Mishɛ 6:1 - Ghena ta Shala

¹ Fa mə ghena nya geze Mahwətə: «Sate te ŋkwa kanegha fete kwa kema ta yɛ ghweme, fa ŋwələa ŋa yɛ wəmbə.»

Mishɛ 6:1 Iomraidhean Croise

Cimə 50:1

Ciməa Asaf. Nahe Shala Mahwətə nde berete kegezete ghena. Nahe ŋkɛ kehekake pɛtɛa mbeli nyi te hɛɗi, se te ŋkwa nya same veci pa te nya pəkwə ŋkɛ.

Cimə 50:4

Kaheka ghweme ba'a hɛɗi Mahwətə kezha meha ghwə te mbelia ŋkɛ.

Ɛzayi 1:2

Ghweme, fate! Hɛɗi, ghwene sleme! Ma ke Mahwətə gezete ghena: «Nahe 'ya kedəkwəte ŋwale kezha nza hɛ kambelia jama, ama nahe hɛ kefatema ɗa ghena.

Ɛzayi 3:13

Nahe Mahwətə kesate te ŋkwa kezha ve nda fete ke mbeli, nahe ŋkɛ keghereŋe kezha meha ghwə te mbeli.

Zhɛrɛmi 13:15

Fate mə, veyite mə sleme yite, mba yɛ kenza kaka kele ghə, Mahwətə nde geze ghena.

Zhɛrɛmi 22:29

Hɛɗia ɗa, hɛɗia ɗa, fate ghena ta Mahwətə.

Ɛzɛkiyɛl 36:1

Wəndə ŋelɛ, gezete nda ghena ta ɗa ke ghweme nyi mbe Israyɛl. Ma pa na sha geze: «Ghweme nyi mbe Israyɛl, fa mə ghena ta Mahwətə.

Ɛzɛkiyɛl 36:8

Ma vəa ŋkwa shɛ hwa ghweme nyi mbe Israyɛl ne, gwəɗəmə teɗa slekea yɛ wəfe, kateya hɛ kezha gheyɛ ka Israyɛl, mbelia ɗa. Va nya nza ŋkɛ ne, takwa takwa yɛ katezhɛne geva kadzete hɛɗia ŋayɛ.

Ɛzɛkiyɛl 37:4

Ma ke sha 'ya ɓiyitsa: «Gezete nda ghena ta ɗa ke 'yɛ'yɛ nyi. Ma pa na sha hɛ: 'Yɛ'yɛ nyi keghwele ghwele, fa mə ghena ta Mahwətə.

Ɛzɛkiyɛl 6:3

Ma pa na sha tegeze: Ghweme nyi mbe Israyɛl, fa mə ghena ta Shala Mahwətə. Wa nya ghena nya geze nda Shala Mahwətə ke yɛ ghweme ba'a yɛ wəmbə, ke ŋkwa nyi dzawa vare ghweme ba'a yɛ zlərə nya: Wa nya 'ya nya katekele mpa kase kadzete gheyɛ kezha za sebe te yɛ kələŋəa ŋayɛ.

Amos 3:1

Gheyɛ ka Israyɛl, hwelefe nya zhɛnakame Mahwətə same kwa Ɛzhipte, fa mə ghena nya geze ŋkɛ te ghəa ŋayɛ:

Mishɛ 1:2

Fa mə, gheyɛ mbeli pɛtɛ. Ntsehwele mə, gha hɛɗi le wəshi nyi te gha. Shala Mahwətə katesla ghena te gheyɛ sawa pelɛ ŋkwa nya keveyi nda geva tekeleke.

Mishɛ 1:4

Kadedase yɛ ghweme mbe hwə seɗa ta ŋkɛ, kanɛnɛa ŋkwa nyi kwelɛ yɛ zlərə kala ɗəkə va ghwə, kala yɛmə nya kehwɛ dzawa vare wəmbə.

Mishɛ 6:2

Fa mə ve nda fete ta Mahwətə ke mbeli, gheyɛ ghweme ba'a gheyɛ shihə nyi keɗema kagaŋkəɗə yitea hɛɗi: wa nya Mahwətə nya kave nda fete ke mbelia ŋkɛ, ghena ya kwelɛ hɛ le ka Israyɛl.

Ləwke 19:40

Ma ke Yɛsə sha hɛ: «Ma 'ya sha gheyɛ: ya mbeli nyi nzanji divə ne, katetsa lewela yɛ pelɛ.»

Zhɛne Ghwelə yitea Wəshi Mahalegə 32:1

Ghweme, ve sleme yitea ghena nyi tegeze 'ya, hɛɗi, fa ghena nyi ketesame kwa mɛa ɗa.

Zhɛne Ghwelə yitea Wəshi Mahalegə 4:26

Ma kemenete geva ŋkɛ tsagha ne, yɛ ghweme le hɛɗi ka tenza kaka negha fete ta ɗa ɓeshi: kahe kahe teza sebe te gheyɛ te hɛɗi nya tekele nya yɛ pelɛ kema ta Zhəwrdɛŋe. Katetemə yɛ kwele kwele te we, kwa nza ŋkɛ pɛtɛ tempə yɛ.

1 Saməyɛl 12:7

Ma tsetsenya gɛ ne, slete mə tagha mbe kema ta Mahwətə yitea meha ghwə, 'ya kateɓela ŋayɛ wəshi ganji nyi menete ŋayɛ Mahwətə, ke gheyɛ ba'a ke ka shihɛ ŋayɛ.

1 Saməyɛl 15:16

Ma ke Saməyɛl shɛ: «Wərə ɗa! 'Ya kategeze ŋa ghena nya gezete ɗa Mahwətə heviɗi nya.» Ma ke Sawəl shɛ: «Geze!»