Nahəwm 1:10 - Ghena ta Shala

¹⁰ Nahe hɛ kenza kala gezlere nyi tendɛaŋe tendɛaŋe, ghenci nyi kesa wəshi kesa kala ka ghwəyi ghwəyi. Kateteremte geva hɛ hɛmɗɛke ɗɛke kala vegheme nyi keghwele ghwele.

Nahəwm 1:10 Iomraidhean Croise

2 Saməyɛl 13:28

Pa gezave nda ghena ke ka mene slene ta ŋkɛ: «Newe mə ŋkwa nya yitea Amnon. Ma kenza ŋkɛ fare fare va tɛ heshi ne, ma kegeze ŋayɛ 'ya: ‹Ɗa mə Amnon!› A 'ya ne, peslekɛ mə. Kwiɗi mə mba yɛ keghazlənə, kwa ghəa ɗa ghena shɛ. Nza mə ghyanake, ncɛte nda mə ke mbeli bereteke yɛ!»

Cimə 118:12

Nahe hɛ kedzaslete ɗa kala zhiwəa mze, nahe hɛ kempənji kala ghwə te vegheme. Ama te sləa Mahwətə ne, nahe 'ya keŋkamte hɛ.

Cimə 68:2

Ma kasate Shala te ŋkwa, kataze ka jaga ta ŋkɛ kwetɛ kwetɛŋe, kahwɛnji ka ghema ta ŋkɛ mbe kema ta ŋkɛ.

Shave 15:7

Kaganda nza na wəbake! Gha nde mpə ka ghema ta ŋa kadzete hɛɗi. Ma kepelakɛ ghwə ta hwepe wənəa ŋa na ne, hɛmɗɛke tere ka ghema ta ŋa kala vegheme.

Shave 5:12

Tagha gɛ, kwetɛ kwetɛŋe ka Israyɛl pesleyi geva dzeyi mbe Ɛzhipte kaŋase vegheme kala nya kehi.

Ɛzayi 27:4

Mba wənəa ɗa kehwepe hwepe ve we. Ama ketenakɛ yɛ tigə ba'a yɛ tigə kwara 'ya ne, kateme 'ya kənəa hɛ ba'a kateteremte hɛ 'ya.

Ɛzayi 47:14

Katenza hɛ kala vegheme, katetere hɛ ghwə, katembele hɛ va tse ta ghwə we. Katenza nde kalaɗe ta ghwə keta ɗafa, ya kaghwə nya meha mbeli kezha slene we.

Ɛzayi 5:24

Vatse tenza hɛ kala mezaɗe nya teremte ghwə keɗema kala gwəzə nyi keghwele ghwele nyi tse ghwə. Katedaɗə hɛ se te slərə ba'a katetələ ghwə ta nci kala keləwə. Kwa nza ŋkɛ ne, nahe hɛ keɗema wəsə mahalegəa Mahwətə nde berete ba'a keɓelama ghena ta Shala ta Israyɛl nya kaganda.

Ɛzayi 56:12

Ma ke hɛ sha geze: «Nde mə, ngara ɓəmə kalə kazele tɛ. Katesa wəshi kesa nyi ghyana ghyana gheɓəmə. Katenza hendɛ kala veci nya ɓeshi, kwele kwele tene wəshi kesa.»

Ɛzayi 9:18

Ma va kwelea hwepe wənəa Mahwətə, nde berete ne, ghwə ya yitea meleme, kazhɛre mbeli kala wəsə ketere ta ghwə. Wəndə shɛ kese kazhɛ heli yitea menənyɛ we.

Zhɛrɛmi 51:39

Ma kwa zhɛte nda mawe ke hɛ ne, pa 'ya menete nda wəsə kezeme ke hɛ. Katesa nda wəsə kesa 'ya ke hɛ nda teghwəyi hɛ kadzeyitea hɛ hɛ kaghala ghala, kaɗema kafeɗeghe. 'Ya Mahwətə nde gezete.

Zhɛrɛmi 51:57

'Ya kateghwəyi mbeli nyi te ghəa ŋkɛ, ka ntsehwele ntsehwelea ŋkɛ, ka ŋgwamna ta ŋkɛ, ka meha ghwə ta ŋkɛ ba'a ka katsala kɛfia ŋkɛ. Katedzeyitea hɛnji hɛ kaghala ghala, mba hɛ katefeɗeghe we.» Nya ya kaghena nya geze Meghe nya nza sləa ŋkɛ KaMahwətə nde berete.

Mishɛ 7:4

Ma wəndə nya ganyɛ ma hwa hɛ ne, kala tigə kwara nya ken'yi ŋkwa ŋkɛ, ndiremi ma ke hwele wəndə nya tiɗiɗi. Wa nya vecia ɗa ta ŋayɛ nya zlapete ka newe ŋayɛ ŋkwa mɛa ghweme nyi kaka mɛ ŋkwa nya kase. Kwetɛ kwetɛŋe mehele ta ŋayɛ tsetsenya.

Nahəwm 3:11

Ma gha le ŋa ŋa gɛ Ninive, katenza na keghwəyi ghwəyi va yaka ba'a katewəfərə na va hawe. Ma gha le ŋa ŋa gɛ ne, katezele ŋkwa kewəfərə na va ka jaga ta ŋa.

1 Saməyɛl 25:36

Pa Abigayil zhɛneghe geva sha ghɛ, ma dzeme nde ne, kənəa ɗafa Nabal kazeme, ɗafa ganyɛ ta meghe. Kwele kwele zlama kwa wənə va Nabal. Keghwəyi ghwəyi ŋkɛ kwele kwele. Kese Abigayil kageze nda kwete ghena pa te kiɗi ta ŋkwa we.