Nahəwm 1:3 - Ghena ta Shala

³ Nahe Mahwətə kenza kande səwə ghena, nahe berete ta ŋkɛ kenza wəbake, ama kave nda ma fete Mahwətə ke nde beze ghena we. Ma vəa ŋkwa nya dzeghwa ŋkɛ ne, kavɛ sefə nya wəba berekə berekə. Nahe yɛ ləmbə kenza kakeləwə nya tələ seɗa ta ŋkɛ.

Nahəwm 1:3 Iomraidhean Croise

2 Saməyɛl 22:10

Kakesakawa ghweme ŋkɛ kasawa, pa sawa, deɓe deɓe ləmbə mbe seɗa ta ŋkɛ.

Nɛhɛmi 9:17

Nahe hɛ keɗema yɛ fete, ba'a nahe hɛ kezaghəyite wəshi meŋele nyi menete nda na ke hɛ. Pa hɛ menete ghəa nci ntɛaŋe ntɛaŋe, pa hɛ zəzəte kazhɛne geva kadzembe slene mava ta nci nya mbe Ɛzhipte. Ama gha ne, kewəfəyite hɛ na we, kwa nza na kaShala nya kekelemte ghena te wənə, nya kemene ganyɛ ba'a nya kezhɛ heli, nya kezereghe ghena ba'a nya nza ɗe kwele kwele ve.

Palepa ta JOB 10:14

gha ɗe kaceha ɗa mbe mene jaɗafa, fete shɛ katekelemte ɗa na te wənə we.

Palepa ta JOB 38:1

Tagha ne, pa Mahwətə zhɛnete nda ghena shave mbe tepe ta sefə nya wəba ke Job, ma ke:

Palepa ta JOB 9:4

Kwele kwele ntsehwele ba'a berete ve. Wa nde nza kazhɛnete nda ghə kaɗema kekemave pamə hwa tsə wa?

Cimə 103:8

Mahwətə ya kande zhɛ heli ba'a kande ganyɛa mehele, nahe ŋkɛ kenza kande səwə ghena ba'a kande ɗe ŋkwa.

Cimə 104:3

Kaŋa ghɛa ŋa na biya ma ke ghweme, kakele ləmbə na kawəmata gədəwə, kadzeghwa na te yɛ bidzəa sefə.

Cimə 145:8

Nahe Mahwətə kenza kande ganyɛa mehele, kande zhɛ heli, kande səwə ghena ba'a kande ɗe ŋkwa nya wəba.

Cimə 147:5

Nahe Shala ta ɓəmə kenza wəbake ba'a bereteke, ghala shɛ kwa ɗepe wəsə ta ŋkɛ we.

Cimə 50:3

Se yase Shala ta ɓəmə, kanza ŋkɛ divə we. Ghwə nya ketere ŋkwa ya mbe kema ta ŋkɛ, sefə nya wəba ya dzeyi yite.

Cimə 62:11

Ndeke nda ma ghə yɛ ke mene berete ma, vema ghə yɛ te wəshi nyi ghərəke mbeli ma. Ma kembakete geva wəshia ŋayɛ ne, vema mehele ta ŋayɛ yɛ te hɛ ma.

Cimə 66:3

Ma pe yɛ sha Shala: «Dzawe dzawe wəshi nyi mene na. Va wəba ta berete ta ŋa ne, katsahe ŋa ka jaga ta ŋa.

Ɛzayi 19:1

Ghena nya kegezete geva te ghəa Ɛzhipte. Wa nya Mahwətə nya te ləmbə nya kedzeghwa kahe kahe, gheŋkɛ kadzembe Ɛzhipte. Bare bare yabare bare wəshi nyi zhɛrete ka Ɛzhipte kashala mbe kema ta ŋkɛ ba'a sla yaslesla helia ka Ɛzhipte.

Ɛzayi 29:6

Katembele ŋa Mahwətə nde berete mbe berazlɛ ta va, mbe gaka nya ghazlənə mbeli ve, mbe yɛ va nya wəba le sefə nya wəba ba'a mbe tse ta ghwə nya wəba.

Ɛzayi 66:15

Kwa nza ŋkɛ wa nya Mahwətə nya kase mbe ghwə, nahe yɛ wəmata kempa ta ŋkɛ kenza kala sefə nya wəba. Gheŋkɛ kase kezha ncɛ ghwə ta hwepe ta wənəa ŋkɛ ba'a kezha ve ɗa te mbeli le ghwə nya ketse.

Zhɛrɛmi 4:13

«Wa nya nde jaga nya kase kala ləmbəa ghapeha, kala masefafele hwɛ yɛ wəmata gədəwəa ŋkɛ, hwɛ ma yɛ gədəwəa ŋkɛ ke yɛ zele. Awema! Rayɛ sebe te ghen'yɛ!»

Daniyɛl 7:13

Ma mba 'ya kanewe wəshi nyi kencɛ ɗa geva nyi heviɗi ne, pa 'ya nakɛ kwete wəsə kala wəndə ŋelɛ kase mbe ləmbə nya te ghweme. Hwa'a ŋkɛ ntsehe sha meha za, pa mbeli hendeyi ŋkɛ kwa kema ta ŋkɛ.

Palepa ta Ozɛ 8:7

Ma kwa nza ŋkɛ sefə yatsawete hɛ ne, sefə nya wəba yatetsa hɛ. Ma ke kwete ghena ŋela gezete geva: ‹Ma zləkə nya keveyima ghə ne, kaŋ'wete hə mbeli yite we.› Ya mbeli ŋ'wete ɓɛhwɛ ne, ka se se ka tezeme ŋkɛ.

Zhowɛl 2:13

Yɛ lekwesa ta ŋayɛ yaŋkwahe yɛ we, ama wənəa ŋayɛ yazhɛre yɛ.» Kaganda ne, zhɛre mə geva kase sha Shala Mahwətə ta ŋayɛ: nahe ŋkɛ kenza kande ganyɛa mehele ba'a kande zhɛ heli, kande səwə ghena ba'a kande ɗe ŋkwa. Kazəzə ɗa nyi vate ŋkɛ te mbeli ŋkɛ.

Zhonas 4:2

Pa səkwəte ghə sha Mahwətə le geze: «Mahwətə, wəsə nya yase 'ya kaghazlənə ve shɛ 'ya mba mbe meleme ta ɗa, vatse se 'ya kahwɛ kadzawa Tarsis. Nahe 'ya keɗepe Shala nya ganyɛa mehele nya kezhɛ heli na, nya ɗema wənəa ŋkɛ kahwepe kahe kahe, nya nza ɗe kwele kwele ve, nya ɗeke ɗeke kazhɛre geva seyi te ndiremi nyi tarete na.

Zakari 9:14

Katenca Mahwətə kənəa mbelia ŋkɛ, kala slesla ta va teslesla have ta ŋkɛ. Katevɛ ghwekwəlekwə Shala Mahwətə, katese ŋkɛ hwa sefəa va nya kesame laka bela kwa zeme.

Ɓela 14:18

‹'Ya ya kaMahwətə nya kezereghe ghena ba'a nya ganyɛa mehele. Kazereghe yɛ jaɗafa ba'a yɛ fama ghema 'ya. Ama kave nde jaɗafa 'ya kawəndə nya ɗema fete ve we. Kame 'ya te wəndə nya kemenete jaɗafa ba'a te ŋwalea ŋkɛ, hwa'a te kwa maheke keɗema kwa wəfaɗe ta hwelefe.›

Matiye 26:64

Ma ke Yɛsə zhɛnete nda: «Gha nde gezete. Ama ma 'ya sha gheyɛ: tsetsenyanyɛ, katenewe Wəzege ta za yɛ mentishɛ te kwa zeme ta Shala nde berete. Katenewe ŋkɛ yɛ kasawa te ləmbə pelɛ ghweme.»

Zhake 1:19

Ka kesaka ma, zəzəte mə ghena nya megela. Ntsə mə geva yitea fa ghena, ama gezema ghena ba'a hwepema wənə yɛ kahe kahe ma.

Ghena Kelɛŋə 1:7

Newe ma mə: sawa yasawa ŋkɛ mbe ləmbə. Katenewe ŋkɛ pɛtɛa mbeli, pa le mbeli nyi kempahwemte ŋkɛ. Kateŋgaɗe ghə pɛtɛa hwelefefi nyi te hɛɗi te ghəa ŋkɛ. Kaganda ne, katenza ŋkɛ kala nya! Amɛn.