Nahəwm 1:6 - Ghena ta Shala

⁶ Wa nde nza kasəwəte hwepe wənəa ŋkɛ wa? Wa nde nza kaghereŋe yitea ghweme vəa ŋkwa nya tse hwepe wənəa ŋkɛ wa? Kala tse ta ghwə nya wəba pesle geva ŋkɛ, kapeperawe yɛ gela kwa kema ta ŋkɛ.

Nahəwm 1:6 Iomraidhean Croise

1 Ka Meghea Kɛfi 19:11

Ma ke Mahwətə shɛ: «Shave ŋa shɛ na dzeme ŋa pelɛ ghəa ghweme kwa kema ta ɗa kwa nza nde katedzeyi 'ya tagha.» Te ŋkwa shɛnyɛ, pa sefə vɛte geva kwele kwele, pa perawemte ghweme ba'a yɛ keleɓa mbe kema ta Mahwətə. Ama kenza Mahwətə mbe sefəa shɛ we. Kwa sebe ta sefəa shɛ ne, pa hɛɗi gaŋkəɗəte geva, ama tagha Mahwətə we.

Palepa ta JOB 26:11

Ma kwa ŋgezle Shala ne, kagaŋkəɗə yɛ seləa ghweme, kabare bare ghweme va ghazlənə.

Palepa ta JOB 40:11

Pelakɛ ghwə ta hwepe wənəa ŋa, laka ghwərəzlə ŋkwa ta ŋa ne, shifəmte pɛtɛa ka kele ghə.

Palepa ta JOB 9:5

Taghanyɛ ne, kakelemte yɛ ghweme ŋkɛ, kaŋzla hɛ ŋkɛ mbe hwepe wənəa ŋkɛ.

Cimə 130:3

Mahwətə, ma ya kave yɛ fete na te wənə ne, wa nde tenza teghweme wa Mahwətə?

Cimə 2:12

'Yɛ mə ghəa ŋayɛ yagha ŋkɛ tehwepete wənə ba'a yagha yɛ teza ŋayɛ kwa hweŋkwa. Kwa nza ŋkɛ ne, kahe kahe hwepe wənəa ŋkɛ. Zlama ya va pɛtɛa mbeli nyi kwa ghwədərəa ŋkɛ.

Cimə 76:7

Shala ta Zhakob, ma kwa ntsə nda ghyana na ke hɛ ne, nahe yɛ wəmata kempa ba'a yɛ gədəwəa lɛmə kegheghereŋenji.

Cimə 76:8

Gha nya ghazlənə nya mbeli ve ne, wa nde nza kaghereŋenyɛ kwa kema ta ŋa vəa kwa nya hwepete wənə na wa?

Cimə 90:11

Wa nde ɗepe berete ta hwepe ta wənəa ŋa wa? Kewəbanyɛ ŋkɛ kala hawe ta n'yɛ va gha.

Ɛzayi 10:16

Vatse tepahemte mbeli nyi deke deke Shala Mahwətə nde berete, kateme ghwə yitea mbeli nyi nza zləvə te, kala nya tse ŋkwa ghwə.

Ɛzayi 13:13

Vatse gɛ ne, kategaŋkəɗə ghweme, kategaŋkəɗə hɛɗi te shihəa ŋkɛ va beze ta wənəa Mahwətə nde berete, va ghwə ta hwepe ta wənəa ŋkɛ.

Ɛzayi 27:4

Mba wənəa ɗa kehwepe hwepe ve we. Ama ketenakɛ yɛ tigə ba'a yɛ tigə kwara 'ya ne, kateme 'ya kənəa hɛ ba'a kateteremte hɛ 'ya.

Ɛzayi 33:14

Nahe ka jaɗafa mbe Siyon keghazlənənji, Nahe ka ndiremia mehele kebare barenji. Ma ke hɛ sha geze: «Wa wəndəa ɓəmə nya ketenza kaghereŋe vare ghwə nya ketse nya wa? Wa wəndəa ɓəmə nya ketenza kaghereŋe vare laɗe nya keɗema nya kamte tɛape wa?»

Ɛzayi 66:15

Kwa nza ŋkɛ wa nya Mahwətə nya kase mbe ghwə, nahe yɛ wəmata kempa ta ŋkɛ kenza kala sefə nya wəba. Gheŋkɛ kase kezha ncɛ ghwə ta hwepe ta wənəa ŋkɛ ba'a kezha ve ɗa te mbeli le ghwə nya ketse.

Zhɛrɛmi 10:10

Ama Shala nya kaganda Mahwətə, Shala teghweme, meghe nya kaghala ghala. Ma kehwepete wənə ŋkɛ ne, kagaŋkəɗə hɛɗi, kazereghete hwepe wənəa ŋkɛ kweci hwelefefi we.

Zhɛrɛmi 21:12

gheyɛ hwelefe ta David. Wa nya ghena nya geze ŋkɛ nya: Meha mə ghwə nya kaganda kala kiɗi ta ŋkwa. Zləgwəke mə mbeli nyi kasa yaka gəmə shave mbe dzeve ta mbeli nyi kesa nda yaka ke hɛ. Ma keɗema ŋkɛ tsagha ne, kala ghwə nya ɗema mbeli kapeslekɛ tetse hwepe ta wənəa ɗa va wəshi nyi ndiremi ndiremi nyi mene yɛ.

Yɛ Ŋgaɗe ghə 2:3

Ma mbe ghwə ta hwepe wənəa ŋkɛ ne, nahe ŋkɛ kezamte pɛtɛa berete ta Israyɛl. Nahe ŋkɛ kenzanyɛ kesate te ŋkwa vəa ŋkwa nya se nde ghema. Mbe hɛɗia Zhakob ne, nahe ŋkɛ kendəte wəsə kala ghwə nya keteremte ŋkwa nya dzeyi yite.

Yɛ Ŋgaɗe ghə 2:4

Kala nde ghema ne, nahe ŋkɛ kepenakete rəgia ŋkɛ, ɗeke ɗeke dzeve kwa zeme ta ŋkɛ kahe have. Kala nde jaga ne, nahe ŋkɛ kempəmte pɛtɛa mbeli nyi nza ntsə te hɛ. Nahe ŋkɛ kebetaghe hwepe wənəa ŋkɛ kala ghwə kənəa ghɛa Shala nya mbe Siyon.

Yɛ Ŋgaɗe ghə 4:11

Nahe Mahwətə keterekete hwepe wənəa ŋkɛ, nahe ŋkɛ kebeteyi ghwə ta hwepe ta wənəa ŋkɛ. Ma mbe Siyon ne, nahe ŋkɛ kendəte ghwə nya keteremte yɛ shihəa ŋkɛ.

Ɛzɛkiyɛl 21:31

Wa nya ghena nya geze 'ya, 'ya Shala Mahwətə nya: katekelehwe yɛ zlave kepeɗe ghəa ŋa le derə meghea ŋa mbeli. Katenza wəshi kala nyi vəashi we. Katenza ka gwedəa kɛfi te ŋkwa ganyɛ, kateshifəmte geva ka berete beretea kɛfi.

Ɛzɛkiyɛl 30:16

Katendə ghwə 'ya yitea Ɛzhipte. Katebare bare mbeli nyi mbe Sin va ghazlənə. Katentsa wəfela mbeli te zli nya yitea Tɛbɛs, heveci tekele Mɛmfis ka jaga.

Ɛzɛkiyɛl 39:6

Katendə ghwə 'ya yitea hɛɗia Magog ba'a yitea mbeli nyi kenewe ghəa nci nyi kwelɛŋe te hɛɗi nyi kesləyi geva nyi te tepe ta yɛmə. Tsagha ne, kateɗepete hɛ 'ya ya kaMahwətə.

Ɛzɛkiyɛl 7:8

Tsetsenyanyɛ teve hwepe wənəa ɗa 'ya kənəa gheyɛ, waɗe tepele nda hweŋkwa 'ya kadzeghəa gheyɛ. 'Ya katemeha ghwə te dzeghwa ta ŋayɛ ba'a 'ya kateŋki ŋayɛ pɛtɛa slene nyi ndiremi ndiremi kashasha ta ŋayɛ.

Nahəwm 1:2

Nahe Mahwətə kenza kaShala nya kezlɛ ba'a nya kewa ghena. Nahe Mahwətə kenza kande wa ghena, nahe hwepe wənəa ŋkɛ kenza dzawe. Kawa ghena Mahwətə te ka ghema ta ŋkɛ, kahwepe nda wənə ŋkɛ ke ka jaga ta ŋkɛ.

Sofoni 2:2

nda teŋkamte geva yɛ kala cɛkəvə nyi ketaze geva te veci kwetɛŋe, nda teme ghwə ta hwepe wənəa Mahwətə te gheyɛ, nda tedzeghəa gheyɛ vecia hwepe wənəa Mahwətə.

Malashi 3:2

Wa nde tenza kasəwəte vecia se ta ŋkɛ wa? Wa nde teghereŋe yitea ghweme vəa ŋkwa nya nca ŋkɛ wa? Katenza ŋkɛ kala ghwə ta gezla, kala sempere ta nde tsewe lekwesa.

Ghena Kelɛŋə 16:1

Kwa sebe ta ŋkɛ ne, pa 'ya fate ŋwələ nya le berete shave mbe ghɛa Shala, ma ke sha ka ghwene ta Shala nyi mberefaŋe: «Kwiɗi mə kalə kasheke zlerekwe nyi mberefaŋe ta hwepe wənəa Shala te hɛɗi.»

Ghena Kelɛŋə 16:8

Pa nde wəfaɗe ta nde ghwene ta Shala shekeyi ŋa ŋkɛ te veci. Tagha gɛ, hweŋkwa ya va veci katere mbeli laka ghwə ta ŋkɛ.

Ghena Kelɛŋə 6:17

Kwa nza ŋkɛ nahe vecia hwepe wənəa nci nya wəba kese. Wa nde nza kaghereŋe kwa kema ta ŋkɛ wa?»