Mishɛ 7:8 - Ghena ta Shala

⁸ Ma gheyɛ ka jaga ta n'yɛ ne, zlamama yɛ yitea ghen'yɛ ma. Ya ghen'yɛ teɗe n'yɛ ne, katesate n'yɛ ghen'yɛ te ŋkwa. Ya ghen'yɛ nza mbe ŋkwesle, Mahwətə ya kawaŋe ta n'yɛ.

Mishɛ 7:8 Iomraidhean Croise

Palepa ta JOB 31:29

Nahe 'ya kese kazlama vəa ŋkwa nya nza yaka te nde jaga ta ɗa na? Nahe 'ya kese kampereke va farefa vəa ŋkwa nya me ndiremi te na?

Cimə 112:4

Kaɓele waŋe mbe ŋkwesle kezha mbeli nyi nza kaganda va hɛ, kezha wəndə nya tiɗiɗi, nde ganyɛa mehele ba'a nde zhɛ heli.

Cimə 143:3

Mɛ yaghweze nde jaga hwa 'ya, nahe ŋkɛ keweleyi ɗa kezha ŋkeɗe ɗa. Nahe ŋkɛ keveyi ɗa mbe ŋkwesle kala mbeli nyi kempə mpə nyi vəashi.

Cimə 20:8

Te wəmata nyi kempa ve ghə kweci mbeli, te gədəwəa lɛməa nci ve ŋa nci kweci. Ama gheɓəmə ne, sləa Shala Mahwətə ta ɓəmə yahekɛme gheɓəmə.

Cimə 27:1

Ciməa David. Mahwətə ya kawaŋe ta ɗa ba'a kambele ta ɗa, va wa teghazlənə 'ya tse wa? Mahwətə ya kande ya mpia ɗa, va wa tebare bare 'ya tse wa?

Cimə 35:19

Zlamama mbeli nyi keɗema ɗa gəmə gəmə tewəmbəreke 'ya ma, metɛma ntsə mbeli nyi keɗema ntsə ta ɗa gəmə ma!

Cimə 37:21

Kakele dewa nde 'yaghwa mehele kaɗema kaŋki, ama kazhɛ heli wəndə nya tiɗiɗi ba'a kavele ŋkɛ.

Cimə 37:24

Ya tehene tsakɛ ŋkɛ ne, kateɗe ŋkɛ we, kwa nza ŋkɛ kakese ŋkɛ Mahwətə te dzeve.

Cimə 38:16

Mahwətə, te gha ve ghə 'ya. Shala Mahwətə yawe, katezhɛne ɗa na.

Cimə 84:11

Megela ma hɛ kwetɛŋe te ŋwela ta ghɛa ŋa ke hɛ slibə nyi menete wəndə te kwete ŋkwa. Shala ta ɗa, ɗehwe ma nza mɛa ŋkwa kedzembe ghɛa ŋa 'ya ke nza ki ghɛa ka 'yaghwa mehele.

Cimə 97:11

Nahe waŋe keɓelete geva kezha wəndə nya tiɗiɗi, zlama ya va mbeli nyi nza wənəa nci wɛŋe.

Ɛzayi 2:5

Gheyɛ hwelefefia Zhakob, nde mə, dzeghwa ɓəmə yitea waŋe ta Mahwətə.

Ɛzayi 49:9

Ma 'ya sha ka daŋgayɛ, sha mbeli nyi mbe ŋkwesle: ‹Shave mə, dzete mə waŋe.› Tagha gɛ, katenza hɛ kala wəshi keseɗa nyi kezeme gwəzə dzeyi mɛa yɛ hweŋkwa ba'a nyi keŋ'we gwəzə dzeme vare yɛ wəmbə.

Ɛzayi 50:10

Wa nde hawe va Mahwətə hwa gheyɛ wa? Fa ghena ta nde mene slene ta ŋkɛ ŋkɛ. Wa nde dzeghwa hwa ŋkwesle kaɗema ghwə ve wa? Ndeke nda wənəa ŋkɛ ŋkɛ ke Mahwətə ba'a dɛŋate geva ŋkɛ te Shala ta ŋkɛ.

Ɛzayi 9:2

Shala, nahe na keyate hwelefefi kwele kwele, nahe na kembakete nda zlama ta nci ke hɛ. Fare fare hɛ mbe kema ta ŋa kala nya nza mbeli fare fare te və kemene wəshi se te wəve, kala nya tsa gaghwe mbeli kənəa nehe ta wəshi nyi fəke mbeli hwa mpa.

Zhɛrɛmi 48:27

Gha Mowab, zəzəte tsema tsema se na kaŋ'wəshi Israyɛl. Kala ghərə veyi ŋkɛ na, kwa nza ŋkɛ kegha kageze ghena te kaɗema na kagagəzə ghə yiɗə we.

Zhɛrɛmi 50:11

Nza mə fare fare ba'a wetse mə va zlama, gheyɛ mbeli nyi ketazemte hɛɗia ɗa! Jɛgwəli mə kala levea lɛməa sla te gwəzə menjaɓa, Tsa mə yɛyi kala yɛ gədəwə!

Zhɛrɛmi 8:4

«Ma tegeze nda na ke hɛ: Wa nya ghena nya geze Mahwətə nya: Ma keteɗe wəndə ne, ashɛ kasate te ŋkwa wəka? Ma kezave nda za hweŋkwa ke wəndə ne, kazhɛne geva ŋkɛ te sebe wəka?

Ɛzɛkiyɛl 25:6

Wa nya ghena nya geze 'ya, 'ya Shala Mahwətə nya: Nahe yɛ kese kampi dzeve ba'a kampereke va zlama yitea ndiremi nyi te hɛɗia Israyɛl. Ma tsagha ne, nahe yɛ kencɛte yiɗə nya yiɗə mbelia ɗa yɛ.

Ɛzɛkiyɛl 35:15

Ma va nya se na kamte va zlama kwa nza hɛɗia Israyɛl kaɓerama ne, kala nyagha shɛ tezhɛre ŋa 'ya. Kaɓerama tezhɛre ghweme ta ka Ɛdom pɛtɛ. Tsagha ne, kateɗepete yayata wəndə 'ya ya kaMahwətə.»

Ɛzɛkiyɛl 36:5

Wa nya ghena nya geze 'ya, 'ya Shala Mahwətə nya mbe ghwə ta hwepe wənəa ɗa te ghəa pɛtɛa kweci hwelefefi, halama te ghəa pɛtɛa Ɛdom, va nya kelehwe hɛɗia ɗa hɛ. Mpɛafe se wənəa nci va zlama ba'a va ŋkele ntsə kezha fə ŋkwa keya wəshi nyi te.

Amos 9:11

Ma te vecia shɛ ne, kateslete ghwəlia David nya keshɛma nza yitea ghweme 'ya. Katesekawe ŋzla nyi te 'ya, kateŋa kwəfia ŋkɛ 'ya, kateŋa ŋkɛ 'ya kala nya se ŋkɛ vəashi.

Abdiyas 1:12

Ɛdom, kahi na kazlama yitea newe ka kesaka meyɛ ŋa nyi mbe Zhəwda te vəa ndiremi we. Kahi na kanza fare fare te vəa za ta sebe te hɛ, ya kaŋele hɛ te vəa yaka we.

Mishɛ 4:10

Heha mə ba'a ŋələvə mə kala male nya keteya! Kwa nza ŋkɛ ne, kateshave yɛ mbe meleme kalə kanza hwa gamba tsetsenya, katejive yɛ hwa'a pelɛ Babilone. Waɗe tenza yɛ pelɛagha, katezləgwə ŋayɛ Mahwətə shave mbe dzeve ta ka ghema ta ŋayɛ pelɛagha.

Mishɛ 7:10

Ma vəa ŋkwa nya tenakɛ wəshi nyi ka jaga ta n'yɛ ne, shewə tenza hɛ va hawe. Ma ke hɛ sha se ka'yɛwe va ghen'yɛ: «Tema Shala Mahwətə ta ŋayɛ gɛ wa?» Kateŋkeɗe geva hɛ mbe hwə seɗa kala rekɛ dzeyi kwa yɛ hweŋkwa, katenewe newe gheɓəmə.

Zakari 12:8

Ma vəa ŋkwa shɛ ne, kateya ka Zhɛrəzalɛm Mahwətə: kaka berete kala David tezhɛre ka dewə ŋeli nyi hwa hɛ. Kala Shala keɗema kala nde ghwene ta Mahwətə tenza hwelefe ta David kwa kema ta nci.

Matiye 4:16

Nahe mbeli nyi mbe ŋkwesle kenakɛ waŋe nya wəba. Mbe meleme ta mbeli nyi mbe ŋkwesle ta mte ne, nahe waŋe ta ŋkwa kencɛte geva.

Zhaŋe 16:20

Kaganda ne, ma 'ya sha gheyɛ: katenehwene yɛ ba'a kateŋələvə yɛ. Ma mbeli nyi teke te hɛɗi, katezlama hɛ. Ama katezhɛre geva heɗe kema ta ŋayɛ kazlama.

Zhaŋe 8:12

Ma ke Yɛsə geze nda ke mbeli zhɛkwa: «'Ya ya kawaŋe ta hɛɗi lema. Ma yayata wəndə nya ketəkwə təkwəte ɗa ne, katedzeghwa ŋkɛ hwa ŋkwesle we, ama katekemave waŋea mpi ŋkɛ.»

Slene 26:18

Kaghwene ŋa 'ya kezha pele ntsə ta nci, kakele hɛ shave mbe ŋkwesle kadzete waŋe, shave mbe dzeve ta Satan kalə sha Shala. Ma keyɛte ɗa hɛ ne, katekelemte geva jaɗafa ta nci te wənə ba'a katekemave ŋkwa hɛ hwa mbeli nyi kaŋa Shala.

2 Ka Korɛnte 4:6

Ma ke Shala gezete: «Ɓelete geva waŋe mbe ŋkwesle.» Gheŋkɛ le ghəa ŋkɛ nde waŋete ŋkwa nya mbe wənəa n'yɛ, yitea ɗepe zləvəa ŋkɛ nya keɓele kwa kema ta Kriste n'yɛ.

2 Ka Korɛnte 4:9

Kaghweze mɛ mbeli hwa ghen'yɛ, ama kesərəakɛ n'yɛ Shala we, kawele n'yɛ mbeli, ama shaŋe hɛ va hərə n'yɛ.

Ghena Kelɛŋə 21:23

Kezha nza waŋe ŋkwa ne, kaɗe veci, ya tere melemea shɛ we, kwa nza ŋkɛ zləvəa Shala nde waŋe ŋkɛ ba'a Zhɛgwə ya kapaterela ta ŋkɛ.

Ghena Kelɛŋə 22:5

Katezhɛne viɗi kanza shɛ we, katezhɛne mbeli kaɗe waŋe ta paterela, ya ŋa veci we. Kwa nza ŋkɛ ne, katepele waŋe ta ŋkɛ Mahwətə Shala kənəa hɛ, katenza hɛ kaka meghea kɛfi kaghala ghala.