Mishɛ 7:4 - Ghena ta Shala

⁴ Ma wəndə nya ganyɛ ma hwa hɛ ne, kala tigə kwara nya ken'yi ŋkwa ŋkɛ, ndiremi ma ke hwele wəndə nya tiɗiɗi. Wa nya vecia ɗa ta ŋayɛ nya zlapete ka newe ŋayɛ ŋkwa mɛa ghweme nyi kaka mɛ ŋkwa nya kase. Kwetɛ kwetɛŋe mehele ta ŋayɛ tsetsenya.

Mishɛ 7:4 Iomraidhean Croise

Ɛzayi 10:3

Tsema temene yɛ te veci kemeha ghwə, vəa ŋkwa nya tese sefə nya wəba cakeɗake wa? Sha wa tehwɛ nda hwɛ yɛ kezha kemave kemane wa? Tema tebete mcɛləa ŋayɛ yɛ wa?

Ɛzayi 22:5

Kwa nza ŋkɛ ma ɓeshi ne, nahe Shala Mahwətə nde berete keghweneke ɓəmə taze ta mehele, teɗe ba'a ghazlənə.» Ma kwa zlərə nya newe wəshi mbeli ne, ŋzla yaŋzla zli nya wəba, tsa yatsa yɛ lewela dzeme laka yɛ ghweme.

Ɛzayi 55:13

Katepese vɛ te ŋkwa yɛ tigə, katepese sewahe te ŋkwa yɛ ndəŋwə. Katemene geva pɛtɛa wəshia shɛhɛ kazləvəa Mahwətə, kawəsə kencɛ wəsə nya kaghala ghala nya kaɗema kazamte geva.

Zhɛrɛmi 10:15

Wəshia kwadanji hɛ, wəshi nyi zhɛ ŋkwa ŋ'wəshi ve hɛ. Pɛtɛ tezamte geva sebe te hɛ vəa ŋkwa nya tese Mahwətə kameha ghwə.

Zhɛrɛmi 11:23

Wəndə shɛ katetene teghweme hwa hɛ we: 'ya kateve ndiremi te ka Anatot te va nya temeha ghwə 'ya te hɛ.»

Zhɛrɛmi 46:21

Ma ka sewajɛ nyi pake Ɛzhipte yitea mpa ne, kala mɛare nya kwa zlema newe ghweme mbeli te hɛ. Pa le hɛ kahwɛ dzeyi te sebe, kanya kwetɛŋe hwɛnji hɛ. Kwete shɛ keghereŋe mɛa mpa kwa se vecia ndiremi kadzete hɛ we, kwa vate ɗa 'ya te hɛ.

Zhɛrɛmi 8:12

Kazhɛ nda hawe ke hɛ va wəshi nyi ndiremi ndiremi kashasha nyi menete nyi hɛ tse na? Ya ɓɛhwɛ! Keɗepete fete ta nci hɛ we. Vatse gɛ, katebete hɛ zlaɓe le kweci mbeli, selekə lekə tenza hɛ te hɛɗi te və nya temeha ghwə 'ya te hɛ.»

Ɛzɛkiyɛl 2:6

Ma gha le ŋa ŋa gɛ wəndə ŋelɛ, ghazlənəma na va hɛ, ya va ghena ta nci ma, kwa nza ŋkɛ hwa njɛlɛanjɛwa ba'a hwa tigə na, hwa yite ntishɛ ŋa na. Ghazlənəma na va ghena ta nci ba'a dakema na va kema ta nci ma, kwa nza ŋkɛ ka fama ghena mbelia shɛhɛ.

Ɛzɛkiyɛl 28:24

Ma ke Mahwətə ɓiyitsa: «Katezhɛne kweci hwelefefi nyi dzeyi yitea Israyɛl kateɓelama shinti mbe ghə ve we. Katezhɛne hɛ kanza kala tigə nyi ken'yi ŋkɛ ba'a nyi keŋgwerahe ŋkɛ we. Ma tsagha, kateɗepete mbeli 'ya ya kaMahwətə.

Amos 8:2

Ma ke 'yɛwakɛ va 'ya: «Amos, wa yanewe na wa?» Ma 'ya zhɛnete nda: «Kwaciga ta ya ta wəfe nyi kenehe nehe.» Tagha, ma ke Mahwətə sha 'ya: «Nahe ka Israyɛl, mbelia ɗa kenehe kala ya ta wəfe. Katezhɛne 'ya kakele jaɗafa ta nci te wənə we.

Nahəwm 1:10

Nahe hɛ kenza kala gezlere nyi tendɛaŋe tendɛaŋe, ghenci nyi kesa wəshi kesa kala ka ghwəyi ghwəyi. Kateteremte geva hɛ hɛmɗɛke ɗɛke kala vegheme nyi keghwele ghwele.

Ləwke 21:25

Katencɛ geva wəshi nyi kencɛ wəsə te veci, te tere ba'a yɛ saseregwa. Kwetɛ kwetɛŋe tenza mehele ta mbeli nyi te hɛɗi, keyirə yirə tenza hɛ va gaka ta ndərə ba'a yɛ gaŋkeɓe ta ŋkɛ.

Ka Ɛbrə 6:8

Ma nda yɛ tigə kwara ba'a yɛ ndəŋwə yapeseke wəvea shɛ ne, wəve ganyɛ ŋkɛ we, kebezla bezla tenza wəvea shɛ sha Shala, ghwə nde tetere ŋkɛ.