛzayi 32:2

Katenza yayata wəndəa nci kala ŋkwa kewəfərə va sefə, kala ŋkwa kewəfərə va va nya wəba, kala hələ nya kehwɛ te ɓerama, kala shenaŋkwe ta gela nya wəba te hɛɗi nya ŋ'wara.

Ɛzayi 50:10

Wa nde hawe va Mahwətə hwa gheyɛ wa? Fa ghena ta nde mene slene ta ŋkɛ ŋkɛ. Wa nde dzeghwa hwa ŋkwesle kaɗema ghwə ve wa? Ndeke nda wənəa ŋkɛ ŋkɛ ke Mahwətə ba'a dɛŋate geva ŋkɛ te Shala ta ŋkɛ.

Zhɛrɛmi 16:19

Mahwətə, gha ya kaberete ta ɗa, kande ya ɗa ba'a kaŋkwa kewəfərə ta ɗa mbe vəa yaka. Sha gha tese kweci hwelefefi te ŋkwa nyi zhigə hɛɗi. Ma tegeze hɛ: «Kekemave hweŋkwa kezele Shala ganyɛ ka shihɛ n'yɛ we, wəshi kwadanji nyi keɗema kaketekɛ ŋkwa shala shɛhɛ.

Zhɛrɛmi 17:17

Mba na kesərəakɛ ɗa kabare bare va ghazlənə, gha nya kaŋkwa kewəfərə ta ɗa te vəa ndiremi.

Zhɛrɛmi 24:5

«Wa nya ghena nya geze 'ya Shala Mahwətə ta ka Israyɛl nya: Kala nya mawe ya ta dasekwa ganji mbeli ne, tsagha mawe ka Zhəwda nyi fəhwe nyi mbeli 'ya, nyi ŋkamte nyi 'ya se teke kajive Babilone.

Zhɛrɛmi 33:11

yɛ zlewezla ta gəsəkə, yɛ gaghwe ba'a yɛ ciməa zhilia makwashi le ŋa makwashi te hɛɗi nya. Katezhɛne mbeli kafa yɛ ciməa mbeli nyi ketefə wəshi keseɗa kedzeghe melɛ ketsa hana kase kadzeki Mahwətə, ma tegha hɛ: ‹Tsahe mə Mahwətə nde berete, kwa nza ŋkɛ ganyɛke ŋkɛ, kakiɗi ɗe ta ŋkɛ we.› Kaganda ne, katezhɛne hɛɗi nya 'ya te ŋkwa ŋkɛ.» Nya ya kaghena nya gezete Mahwətə.

Yɛ Ŋgaɗe ghə 3:25

Nahe Mahwətə kenza ganyɛke laka wəndə nya keve nda ghəa ŋkɛ, laka wəndə nya kezele ŋkɛ.

Daniyɛl 3:28

Ma ke Nabəkodonozor gezete: «Tsa nda ɓəmə hana ke Shala ta Shadrak, Mɛshak ba'a Abɛd-Nɛgo, gheŋkɛ nya keghweneke nde ghwene ta ŋkɛ ba'a nya kembelete ka mene slene ta ŋkɛ, kwa nza ŋkɛ nahe hɛ kendeke nda ghəa nci. Nahe hɛ kedzawanji wəmbəa ghena nya gezete meghe, kesahwe nda yaka ke ghəa nci kenya mene nda slene hɛ keɗema nya hawe hɛ va shala nya keɗema kaShala ta nci.

Daniyɛl 6:23

Nahe Shala ta ɗa keghweneke nde ghwene ta ŋkɛ nya keŋzlemte mɛa yɛ nivɛrə. Wəsə kwa ndiremi shɛ kemenete ɗa hɛ we. Kwa nza ŋkɛ ne, nahe Shala keveyi ɗa kande menetema fete. Meghe yawe, ya laka gha ne, fete shɛ kemenete 'ya perə we.»

Sofoni 3:12

Katesərə ka dewə ŋeli ba'a ka titikwəa kɛfi 'ya te hɛɗia ŋa. Katesləyi ŋkwa kewəfərə hɛ mbe 'ya, 'ya Mahwətə.

Matiye 27:43

Nahe ŋkɛ keveyi zəzə ta ŋkɛ te Shala, kwa nza ŋkɛ ma ke gezete: Wəzege ta Shala 'ya. Yawa, newe ɓəmə kenza nde kambelete ŋkɛ Shala tsetsenya kenza kaɗe ŋkɛ ŋkɛ gɛ!»

Matiye 7:23

Tagha gɛ, ma 'ya tezhɛne nda ke hɛ: Keɗepe ŋayɛ 'ya tɛape we. Slə ŋayɛ mə cakeɗake yitea 'ya, gheyɛ ka mene wəsə kwa ndiremi.

Zhaŋe 10:14

'Ya ya kande ya wəshi ganyɛ. Nahe 'ya keɗepe timɛtia ɗa, nahe hɛ keɗepe ɗa,

Zhaŋe 10:27

Kafa mɛa ɗa timɛtia ɗa, nahe 'ya keɗepe hɛ, katəkwə təkwə ɗa hɛ.

Ka Rome 11:22

Newema tsema tsema nza Shala ganyɛke ba'a ghyanake: nahe ŋkɛ kenza ghyanake laka mbeli nyi kebetenji ba'a ganyɛke laka gha. Ama nda na kanza dɛŋe dɛŋe te ganyɛa ŋkɛ. Ma keɗema ŋkɛ tsagha ne, katetsaslemte geva na kala dzeve ta wəfe.

Ka Galate 4:9

Ama tsetsenya ne, nahe yɛ keɗepe Shala, keɗema nahe Shala keɗepe ŋayɛ. Tsema shɛ yɛ zhɛne geva kalə sha wəshi nyi ɗema berete va hɛ ba'a nyi ɗema zləvə te hɛ wa? Gheyɛ ɗe kanza kaka mavashia nci zhɛkwa na?

2 Timotɛ 2:19

Ma ya tsagha ŋkɛ ne, mba shihə nya veyi Shala bereteke shanda. Wa nya ghena nya kerafete geva te nya: «Nahe Nde sleke ŋkwa keɗepe mbelia ŋkɛ», ba'a: «Ma yayata wəndə nya kehekɛme sləa Nde sleke ŋkwa ne, kahwɛ ŋkɛ cakeɗake va mashiwəshi.»