Mishɛ 7:6 - Ghena ta Shala

⁶ Kwa nza ŋkɛ kaŋele yitenyɛ wəzege, kazhɛne nda ghə wəzha makwa ke meghekɛ, kampa yɛ makwa le meghekɛa za nta. Mbeli nyi ki ghɛa nci ya kaka ghema ta yayata wəndə.

Mishɛ 7:6 Iomraidhean Croise

Gha ta Wəshi 49:4

Kala hələ nya kegaŋkeɓe na. Ama katezhɛne na kanza kande ghate we, kwa nza ŋkɛ nahe na kekelemte zləvə te ghəa ŋa kwa se na kaɓelahe te gezlea ɗa le kwete hwa mia ɗa.

2 Saməyɛl 16:11

Ma ke David sha Abishay le yɛ ka mene slene ta ŋkɛ zhɛkwa: «Bandanyɛ tse, wəzege ta ɗa le ghəa ɗa nde zele pesle ɗa ne, kawəsə meŋele ŋkɛ kemene nde Bɛnjamɛn tsetse na? Sərəakɛ mə gweŋe! Bezla ɗa ŋkɛ, kenza nde na Mahwətə kendeke nda hweŋkwa.

Cimə 41:9

«Zereghwe nya ndiremi nde dzetenyɛ te, ɓelahema ta ŋkɛ ne, katezhɛne ŋkɛ kasate we.»

Yɛ Ghena Ŋela 30:11

Mbeli nyi keŋele yiteyɛa nci ba'a nyi keɗema katsahe megheyɛa nci ya shɛ.

Yɛ Ghena Ŋela 30:17

Ma kenza wəndə kaŋ'wəshi yitenyɛ ba'a kaɗema kahawe va meghekɛ ne, katetsakwe ntsə ghame nyi mɛa hələ kwa ba'a kateslekwe ŋkɛ yɛ zele.

Ɛzayi 3:5

Katememene berete mbeli kwelɛ ghəa nci, yayata wəndə te nde ghedəkwəa ŋkɛ: katesa nda yaka ka dɛgwəa hɛɗi ke ka meha mehɛɗi ba'a wəshia kwadanjia mbeli ke mbeli nyi nza zləvə te hɛ.

Ɛzayi 9:19

Slave mbeli te kwa zeme ne, kazhɛ ŋkwa ma shanda, mpeɗe mbeli te kwa gwela ne, kebehe mbeli we, yayata wəndə kampeɗe slia dzeve ta ŋkɛ.

Zhɛrɛmi 12:6

Kwa nza ŋkɛ nahe ka menəhɛ ŋa le mbeli nyi kwa yita ta ŋa kepamte ŋa. Lewela yatsa hɛ kwa sebe ta ŋa. Vema ghə na te hɛ kenza hɛ kageze ŋa ghena le mehele ma.»

Zhɛrɛmi 20:10

Kwele kwele mbeli nyi fa 'ya kageze ghena kwa ndiremi te 'ya. “Ghazlənə ya te yayata ŋkwa”, ke hɛ sha heka ɗa. «Ncɛte mə ghena ta ŋkɛ», ke kweci sha geze. «Kaganda, ncɛte ɓəmə», ke kweci zhɛnete. Pa le ka mcɛhɛ ɗa kaneghe teɗe ta ɗa, ma ke hɛ: «Ya kwete kateteɗe ŋkɛ mbe dewə zəzə ta ŋkɛ, ma tsagha, berete ma tenza mə ke gheŋkɛ, wərə mə kawate dewa ta ɓə te.»

Zhɛrɛmi 9:4

Yayata wəndə kaghwete nde ghedəkwəa ŋkɛ, wəndə shɛ kageze kaganda we. Nahe hɛ keseneve tseŋwə. Va beze ghena ta nci ne, mba hɛ kazhɛneke geva kase sha 'ya we.

Ɛzɛkiyɛl 22:7

Ma mbe gha ne, kaɓela yita ba'a ma mbeli we, berete ta ka se se yazeme mbeli, yaka yasa nda mbeli ke ka mezhɛtiti ba'a ka wedidi.

Abdiyas 1:7

Kaŋka ŋayɛ mbeli se te hɛɗia ŋayɛ, kaghwete ŋayɛ pɛtɛa mbeli nyi yitea gheyɛ, kahərə ŋayɛ ka mcɛhɛ ŋayɛ, kaŋa ŋayɛ keleŋa ka zeme ɗafa le gheyɛ. Ma ke mbeli sha geze te gheyɛ: ‹Kezhɛne mehele kanza va hɛ we.›

Matiye 10:21

Katekese nda wəza meghekɛ heli heli wəndə ke mbeli kezha pesle ŋkɛ mbeli, tsagha temene yita le wəzege ta ŋkɛ perə. Tsagha tezhɛne nda ghə ŋwale ke mbeli nyi keyake hɛ kezha mpə hɛ mbeli.

Matiye 26:23

Ma ke Yɛsə: «Wəndə nya kemze nɗeli nya le 'ya kwa helape nde tepamte ɗa.»

Ləwke 12:53

Katenehe geva yɛ yita le wəzege ta ŋkɛ. Katenehe geva yɛ ma le wəzha ta nta, katenehe geva yɛ meghekɛa za le makwa ta nta.»

Ləwke 21:16

Katepamte ŋayɛ mbeli nyi keyake ŋayɛ, ka kesaka meyɛ ŋayɛ, ka menəhɛ ŋayɛ ba'a ka mcɛhɛ ŋayɛ. Kateve nda fete kemte hɛ ke kweci mbelia ŋayɛ kwele kwele.

Zhaŋe 13:18

Gheyɛ pɛtɛ yageze 'ya we, nahe 'ya keɗepe mbeli nyi tsehave 'ya. Nahe ŋkɛ kemenete geva kala nya yitea nza wəshi nyi kerafete geva mbe Ghena ta Shala kaganda, ma ke: Wəndə nya kezehwe ɗafa le 'ya nde zhɛrenyɛ kande ghema ta ɗa.