Mishɛ 6:2 - Ghena ta Shala

² Fa mə ve nda fete ta Mahwətə ke mbeli, gheyɛ ghweme ba'a gheyɛ shihə nyi keɗema kagaŋkəɗə yitea hɛɗi: wa nya Mahwətə nya kave nda fete ke mbelia ŋkɛ, ghena ya kwelɛ hɛ le ka Israyɛl.

Mishɛ 6:2 Iomraidhean Croise

2 Saməyɛl 22:16

Kanca geva ŋkwəɗəa yɛ ndərə, darahwe shihəa hɛɗi ncɛte geva, kwa gaka Mahwətə laka sefəa ŋkɛ, nya keshave mbe ŋshia ŋkɛ.

2 Saməyɛl 22:8

Tagha gɛ, pa hɛɗi gaŋkəɗəte geva le berete. Pa ghweme gaŋkəɗəte geva te shihəa ŋkɛ. Pa hɛ gaŋkəɗəte geva va hwepe wənə ta ŋkɛ.

Cimə 104:5

Nahe na keveyi hɛɗi te yɛ shihəa ŋkɛ, kategaŋkəɗə ŋkɛ tɛape we.

Yɛ Ghena Ŋela 8:29

nda veyi yɛ ghala ta ndərə ŋkɛ, nda gezete nda ŋkɛ ke yɛ yɛmə kezha ɗema kazlake hɛ ba'a nda mɓeyi shihəa hɛɗi lema ŋkɛ.

Ɛzayi 1:18

Ma ke Mahwətə «Nde mə, gheɓəmə kaghəpə. Ma kenza yɛ jaɗafa ta ŋayɛ ghɛmɛ kala mimi ne, katezhɛre hɛ tɛawe tɛawe kala kwacakelɛ. Ma kenza hɛ gheme hɛ kala hanci ne, katezhɛre hɛ tɛzlɛzlɛ kala shintia təmə.

Ɛzayi 3:13

Nahe Mahwətə kesate te ŋkwa kezha ve nda fete ke mbeli, nahe ŋkɛ keghereŋe kezha meha ghwə te mbeli.

Ɛzayi 43:26

Geze ɗa ghena nya kebeze va 'ya, dzete ɓə ghwə kanya kwetɛŋe. Ncɛ ɗa ghena nyi keve ŋa kaganda.

Ɛzayi 5:3

Tagha gɛ, ma ke mcɛ ɗa: «Gheyɛ mbeli nyi mbe Zhɛrəzalɛm, gheyɛ ka Zhəwda, nza mə kaka meha ghwə kwelɛ 'ya le wəvea rɛzɛŋea ɗa.

Zhɛrɛmi 2:9

Vatse mene ghwə mə le gheyɛ zhɛkwa, tsagha le hwelefefia ŋayɛ, wa'a ke Mahwətə.

Zhɛrɛmi 25:31

Hwa'a te mendɛkwe ta hɛɗi lema gaka ta ŋkɛ, kwa nza ŋkɛ ghena ya va Mahwətə le mbeli, ghwə yameha ŋkɛ le mbeli pɛtɛ. Ama mɛke tenza ka mene fete va kafayɛ, wa'a ke Mahwətə.

Zhɛrɛmi 31:37

Wa nya ghena nya geze Mahwətə nya: «Ma nda wərə wəndə kadzeghete biya ta ŋkwa nya kedzeme yitea ghweme, keɗema kaɗepete lɛamea hɛɗi ne, tagha gɛ, katebete pɛtɛa ka Israyɛl 'ya va wəsə kwa ndiremi nyi menete hɛ.» Nya ya kaghena nya geze Mahwətə.

Palepa ta Ozɛ 12:2

Kabehe ghəa ŋkɛ Ɛfrayim le sefə, kahwɛ ŋkɛ kavəghwə kwa sebe ta sefəa ŋkwa kesame ta veci. Kaslə yɛ tseŋwə ŋkɛ ba'a kamene berete ŋkɛ kwele kwele. Kamene jikə geva ŋkɛ le Asiri ba'a kafə nda n'yi ŋkɛ ke Ɛzhipte.

Palepa ta Ozɛ 12:3

Nahe Mahwətə kenza mbe ghena le Zhəwda. Kateme ŋkɛ te hwelefe ta Zhakob va dzeghwa kwa ndiremi ta ŋkɛ, kateŋki nda zhɛme ŋkɛ kala yɛ slene ta ŋkɛ.

Palepa ta Ozɛ 4:1

Fete yave nda Mahwətə ke mbeli nyi te hɛɗi. Ka Israyɛl, fa mə ghena nya geze Mahwətə: «Teke ne, kaganda ba'a ganyɛa mehele shɛ we. Te hɛɗi nya ne, kezhɛne mbeli kaɗepe ɗa kaShala we.

Mishɛ 6:1

Fa mə ghena nya geze Mahwətə: «Sate te ŋkwa kanegha fete kwa kema ta yɛ ghweme, fa ŋwələa ŋa yɛ wəmbə.»

Zhɛne Ghwelə yitea Wəshi Mahalegə 32:22

Kwa nza ŋkɛ ne, kala ghwə tse hwepe ta wənəa ɗa, pa kwa zeweve ta ghɛa mbelia kwahɛɗi dzawa ŋkɛ. Katere hɛɗi ba'a wəshi nyi te ŋkɛ pɛtɛ, katere yɛ shihəa yɛ ghweme ŋkɛ.

Zhɛne Ghwelə yitea Wəshi Mahalegə 4:26

Ma kemenete geva ŋkɛ tsagha ne, yɛ ghweme le hɛɗi ka tenza kaka negha fete ta ɗa ɓeshi: kahe kahe teza sebe te gheyɛ te hɛɗi nya tekele nya yɛ pelɛ kema ta Zhəwrdɛŋe. Katetemə yɛ kwele kwele te we, kwa nza ŋkɛ pɛtɛ tempə yɛ.