Mishɛ 6:4 - Ghena ta Shala

⁴ Va nya fəakave ŋayɛ 'ya shave mbe Ɛzhipte na? Va nya mbeɗeke ŋayɛ 'ya shave mbe mava na? Va nya ghweneke Moyize, Aron ba'a Miriyam 'ya kancɛ ŋayɛ hweŋkwa na?

Mishɛ 6:4 Iomraidhean Croise

2 Saməyɛl 7:23

Tsagha shɛ perə ne, kwete hwelefe shɛ te hɛɗi nya keyipə le ka Israyɛl we. Pa na se kambelemte hɛ, deke hɛ kwetɛŋe, va yaka nya te hɛ va ka Ɛzhipte ba'a va yɛ shala ta nci, kezha veyi hɛ kambelia ŋa. Pa na vate zləvə te hɛ, kwa menete wəshi meŋele na kezha hɛ kakwa hərə ŋkwa te hɛɗia ŋa.

Cimə 77:20

Nahe na keperawete hweŋkwa ta ŋa kwa ndərə, ŋkwa kedzeghwa ta ŋa kwa ŋkwəɗə, wəndə shɛ kenakɛ yɛ ŋkwa seɗa ta ŋa we.

Shave 12:51

Ma te vecia shɛnyɛ ne, pa Mahwətə fəakave ka Israyɛl kewəvəsə kewəvəsə shave mbe Ɛzhipte.

Shave 20:2

«'Ya ya kaMahwətə Shala ta ŋa nya kekelakave ŋa shave mbe Ɛzhipte nya se na kamava.

Shave 3:10

'ya kaghwene ŋa tsetsenya kalə sha Farawon. Kwiɗi fəakave ka Israyɛl, mbelia ɗa shave mbe Ɛzhipte.»

Shave 4:10

Ma ke Moyize sha Mahwətə: «Təhwə təhwə ŋa 'ya Mahwətə yawe, kaŋslete ghena 'ya megela we. Kegha 'ya kagezete ghena megela we, ghala ghate na kegeze ɗa ghena tse ne, kembeɗete geva we. Tekwazhizhi geze ghena 'ya.»

Shave 4:16

Gheŋkɛ nde tegeze nda ghena ke mbeli te ŋkwa ŋa: gheŋkɛ nde tenza kamɛa ŋa, ma na ne, kala shala nya kencɛ nda ghena tenza na.

Shave 6:27

Yɛ Moyize le Aron ka se kageze nda ghena ke Farawon, meghea ka Ɛzhipte, kezha pelakɛ ka Israyɛl ŋkɛ kaslə te hɛɗia ŋkɛ.

Zhɛrɛmi 32:21

Nahe na kefəakame ka Israyɛl, mbelia ŋa same kwa Ɛzhipte laka wəshi meŋele nyi menete na, laka berete ta ŋa nya wəba ba'a laka kwelea ŋa nya ghazlənə mbeli ve.

Amos 2:10

Vəashinyɛ ne, nahe 'ya kefəakave ŋayɛ shave mbe Ɛzhipte ba'a kebeghakɛ ŋayɛ kava wəfaɗemsə kwamte te ɓerama kezha kakelehwe hɛɗia Amor yɛ.

Ɓela 12:1

Pa Moyize wəmeve wəzha ta ka Kəwsh. Ntake yɛ Miriyam le Aron kaŋele Moyize va nya wəmeve malea shɛ ŋkɛ.

Ɓela 33:1

Wa nyi dzeghwa nyi dzeghwave ka Israyɛl nyi, kwa shave hɛ mbe Ɛzhipte kewəvəsə kewəvəsə, mbe dzeve ta yɛ Moyize le Aron.

Slene 7:36

Moyize nde fəakave ka Israyɛl shave mbe Ɛzhipte, kwa menete wəshi meŋele ba'a wəshi kencɛ wəshi ŋkɛ mbe Ɛzhipte, kwa hələ kwa Ghɛmɛ ba'a te ɓerama kava wəfaɗemsə.

Zhɛne Ghwelə yitea Wəshi Mahalegə 15:15

Zəzəte mə kaka mavashi se yɛ mbe Ɛzhipte nda mbeɗeke ŋayɛ Shala Mahwətə ta ŋayɛ. Vatse ve ŋayɛ wəsə mahalegə nya 'ya ɓeshi.

Zhɛne Ghwelə yitea Wəshi Mahalegə 24:18

Zəzəte mə kaka mavashi se yɛ mbe Ɛzhipte, nda mbeɗeke ŋayɛ Shala Mahwətə ta ŋayɛ. Vatse geze ŋayɛ 'ya kamene slene le ghena nyi.

Zhɛne Ghwelə yitea Wəshi Mahalegə 4:20

Ama gheyɛ ne, nahe Mahwətə kelə kazele ŋayɛ ba'a kefəakave ŋayɛ shave mbe yaka nyi dzawe mbe Ɛzhipte kezha nza yɛ kambelia ŋkɛ, kala nya nza nya yɛ ɓeshi tse.

Zhɛne Ghwelə yitea Wəshi Mahalegə 4:34

Na, nahe kwete shala kegha kase kanta nda mbeli ke ghəa ŋkɛ shave hwa kweci mbeli na? Ewə, ama nahe Shala Mahwətə ta ŋayɛ kemenete kezha gheyɛ kwa ntsə ta ŋayɛ. Vatse ghweneghe nda yaka nyi dzawe dzawe ŋkɛ Ɛzhipte, pa ŋkɛ menete ŋayɛ wəshi meŋele ba'a wəshi nyi kesla heli hwa mbeli, slene nyi berete berete ba'a nyi ghazlənə mbeli ve.

Zhɛne Ghwelə yitea Wəshi Mahalegə 5:6

«'Ya ya kaMahwətə Shala ta ŋa nya kekelakave ŋa shave mbe Ɛzhipte nya se na kamava mbe.

Zhɛne Ghwelə yitea Wəshi Mahalegə 7:8

Ama va nya ɗe ŋayɛ Mahwətə ba'a nya ɗehwe ŋkɛ kayipə meɗe mɛ nya menete nda ŋkɛ ke ka shihɛ ŋayɛ nda fəakave ŋayɛ Mahwətə laka berete ta ŋkɛ nya kwele kwele. Nahe ŋkɛ kembeɗeke ŋayɛ shave mbe hɛɗi nya se yɛ kaka mavashi ba'a shave mbe dzeve ta Farawon, meghea ka Ɛzhipte.

Zhɛne Ghwelə yitea Wəshi Mahalegə 9:26

Pa 'ya səkwəte Mahwətə, ma 'ya shɛ: «Shala Mahwətə, zama sebe na te mbeli nyi kaŋa ŋa nyi, nyi mbeɗeke nyi na laka kwelea ŋa ba'a nyi fəakave nyi na mbe Ɛzhipte laka berete ta ŋa nya wəba ma.

1 Saməyɛl 12:6

Ma ke Saməyɛl gezete nda ke mbeli: «Mahwətə nya keveyi Moyize ba'a Aron kezha fə ka shihɛ ŋayɛ shave mbe Ɛzhipte ya kande negha fete yite.