Nahəwm 1:14 - Ghena ta Shala

¹⁴ Wa nya wəsə nya tarete Mahwətə te ghəa ŋayɛ, gheyɛ ka Ninive nya: «Katezhɛne ŋwale nyi ketekele sləa ŋayɛ kanza va gheyɛ we. Ma mbe ghɛa yɛ shala ta ŋayɛ ne, kateza sebe 'ya te shala nyi menete yɛ yitea sheghwə ba'a yitea mze. 'Ya kahi kwele ta ŋayɛ, kwa nza ŋkɛ zləvə te gheyɛ kwa ntsə ta ɗa we.»

Nahəwm 1:14 Iomraidhean Croise

2 Ka Meghea Kɛfi 19:37

Ma te kwete hɛ mbe səkwə ghə ŋkɛ ki ghɛa Nisrok shala ta ŋkɛ ne, pa ŋwalea ŋkɛ bake yɛ Adramɛlɛk le Sarɛsɛr peslekɛ. Ca pa hɛ hwɛnji kadzete hɛɗia ka Ararat. Pa kwete wəzege ta ŋkɛ Asarhadon, kelete meghe te ŋkwa ŋkɛ.

2 Wəshi nyi Mene Ka Meghe 32:21

Pa Mahwətə ghwenakɛ nde ghwene ta ŋkɛ kwetɛŋe kadzembe ghedəkwəa ka Asiri kampəmte ka katsala le mbelia jama ta ka sewajɛ. Cape meghea ka Asiri zhɛnete geva kalə sha hɛɗia ŋkɛ bətə mbe hawe. Ma te kwete hɛ kwa dzembe ghɛa shala ta ŋkɛ ŋkɛ ne, pa ŋwalea ŋkɛ peslekɛ ŋkɛ.

Palepa ta JOB 18:17

Katezhɛne mbeli kazəzə ŋkɛ te hɛɗi we, katezhɛne mbeli kahekɛme sləa ŋkɛ te yayata ŋkwa we.

Cimə 109:13

zanyɛ sebe te hwelefefia ŋkɛ, zanyɛ sebe te sləa nci mbe va ɓɛhwɛ,

Cimə 71:3

Nza kagela nya wəfərə 'ya mbe, ŋkwa nya nza 'ya kadzete ɗa kevə kevə. Nahe na ketarete kezha mbele ɗa. Kaganda ne, gha ya kagela ta ɗa ba'a kaŋkwa keya ɗa nya berete.

Shave 12:12

Ma heviɗi nya ne, katedzeyi 'ya mbe Ɛzhipte ba'a katempə tezhɛ ŋwale nyi te hɛɗi 'ya pɛtɛ, tsagha ŋa wəshi keseɗa. Ma kala nya ne, katemeha ghwə 'ya, 'ya Mahwətə te shala nyi mbe Ɛzhipte pɛtɛ.

Yɛ Ghena Ŋela 10:7

Ma wəndə nya tiɗiɗi ne, katezəzə ŋkɛ mbeli. Ama ka 'yaghwa mehele ne, katezaghə sləa nci mbeli.

Ɛzayi 19:1

Ghena nya kegezete geva te ghəa Ɛzhipte. Wa nya Mahwətə nya te ləmbə nya kedzeghwa kahe kahe, gheŋkɛ kadzembe Ɛzhipte. Bare bare yabare bare wəshi nyi zhɛrete ka Ɛzhipte kashala mbe kema ta ŋkɛ ba'a sla yaslesla helia ka Ɛzhipte.

Ɛzayi 33:13

Gheyɛ mbeli nyi cakeɗa cakeɗa, fa mə wəsə nya menete 'ya. Gheyɛ mbeli nyi dekwe dekwe, ɗepete mə berete ta ɗa.»

Zhɛrɛmi 50:2

«Zlape nda mə ghena nya ke kweci hɛɗi, ncɛ mə laka wəshi kencɛ wəshi, zlape mə kaɗema wəfərə kwete hwe. Ma pe yɛ: Nahe Babilone kekelehwe geva! Hawe ya te wəshi nyi zhɛrete ŋkɛ kashala, kwetɛ kwetɛŋe mehele ta yɛ shala tseŋwəa ŋkɛ. Shewə Bɛl va hawe, kwetɛ kwetɛŋe mehele ta Mardəwk.

Daniyɛl 11:21

Ma wəndə nya ketedzete meghe te ŋkwa ŋkɛ ne, wəndə nya ɓelama mbeli, wəndə nya hima mbeli kave nda meghe. Ama katedzete meghe ŋkɛ laka ntsehwelea ŋkɛ vəa ŋkwa nya nza hɛɗi gwezlayɛ.

Daniyɛl 5:27

TEKƐL, geze ta ŋkɛ, “kedzeghe dzeghe”: nahe na kedzeghete geva te kiləwə ba'a nahe na kesləyi geva dewə.

Ka Lɛvi 26:30

Kateza sebe 'ya te ŋkwa ŋayɛ nyi keveyi geva tekeleke, katempə yɛ reghwetɛ ketere 'wərdəa ŋayɛ 'ya. Katetsene mbeli nyi kempə mpəa ŋayɛ 'ya kənəa wəshi nyi kempə mpə nyi zhɛrete nyi yɛ kashala ba'a kateɗema ŋayɛ 'ya.

Mishɛ 5:13

Katenteɗe selə nyi mɓete yɛ ba'a kateŋzla yɛ meleme ta ŋayɛ 'ya.

Mishɛ 5:14

Kwa sebe ta ŋkɛ ne, katewa dewa 'ya le wənə le wənə te hwelefe nyi keɗema kayɛ ɗa fete.»

Habakək 2:10

Hawe yapəliave nda yɛ ke ghɛa ŋayɛ: ma laka mpə hwelefefi kwele kwele ne, ghəa ŋayɛ yampə yɛ.

1 Saməyɛl 3:13

Nahe 'ya kegezete nda ke Hɛli katemeha ghwə 'ya te ghɛa ŋkɛ kaghala ghala va beze ghena ta ŋkɛ. Nahe ŋkɛ keɗepe nahe ŋwalea ŋkɛ kese kaŋele Shala, ama le ntsə newakɛ hɛ ŋkɛ.