Mishɛ 6:9 - Ghena ta Shala

⁹ Mahwətə kageze nda ghena ke mbeli nyi mbe meleme. Katembele mbeli nyi kehawe ve ŋkɛ. Ma ke sha hɛ: «Fa mə, gheyɛ mbeli nyi mbe hwelefe ta Zhəwda, gheyɛ pɛtɛ nyi ketsenete geva mbe meleme!

Mishɛ 6:9 Iomraidhean Croise

2 Saməyɛl 21:1

Te vəa David ne, na ma kemenete geva kava mahekene. Pa David ka'yɛwe ghena va Mahwətə, ma ke Mahwətə shɛ: «Va fete ta Sawəl le ghɛa ŋkɛ kwa mpəmte ŋkwa hɛ, kwa mpəmte ka Gabawon hɛ nda menete geva ŋkɛ.»

Palepa ta JOB 10:2

Ma tegeze nda 'ya ke Shala: ve ɗa ma fete na ma, ɗepete wəsə nya ŋele ɗa na yite.

Palepa ta JOB 23:14

Tserame temene wəshi nyi tarete ŋkɛ te 'ya, kwele kwele kweci zəzə nyi kala nyi ve.

Palepa ta JOB 5:17

Ma gɛ ne, zlama ya va wəndə nya 'yɛ Shala! Ma na gɛ ne, neghama 'yɛ ta Shala nde berete na ma!

Cimə 107:43

Ma wəndə nya kentsehwele ntsehwele ne, katemene slene ŋkɛ le ghena nyi ba'a kateɗepe ganyɛa Mahwətə ŋkɛ.

Cimə 48:10

Shala ta n'yɛ, ma mbe ghɛa ŋa ne, kave zəzə ghen'yɛ te ɗe ta ŋa.

Cimə 83:18

Nza hawe te hɛ ba'a zhɛ nda ghazlənə ke hɛ kaghala ghala, ɗema zləvə nza te hɛ ba'a zanji sebe te hɛ.

Cimə 9:16

Nahe hwelefefi kebeteyi geva kwa ki nya late hɛ. Nahe keleŋa nyi ŋate hɛ tewəfərə kekesehwe seɗa ta nci.

Yɛ Ghena Ŋela 22:3

Kawəfərə nde ntsehwele ntsehwele kenakɛ ndiremi ŋkɛ kase, ama ghə yaha nda ka gezhia kɛfi nda teme ŋkɛ te hɛ.

Ɛzayi 26:11

Mahwətə, tekafe dzeve ta ŋa kezha ɗa ka ghema ta ɗa, ama kenakɛ ŋkɛ hɛ we. Ama katenewe ɗe ta ŋa hɛ kezha mbeli katenza mehele ta nci ketaze taze, katenza hɛ ketere tere va ghwə nya keveyi geva kezha ghema ta ŋa.

Ɛzayi 27:10

Katezhɛne mbeli kanza mbe meleme nya berete we, shaka shaka ba'a kewəfə wəfə tenza ŋkɛ kala ɓerama. Katezeme gwəzə levea lɛmə te, katetsa beke hɛ te ba'a kateɓeɓatse slekea yɛ wəfe hɛ te.

Ɛzayi 30:27

Wa nya sləa Mahwətə nya kase cakeɗake, kala ghwə nya tse hwepe ta wənəa ŋkɛ, nahe ŋkɛ kenza ɗaŋe ɗaŋe. Ghena wənə ka same kwa mɛa ŋkɛ, kala ghwə nya ketse ghena ŋkɛ.

Ɛzayi 66:6

Fa mə gaka nya kese mbe meleme, gaka nya keshave mbe ghɛa Shala gi! Mahwətə nde ŋki nda zhɛme ta nci ke ka jaga ta ŋkɛ.

Ɛzayi 9:13

Tagha gɛ, pa Mahwətə slamte ghə ba'a sheghe, dzeve ta peha ba'a ghwəvərə te veci kwetɛŋe mbe Israyɛl.

Zhɛrɛmi 26:18

«Te vəa Ɛzɛkiyas, meghea ka Zhəwda ne, kwete nde mɛ ŋkwa nya nza sləa Mishɛ, kande Morɛshɛt ya shɛ. Ma ke sha ka Zhəwda pɛtɛ: Wa nya ghena nya geze Mahwətə nde berete nya: ‹Kawəve kwa wəza wəza tenza Siyon, kakwəfi tenza Zhɛrəzalɛm ba'a kagamba tenza ghweme ta ghɛa Mahwətə.›

Zhɛrɛmi 26:6

ma tsagha gɛ, kateŋzlamte ghɛ nya 'ya kala nya ŋzlamte Silo 'ya ba'a katezhɛre meleme nya 'ya kawəsə nya bezla ŋkwa mbeli nyi te hɛɗi pɛtɛ le.›»

Zhɛrɛmi 47:7

Ama tsema nza hwa shɛ kazhɛnakɛ mpi wa? Mahwətə nde pelave nda hweŋkwa kadzembe yɛ Askalon le hɛɗi nya mɛa ndərə.»

Ɛzɛkiyɛl 7:9

Katezhɛ heli ba'a katepele ntsə 'ya yitea gheyɛ we. Kateŋki ŋayɛ zhɛme 'ya kala dzeghwa ta ŋayɛ. Darahwe tencɛ geva slene nyi ndiremi ndiremi kashasha ta ŋayɛ. Ma tsagha, kateɗepete yɛ 'ya Mahwətə nde ɗa ŋayɛ.

Palepa ta Ozɛ 14:9

Ɛfrayim, wa wəsə nya kejikəte ɗa le wəshi nyi zhɛrete mbeli kashala wa? 'Ya ya kande zhɛne səkwə ta ŋa ba'a kande newe ghweme te gha. Ma 'ya ne, nahe 'ya kenza kala vɛ, wəfe nya gwəzləmə keveci keveci. 'Ya nde ve ŋa wəshi nyi mene na se te wəve.»

Amos 2:5

Katendə ghwə 'ya yitea hɛɗia Zhəwda, katetere ghɛ ganji nyi mbe Zhɛrəzalɛm ŋkɛ.»

Amos 6:1

Ndiremi ya te gheyɛ nyi gwezlayɛ mbe Siyon ba'a gheyɛ nyi kwelɛŋe pelɛ ghweme ta Samari! Gheyɛ ya kahwelefe ganyɛ nya tezhɛre geva ka Israyɛl kase shɛ, ke mbeli sha geze.

Mishɛ 3:12

Vatse gɛ, kawəve kwa wəza wəza tezhɛre Siyon, kakwəfi tenza Zhɛrəzalɛm ba'a katigə tenza ghweme ta ghɛa Shala tewəmbəreke gheyɛ.

Mishɛ 6:10

Ma ki ghɛa ka 'yaghwa mehele ne, wəshi nyi kefəke geva le mbəɗəkwə ya shɛ, wəshi kedzeghe wəshi tseŋwə yamene slene hɛ le. Nahe ŋkɛ kenza kawəsə kwa ndiremi. Wərə 'ya kazereghehwe wəsə nya na?

Mishɛ 6:8

Nahe mbeli ketekete ŋayɛ nza tiɗiɗi nya 'yɛwe Mahwətə va mbeli: deke mene wəsə nya tiɗiɗi, ɗe mene wəsə ganyɛ ba'a dzeghwa megela kwa hweŋkwa ta Shala.

Sofoni 3:2

Kese nde kafa heka ta Shala we, kese nde kayɛ wəshi nyi teke nda ŋkɛ we, kese nda kave nda ghə ke Mahwətə we, kese nde kahende nda geva ke Shala ta ŋkɛ we.

Ghena Kelɛŋə 3:19

Ma mbeli nyi ɗe 'ya ne, kaŋele hɛ 'ya ba'a ka'yɛ hɛ 'ya. Ma gɛ, ncɛte hwepete ghə ta ŋa ba'a zhɛrete nza ta ŋa.