Nahəwm 1:5 - Ghena ta Shala

⁵ Kagaŋkəɗə yɛ ghweme kwa kema ta ŋkɛ, kadase yɛ wəmbə. Kagaŋkəɗə hɛɗi kwa kema ta ŋkɛ, hɛɗi lema ba'a pɛtɛa wəshi nyi te.

Nahəwm 1:5 Iomraidhean Croise

2 Saməyɛl 22:8

Tagha gɛ, pa hɛɗi gaŋkəɗəte geva le berete. Pa ghweme gaŋkəɗəte geva te shihəa ŋkɛ. Pa hɛ gaŋkəɗəte geva va hwepe wənə ta ŋkɛ.

Palepa ta JOB 26:11

Ma kwa ŋgezle Shala ne, kagaŋkəɗə yɛ seləa ghweme, kabare bare ghweme va ghazlənə.

Palepa ta JOB 9:5

Taghanyɛ ne, kakelemte yɛ ghweme ŋkɛ, kaŋzla hɛ ŋkɛ mbe hwepe wənəa ŋkɛ.

Cimə 104:32

Ma kanewe hɛɗi na ne, kagaŋkəɗə ŋkɛ. Ma kakwaɗe yɛ ghweme na ne, katələ n'yi shave mbe hɛ.

Cimə 114:4

Katsetsərəkə yɛ ghweme kala gamea lɛmə, kajɛgwəli yɛ wəmbə kala zhɛgwəa lɛməa timɛti.

Cimə 114:6

Gheyɛ ghweme, va wa tsetsərəkə yɛ kala gamea lɛmə wa? Gheyɛ wəmbə, va wa jɛgwəli yɛ kala zhɛgwəa lɛməa timɛti wa?

Cimə 18:7

Mbe yaka ta ɗa ne, nahe 'ya kesəkwəte Mahwətə, nahe 'ya ketsave nda lewela ke Shala ta ɗa. Mbe ghɛa ŋkɛ ne, nahe ŋkɛ kefate ŋwələa ɗa, nahe lewela ta ɗa kedzawa sleme ta ŋkɛ.

Cimə 18:8

Tagha gɛ, kagərə gərə ba'a kagaŋkəɗə hɛɗi, kagaŋkəɗə geva yɛ shihəa yɛ ghweme, kagərə gərə hɛ va hwepe wənəa Shala.

Cimə 46:6

Shala ya mbe melemea shɛ, kateŋzla nde we. Kiɗima ta ŋkwa ne, kakemane ŋkɛ Shala.

Cimə 68:8

Shala yawe, ma te və nya shave na te kema ta mbelia ŋa, te və nya dzeghwa na te ɓerama ne,

Cimə 98:7

Gaka ndərə le pɛtɛa wəshi nyi kwa, hɛɗi lema le pɛtɛa wəshi nyi te.

Shave 19:18

Pɛtɛ ghweme ta Sinay zhiɓə va n'yia ghwə, va nya sawa Mahwətə hwa ghwə. Ntake n'yia shɛ kadzeme yitea ghweme kala n'yia ghwə nya wəba, pɛtɛa ghwemea shɛ kagaŋkəɗə.

Ɛzayi 24:1

Kateve beze Mahwətə te hɛɗi lema, kateve beze ŋkɛ te. Katezhɛremte hɛɗi lema ŋkɛ, katetazemte mbeli nyi te ŋkɛ.

Ɛzayi 24:20

Kala nde ghwəyi ghwəyi ne, katetsepe tsepe geva hɛɗi, katevereŋwə geva ŋkɛ kala ghwəli va sefə. Kateteɗe ŋkɛ va ɗaŋeɗa ta fete ta ŋkɛ. Katesate ŋkɛ te ŋkwa we.

Ɛzayi 5:25

Vatse hwepete wənə Mahwətə va mbelia ŋkɛ. Nahe ŋkɛ kekafete dzeve kezha ɗa hɛ. Kagaŋkəɗə yɛ ghweme, təɗəmə təɗəmə mbeli nyi kempə mpə dzeyi kwa yɛ hweŋkwa kala kəsə. Ya tsagha shɛ ŋkɛ ne, kegweɗakwe wənəa Mahwətə ba'a kekelakawa dzeve ta ŋkɛ ŋkɛ we.

Zhɛrɛmi 10:10

Ama Shala nya kaganda Mahwətə, Shala teghweme, meghe nya kaghala ghala. Ma kehwepete wənə ŋkɛ ne, kagaŋkəɗə hɛɗi, kazereghete hwepe wənəa ŋkɛ kweci hwelefefi we.

Zhɛrɛmi 4:24

Newe 'ya sha yɛ ghweme: kagaŋkəɗə hɛ, nahe yɛ wəmbə kedasenji.

Ɛzɛkiyɛl 38:20

Keyirə yirə tenza kelepe nyi kwa ndərə, 'yɛ nyi yitea ghweme, wəshi keseɗa nyi hwa gamba, wəshi nyi kentsehe dzate te hɛɗi ba'a mbeli nyi te hɛɗi lema va ghazlənə kwa kema ta ɗa. Kateŋzleŋzlanji yɛ ghweme, yɛ kələŋə ba'a pɛtɛa dewe nyi ŋate mbeli.

Zhowɛl 2:10

Ma kase hɛ ne, kagaŋkəɗə hɛɗi, kala wəsə nya ɗe ghweme kateɗe. Kanza veci ba'a tere ngərə ngərə, kazhɛne yɛ saseregwa kaɓele we.

Amos 9:5

Ma kedapate dzeve Shala Mahwətə nde berete te hɛɗi ne, kagaŋkəɗə ŋkɛ ba'a kanehwene mbeli nyi te pɛtɛ. Katewepe geva ŋkɛ pɛtɛ kala hələ, zhɛne ne, katesawa ŋkɛ kala hələa Ɛzhipte.

Mishɛ 1:4

Kadedase yɛ ghweme mbe hwə seɗa ta ŋkɛ, kanɛnɛa ŋkwa nyi kwelɛ yɛ zlərə kala ɗəkə va ghwə, kala yɛmə nya kehwɛ dzawa vare wəmbə.

Habakək 3:10

Ma vəa ŋkwa nya nakɛ ŋa yɛ ghweme ne, kabare bare hɛ va ghazlənə, kame va nyi jama jama te hɛɗi, kagaka ndərə nya wəba ba'a kagaŋkeɓe ŋkɛ pa pelɛ ghweme.

Zakari 4:7

Wa ŋkɛ na wa ghweme nya wəba? Ɓerayɛ təhə geva na kwa kema ta Zorobabɛl. Katelase pelɛa shihə ŋkɛ vəa ŋkwa nya tsa lewela mbeli kala nya: Hana, hana yite!»

Matiye 27:51

Ma te ŋkwa shɛnyɛ ne, pa mayafe nya keneheve ŋkwa nya mbe ghɛa Shala perawenyɛ sawa pelɛghə hwa'a kwake te hɛɗi. Kagaŋkəɗə hɛɗi, kapeperawe yɛ keleɓa,

Matiye 28:2

Te ŋkwa shɛnyɛ, pa hɛɗi gaŋkəɗəte geva kwele kwele, pɛkwe nde ghwene ta Nde sleke ŋkwa sawa pelɛ ghweme, pa pəŋəmte pelɛ mɛa kwele, pa ntishɛnyɛ te.

Ghena Kelɛŋə 20:11

Kwa sebe ta ŋkɛ, pa 'ya nakɛ pasla nya wəba nya tɛawetɛa ba'a wəndə mentishɛ pelɛ. Pa yɛ hɛɗi le ghweme hwɛnji kwa kema ta ŋkɛ, kezhɛne mbeli kanakɛ hɛ we.

Ghena Kelɛŋə 6:14

Pa ghweme zanyɛ ɓɛhwɛ ɓɛhwɛ kala palepa nya peɗe mbeli. Pa pɛtɛa yɛ ghweme ba'a hɛɗi nyi dzeyi te ndərə kekelemte geva seyi te ŋkwa nci.

Ka Meha ghwə 5:5

Nahe yɛ ghweme kebare bare kwa kema ta ŋa, Mahwətə ta Sinay, Shala ta ka Israyɛl.