Mishɛ 7:9 - Ghena ta Shala

⁹ Nda n'yɛ kazereghehwe hwepe wənəa Mahwətə, va nya menete nda jaɗafa ghen'yɛ. Ama katese veci nya tewa n'yɛ dewa ŋkɛ ba'a nya teve n'yɛ ŋkɛ kambeli nyi tiɗiɗi. Katekele n'yɛ ŋkɛ kashave te waŋe ba'a kateve n'yɛ wəshi ganji ŋkɛ.

Mishɛ 7:9 Iomraidhean Croise

2 Saməyɛl 24:17

Ma kwa nakɛ nde ghwene ta Shala nya keza ŋkwa David hwa mbeli, ma ke sha Mahwətə: «'Ya nde bezemte ghena! 'Ya nde menete jaɗafa. Ama mbeli nyi ne, wa yamenete hɛ wa? 'Ya yahi na kaɗa ba'a mbelia ɗa, kampi ŋa dzeve 'ya!»

Palepa ta JOB 23:10

Ndagwara nahe ŋkɛ keɗepe hweŋkwa nya nza 'ya kwa. Ma vəa ŋkwa nya tedzeghakɛ ɗa ŋkɛ ne, wɛŋe tesame 'ya kwa ghwə kala mze kwa tere tere.

Palepa ta JOB 35:14

Ama gha nde gezete kaɗema na kanakɛ ŋkɛ, ndagwara ve ghena ta ŋa ba'a neghe yaneghe ŋkɛ na.

Cimə 119:154

Kelete ghena ta ɗa ba'a mbelete ɗa. Ndeke ɗa nza teghweme kala nya meɗeyi na.

Cimə 37:6

Katencɛ tiɗiɗia ŋa ŋkɛ kala waŋe ta ŋkwa masheke ba'a kaganda ta ŋa kala veci nya talala kwa ghə.

Cimə 43:1

Shala yawe, ndeke ɗa nza tiɗiɗi, yakɛ ɗa va ka hawema va gha. Mbelemte ɗa va ka tseŋwəa kɛfi ba'a va ka ndiremia mehele.

Cimə 7:6

hwɛ nde jaga ta ɗa kwa sebe ta ɗa ba'a kekave ɗa ŋkɛ, ŋkeɗeyi ɗa ŋkɛ teghweme te hɛɗi ba'a devələyi zləvəa ɗa ŋkɛ hwa keləwə! Zhɛne mpi

Cimə 94:15

Katezhɛne mbeli kameha ghwə nya tiɗiɗi, katehawe pɛtɛa mbeli nyi nza kaganda kwa wənəa nci ve.

Ɛzayi 42:16

Kateve nda dzeghwa 'ya ke ka ghwələa kɛfi kwa hweŋkwa nya ɗepema hɛ, katebeghe hɛ 'ya kwa hweŋkwa nyi ɗepema hɛ. Ma te kema ta nci ne, 'ya katezhɛre ŋkwesle kawaŋe ba'a ŋkwa nyi kaki kaki kaŋkwa nyi ɓerayɛ ɓerayɛ. Nyi ya kawəshi nyi temene 'ya, kateɗema 'ya mene hɛ we.

Ɛzayi 42:7

Katepele nda ntsə na ke ka ghwələa kɛfi, katefə ka daŋgayɛ na same kwa daŋgayɛ ba'a mbeli nyi mbe ŋkwesle same kwa daŋgayɛ.

Ɛzayi 46:13

'Ya katehende nza tiɗiɗia ɗa kase, kenza ŋkɛ mba cakeɗake we, katezhɛne mbele ta ɗa kadera we. Ke Siyon teve nda mbele 'ya, ke Israyɛl teve nda zləvəa ɗa 'ya.

Ɛzayi 51:22

Wa nya ghena nya geze Shala Mahwətə ta ŋa, nya kesleke ŋa, nya kekelehwe ghena nya te mbelia ŋkɛ nya: «'Ya katekele zlerekwe ta dɛwərə ta ghə zlerekwe ta hwepe wənəa ɗa seyi mɛa dzeve ta ŋa. Katezhɛne na kasa wəsə nya kwa we.

Ɛzayi 56:1

Wa nya ghena nya geze Mahwətə nya: «Hawe mə va wəsə nya kehi ba'a mene mə wəsə nya tiɗiɗi. Kwa nza ŋkɛ ne, takwa takwa mbele kase ba'a tiɗiɗia ɗa kancɛ geva.

Zhɛrɛmi 10:19

Ma ke ka Zhɛrəzalɛm: «Aya, wa nya ndiremi te gheɓəmə wa! Kampi zhia ɓəmə we! Ma zəzə mə: kwele kwele zhia shɛ we, wərə mə kazereghehwe.

Zhɛrɛmi 14:7

Ma ke hɛ: «Kaganda nza jaɗafa ta n'yɛ ɗaŋe ɗaŋe, ama gha gɛ Mahwətə, menete kwete wəsə kazləvəa ŋa! Kwele kwele zhigə pamte ŋa ghen'yɛ, ka mene ŋa fete ghen'yɛ.

Zhɛrɛmi 51:10

Nahe Mahwətə kencɛte tiɗiɗia n'yɛ. Mbi ɓəmə kadzeme Siyon kageze wəsə nya menete Shala Mahwətə ta ɓəmə.

Yɛ Ŋgaɗe ghə 1:18

Nahe Mahwətə kenza tiɗiɗi, va nya fate nda ma ghena 'ya. Gheyɛ mbeli pɛtɛ, fama mə ba'a newema mə yaka nya te 'ya. Ma deghelɛshia ɗa ba'a mempɛhwetɛtia ɗa ne, nahe mbeli kefəhwe hɛ.

Ka Lɛvi 26:41

Katefave hɛ 'ya nde zhɛnete nda ghə ke hɛ ba'a nde fəghe hɛ kadzete hɛɗia ka ghema ta nci. Tagha gɛ, kateshifə ghəa nci hɛ kwa kema ta ɗa laka ɗepe beze ghena nyi menete ɗa hɛ. Kateyɛ hɛ kaɗa hɛ 'ya te fete ta nci.

Malashi 3:18

Tagha gɛ, katezhɛne yɛ kanewe ghala nya kwelɛ yɛ wəndə nya tiɗiɗi le nde 'yaghwa mehele, nya kwelɛ yɛ nde mene nda slene ke Shala le nde mene nda ma slene.

1 Ka Korɛnte 4:5

Vatse gɛ ne, mba yɛ kemeha ghwə te wəndə tewə vəa ŋkɛ kese, tewə Nde sleke ŋkwa kenaka kase. Gheŋkɛ nde tencɛ wəshi nyi tewəfərə mbe ŋkwesle te waŋe, pɛtɛ tencɛ wəshi nyi kwa wənəa mbeli nyi wəfərəakɛ hɛ ŋkɛ. Ma vəa ŋkwa shɛ ne, katekemave tsahe ta ŋkɛ yayata wəndə va Shala kala nya nza ŋkɛ.

2 Timotɛ 4:8

Ma tsetsenya ne, mbe neghe ɗa zhɛme ta nza mpelɛa: gheŋkɛ derə meghea nza tiɗiɗi nya teve ɗa Nde sleke ŋkwa nya kande meha ghwə nya tiɗiɗi te vecia meha ghwə. Deke ke 'ya ve ɗa ŋkɛ we, ama ke pɛtɛa mbeli nyi keneghe se ta ŋkɛ le ɗe.

Ghena Kelɛŋə 18:20

Ghweme, zlama yitea ŋzla ta nta. Gheyɛ mbelia Shala, ka ghwene ta Yɛsə ba'a ka mɛ ŋkwa, zlama mə, kwa nza ŋkɛ nahe Shala kemehate ghwə te tewəmbəreke wəsə kwa ndiremi nya menete ŋayɛ nde.

1 Saməyɛl 24:15

Wa wəndə nya se meghea ka Israyɛl kazlape mpa yite wa? Wa yase na kakeka wa? Ma 'ya ne, kala kelɛ kwa kemte mte, kala mevale nya gəmə 'ya!

1 Saməyɛl 25:39

Ma kwa fa mte ta Nabal David, ma ke: «Hana 'ya sha Mahwətə nya keyate ɗa kwa se Nabal kayiɗə ɗa. Hana 'ya shɛ kwa fɛake ɗa ŋkɛ kemene wəsə kwa ndiremi ba'a kwa zhɛnaghe nda 'yaghwa mehele ta ŋkɛ ŋkɛ kwa ghə ke Nabal.» Kwetere wəmbəa ŋkɛ, pa David ghwenakɛ mbeli sha Abigayil kageze nda kanza kamale ta ŋkɛ.

1 Saməyɛl 26:10

Ma ke David: «Laka Mahwətə nya teghweme ne, kageze ŋa 'ya, Mahwətə le ghəa ŋkɛ nde teza mpia ŋkɛ kese vəa ŋkɛ kamte keɗema hwa mpa kelə ŋkɛ yite.

1 Saməyɛl 3:18

Tagha gɛ, pa Saməyɛl ɓelate nda hɛ pɛtɛ, wəsə shɛ kewəfərəakɛ ŋkɛ ve we. Ma ke Hɛli: «Mahwətə ŋkɛ, menete wəsə nya ɗe ŋkɛ!»