Mishɛ 7:3 - Ghena ta Shala

³ Wəsə kwa ndiremi yamene dzeve ta nci. Kezha mene wəsə kwa ganyɛ ne, nda mbeli kaɗave nda wəshi ke mbelia jama, wəshi gəmə ya'yɛwe ka meha ghwə, dazhɛ dazhɛ geze wəshi nyi ɗe hɛ mbeli nyi nza zləvə te. Pa hɛ jikəte mɛ kezha mene wəsə kwa ndiremia nci.

Mishɛ 7:3 Iomraidhean Croise

Yɛ Ghena Ŋela 16:30

Ma wəndə nya kedərəzləte ntsə ba'a kehwepete mɛ kezha mene wəsə kwa ndiremi ne, nahe ŋkɛ kemenete wəsə kwa ndiremi tsagha.

Yɛ Ghena Ŋela 17:23

Ma ka mbəɗəkwə ne, kayɛ wəshi gəmə hɛ tewəfərə kezha zhɛremte kaganda.

Ɛzayi 1:23

Kaka fama ghena nzanji mbelia ŋa nyi te ghə, kaka mcɛhɛnyɛa ka ghərəa kɛfi. Pɛtɛ hɛ kaka ɗe wəshi gəmə, wəshi mbəɗəkwə yahwɛ hɛ yite. Kameha nda ghwə hɛ tiɗiɗi ke ka mezhɛtiti we, katsakɛ hɛ ghena nyi te ka wedidi we.

Ɛzayi 26:21

Kwa nza ŋkɛ shave yashave Mahwətə mbe ŋkwa kenza ta ŋkɛ kezha meha ghwə te fete ta mbeli nyi te hɛɗi lema. Katencɛ mimi nya keshekeyi geva hɛɗi te, katezhɛne ŋkɛ kawəfərə mbeli nyi mpəmte mbeli we.

Ɛzayi 3:5

Katememene berete mbeli kwelɛ ghəa nci, yayata wəndə te nde ghedəkwəa ŋkɛ: katesa nda yaka ka dɛgwəa hɛɗi ke ka meha mehɛɗi ba'a wəshia kwadanjia mbeli ke mbeli nyi nza zləvə te hɛ.

Ɛzayi 32:7

Ma ka mbəɗəkwəa kɛfi ne, wəshi nyi ndiremi ndiremi yamene hɛ, Kasepa ntsehwele hɛ kezha za ka titikwəa kɛfi laka ghena tseŋwə. Ndagwara berete ya'yɛwe ka titikwəa shɛhɛ.

Ɛzayi 5:23

Kazhɛre nde beze ghena hɛ kawəndə nya tiɗiɗi te wəshi gəmə, ama kameha nda ghwə hɛ tiɗiɗi ke wəndə nya ɗema fete ve we.

Zhɛrɛmi 3:5

mba nza ŋkɛ le 'ya te wənə shanda na? Mba nza 'ya kande ghema ta ŋkɛ na?» Ama mba na mbe ntsə geva yitea beze ghena shɛ!

Zhɛrɛmi 4:22

Ma ke Shala: «Kaka gezhia kɛfi mbelia ɗa, keɗepe ɗa hɛ we. Ŋwale ka dewə mehele hɛ, wəsə shɛ kafa hɛ we. Wɛre wɛre hɛ yitea mene wəsə kwa ndiremi. Ama mene wəsə ganyɛ ne, keɗepe hɛ we.»

Zhɛrɛmi 8:10

Ma ke Mahwətə: «Vatse tefə nda mia nci 'ya ke kweci mbeli, yɛ wəvea nci ke mbeli nyi ketefə hɛ. Kwa nza ŋkɛ, se te ŋwalea fəshi hwa'a te mbelia jama ne, ghəa nci yaɗe hɛ. Se te ka mɛ ŋkwa hwa'a te ka dzeghe Shala ne, pɛtɛ hɛ kaka mbəɗəkwə.

Ɛzɛkiyɛl 22:12

Ma mbe gha ne, kakele cɛdɛ kweci mbeli kezha pesle ŋkwa, le yɛmə kwele kwele nzəɓə nda təmə hɛ ke mbeli, berete ta ka ghedəkwəa nci yazeme hɛ kezha mene ghəa nci. Ama 'ya ne, fəyitekeghə zaghəyite ɗa mbeli, 'ya Shala Mahwətə.

Ɛzɛkiyɛl 22:27

Kala makwagwele nyi keslekwe wəsə nya keseve hɛ mpə ŋkwa mbeli nyi te ghəa mbeli. Mpia mbeli yaza hɛ kezha ndəkwə ghəa nci.

Ɛzɛkiyɛl 22:6

Yayata wəndə nya te ghə hwa ka Israyɛl kamene berete ba'a kampə ŋkwa mbe gha Zhɛrəzalɛm.

Ɛzɛkiyɛl 34:21

Va nya tsetsəkwə nyi dewə berete yɛ le paslɛ paslɛa ba'a le slerepe, va nya mpə nda tereme yɛ ke nyi kese shewə va zereghwe yitea tazemte hɛ kwetɛ kwetɛŋe te ŋkwa nya nza gwəzə ne,

Ɛzɛkiyɛl 9:9

Ma ke zhɛnete ɗa: «Kembarave jaɗafa ta ka Israyɛl ba'a ka Zhəwda. Rayɛ ŋkwa nya te hɛɗi va mpə ŋkwa ba'a ŋkwa nya mbe meleme va beze ghena. Ma ke hɛ sha geze: Nahe Mahwətə kewəfəyite hɛɗi. Wəsə shɛ kanakɛ Mahwətə we.

Palepa ta Ozɛ 4:18

Ma kwa nahemte sa wəshi hɛ behe behe ne, ntəŋə hɛ yitea mene mefətekwə. Ɗehwe ma hawe hɛ ke zləvə.

Palepa ta Ozɛ 7:3

Ma mbe 'yaghwa mehele ta nci ne, wəshi ŋ'wəshi yamene nda hɛ ke meghe, Ma laka tseŋwəa nci ne, və yaza nda hɛ ke mbeli nyi te ghə.

Amos 5:12

Kwa nza ŋkɛ nahe 'ya keɗepe kwelea fete nyi menete yɛ, nahe 'ya keɗepe ɗaŋeɗa ta jaɗafa ta ŋayɛ: kadɛke nda seɗa yɛ yitea ghəa ke mbeli nyi kemenetema fete, ka meha ghwə ɗafa yɛ, kasa nda yaka yɛ ke ka titikwəa kɛfi te ghwə.

Mishɛ 2:8

Ama ma ke Mahwətə sha gheyɛ: «Ka ghema ta mbelia ɗa yɛ. Lekwesa yaseɗe yɛ kənəa mbeli nyi kesheke kwamte mpa ba'a kənəa nyi kedzeghwa mbe kwelɛŋe.

Mishɛ 3:11

Te wəshi gəmə meha ghwə ka meha ghwə, te zhɛme teke nda wəshi mahalegə ka dzeghe Shala ke mbeli, te cɛdɛ geze wəshi nyi ketemene geva ka mɛ ŋkwa. Ya tsagha shɛ ŋkɛ ne, te Mahwətə dɛŋe geva hɛ. Ma ke hɛ sha geze: «Ashɛ hwa gheɓəmə Mahwətə wəka? Katekekave ɓəmə ndiremi we.»

Mishɛ 3:2

Ama pa yɛ ɗema wəsə nya ganyɛ yitea nya ndiremi, pa yɛ kwaɓemte hweta seyi te mbeli ba'a pasemte sli seyi te 'yɛ'yɛa nci.»

Matiye 26:15

Ma ke sha hɛ: «Wa yateve ɗa yɛ kencɛte ŋayɛ ntsehwele nya nza yɛ kakeseve Yɛsə le 'ya wa?» Ma ke hɛ shɛ: «Slibə mahekenemsə yateve ŋa n'yɛ.»

1 Ka Korɛnte 4:5

Vatse gɛ ne, mba yɛ kemeha ghwə te wəndə tewə vəa ŋkɛ kese, tewə Nde sleke ŋkwa kenaka kase. Gheŋkɛ nde tencɛ wəshi nyi tewəfərə mbe ŋkwesle te waŋe, pɛtɛ tencɛ wəshi nyi kwa wənəa mbeli nyi wəfərəakɛ hɛ ŋkɛ. Ma vəa ŋkwa shɛ ne, katekemave tsahe ta ŋkɛ yayata wəndə va Shala kala nya nza ŋkɛ.