Mishɛ 5:7 - Ghena ta Shala

⁷ Ma ka Israyɛl nyi ketene teghweme hwa hwelefefi kwele kwele ne, kambeli nyi berete berete tenza hɛ kala nivɛrə hwa wəshi keseɗa nyi hwa gamba, kala wəzege ta nivɛrə hwa timɛti. Ma te yayata ŋkwa nya lə nde ne, kakese wəshi ŋkɛ ba'a kaslekwe hɛ ŋkɛ. Wəndə shɛ kambeleke hɛ ve we.

Mishɛ 5:7 Iomraidhean Croise

2 Saməyɛl 17:12

Katesləyi David gheɓəmə te ŋkwa nya nza ŋkɛ, nda gheɓəmə kadzeghə kala nya me mɛnɛ te hɛɗi. Kənə le ghəa ŋkɛ le mbelia ŋkɛ, ya kwetɛŋe katembele we.

Cimə 110:3

Katebeghe ŋa ka katsala kɛfi te veci nya tsene ka sewajɛa ŋa na. Pelɛ ghweme nyi keveyi geva tekeleke ne, katedzeme ka mempɛhwetɛtia ŋa sha gha kala mɛnɛ nya te kiɗi ta ŋkwa.

Cimə 133:3

Nahe ŋkɛ kenza kala mɛnɛa ghweme ta Hɛrmon, nya kesawa kadzeghəa yɛ ghweme ta Siyon. Kwa nza ŋkɛ pelɛagha tarete wəpi ŋkwa ba'a ve nda mpi Mahwətə ke mbeli kaghala ghala.

Cimə 72:6

Nza ŋkɛ kala va nya keme kənəa wəza, kala va nya keleɓe hɛɗi.

Yɛ Ghena Ŋela 19:12

Kala ghwəghwə ta nivɛrə hwepe wənə ta meghe, ama kala mɛnɛ te gwəzə ganyɛa mehele ta ŋkɛ.

Ɛzayi 32:15

Ma te kwete veci ne, katevɛ sefəa ŋkɛ Shala kənəa gheɓəmə. Tagha gɛ, katezhɛre hɛɗi ɓerama kantsa ta wəfe ba'a katenza ntsa ta wəfe kala ghɛa wəfe.

Ɛzayi 44:3

Kwa nza ŋkɛ ne, 'ya kateɓasle yɛmə te hɛɗi nya ɗema yɛmə, ba'a 'ya katehwɛ yɛ hələ te hɛɗi nya keghwele ghwele. Katevɛ Sefəa ɗa 'ya kadzeghəa ŋwalea ŋa ba'a katewəpi hwelefefia ŋa 'ya.

Ɛzayi 55:10

Sawa pelɛ ghweme me va ba'a kwacakelɛ, ama kazhɛne geva hɛ kadzeme kaɗema keleɓekɛ hɛɗi, kaɗema kedəɗəməte hɛɗi ba'a kaɗema kepesete ya ta wəshi we. Tagha gɛ, kateve nda felehwe ta wəshi ba'a wəsə kezeme hɛ ke mbeli.

Ɛzayi 66:19

Kateve wəsə kencɛ wəsə 'ya hwa hɛ. Ma mbeli nyi ketetene teghweme kwa sebe ta meha ghwə ta ɗa ne, kateghwene hɛ 'ya kalə sha ka Tarsis, ka Pəwl, ka Ləwd nyi kaka ɗepemte he have, kalə sha ka Təwbal, ka Yavan ba'a sha hɛɗi nyi cakeɗa cakeɗa dzeyi te ndərə, te ŋkwa nya ghama mbeli kafa sləa ɗa, te ŋkwa nya ghama mbeli kanakɛ zləvəa ɗa. Katencɛ nda zləvəa ɗa hɛ ke hwelefefia shɛhɛ.

Zhɛrɛmi 14:22

Hwa yɛ shala tseŋwəa kweci hwelefefi ne, kwete shɛ kwetɛŋe nya kenza kameke va na? Ghweme le ghəa ŋkɛ nde me va kasawa na? Ashɛ gha ya kaMahwətə Shala ta n'yɛ wəka? Te gha vate zəzə ta n'yɛ ghen'yɛ kwa nza ŋkɛ gha nde mene wəshia shɛhɛ.

Ɛzɛkiyɛl 14:22

katetene mbeli nyi teghweme mbe, zhili ba'a mi. Katefə hɛ mbeli shave mbe meleme, katese hɛ sha gheyɛ. Ma vəa ŋkwa nya tenakɛ dzeghwa ta nci ba'a slene ta nci yɛ ne, kategwegweɗakwe ghəa ŋayɛ yɛ va ndiremi nyi vate 'ya te Zhɛrəzalɛm.

Ɛzɛkiyɛl 47:1

Pa wəndəa shɛ zhɛneke ɗa kadzemɛa ŋkwa kedzembe ghɛa Shala. Newe 'ya ne, kagwezha gwezha yɛmə same yitea zeweve ta ŋkwa kedzeki nya laka ŋkwa kesame ta veci, va nya nza ŋkɛ laka ŋkwa shɛ kema ta ghɛa Shala. Dzawa laka bela kwa zeme hwɛ yɛməa shɛ va ghɛa Shala, dzeyi laka bela kwa zeme va reghwetɛ.

Ɛzɛkiyɛl 5:5

Ma 'ya, 'ya Shala Mahwətə: tsetse temene nda geva ŋkɛ ke Zhɛrəzalɛm, meleme nya veyi 'ya te tepe ta kweci hwelefefi, nya dzaslete 'ya le kweci hɛɗi.

Daniyɛl 11:32

Ma laka meɗe mɛ tseŋwəa ŋkɛ ne, kateghwete mbeli meghea shɛ le ghəa ŋkɛ kezha sərə jikə geva. Ama katenza mbeli nyi keɗepe Shala ta nci bereteke ba'a katesate hɛ te ŋkwa.

Palepa ta Ozɛ 14:5

Ma ke Shala: «Katembe Israyɛl 'ya va fama ghena ta ŋkɛ. Kateɗe ŋkɛ 'ya le wənə kwetɛŋe kwa nza ŋkɛ mba wənəa ɗa kebeze beze ve we.

Palepa ta Ozɛ 6:3

Ntsə ɓəmə geva kaɗepe Mahwətə, kaganda nza se ta ŋkɛ kala kiɗi ta ŋkwa, katese ŋkɛ sha gheɓəmə kala meŋzleghele, kala va feghwe nya keɓasle hɛɗi.»

Amos 5:15

Sərəakɛ mə wəsə kwa ndiremi, ɗe mə wəsə ganyɛ. Zhɛneyi mə kaganda te ŋkwa kemeha ghwə, nda kwete katezhɛ heli Shala Mahwətə nde berete yitea hwelefefia Zhozɛf nyi ketene teghweme.

Mishɛ 2:12

Ma 'ya, 'ya Mahwətə: «Katetsene ŋayɛ 'ya pɛtɛ, mbelia Zhakob, katerəkwə ŋayɛ 'ya, ka Israyɛl nyi mba teghweme. Katerəkwə hɛ 'ya kala timɛti kwa zlema ta nci, kala wəshi keseɗa te ŋkwa kezeme gwəzə ta nci. Katenza mbeli nyi ketseha mɛ shɛ kwele kwele.

Mishɛ 4:13

Ma ke Mahwətə: «Sate mə kaleke ha ka Zhɛrəzalɛm! Kateve ŋayɛ berete 'ya kala mca nya nza tereme lɛ kwa ghə ve ba'a nya nza cɛpea mze kwa ghwə ghwə te. Katempə mbeli kwele kwele yɛ. Ma wəshia nci nyi tefə yɛ ne, kateve ɗa geva hɛ tekeleke, 'ya Mahwətə nya kesleke hɛɗi pɛtɛ.»

Mishɛ 4:7

Ma nyi ketseheɗe ne, katezhɛre hɛ 'ya kanyi ketetene teghweme. Ma nyi kefəhwe geva ne, katezhɛre hɛ 'ya kahwelefe nya berete. Ma pelɛ ghweme ta Siyon ne, 'ya Mahwətə nde tenza kameghea nci, se tsetsenya pa kaghala ghala.

Mishɛ 5:3

Ma wəndə nya te ghəa shɛ ne, katesate ŋkɛ meslete kaya wəshia ŋkɛ laka berete ta Mahwətə, laka kwelea Shala Mahwətə ta ŋkɛ. Gwezlayɛ tenza hwelefe ta ŋkɛ, kwa nza ŋkɛ ne, pa te mendɛkwe ta hɛɗi tenza berete ta ŋkɛ.

Mishɛ 5:8

Ka Israyɛl, ɗa mə ka ghema ta ŋayɛ, za mə sebe te hɛ pɛtɛ!

Mishɛ 7:18

Kwete Shala shɛ kala gha na? Ma gha ne, kayaɓe beze ghena na, kakelemte jaɗafa ta mbelia ŋa nyi ketene teghweme na te wənə. Kanza hwepe wənəa ŋa ndimə ndimə we, ama kancɛ n'yɛ ganyɛa mehele ta ŋa na.

Sofoni 3:13

Ma ka Israyɛl nyi ketene teghweme ne, katezhɛne hɛ kamene wəsə kwa ndiremi we, katezhɛne hɛ kasla tseŋwə we, katezhɛne hɛ kaghwete ŋkwa we. Ama katezeme wəsə kezeme hɛ ba'a katehɛ hɛ kaɗema wəndə shɛ kezha dake hɛ.»

Zakari 14:8

Ma te vecia shɛ ne, katehwɛ ɗasle shave mbe Zhɛrəzalɛm. Katehwɛ kwete bela ta yɛmə kadzawa ndərə kwa Ghwənəghwə, kadzawa ndərəa Mɛditɛranɛ tehwɛ kwete. Vɛa le ghele tehwɛ ŋkɛ.

Zakari 9:13

Kala rəgi kempa ta ɗa teve Zhəwda 'ya, kala have tenza Ɛfrayim. Siyon, kateghwene mbelia ŋa 'ya kampa le ka Grɛk. Kala kafayɛa katsala sewajɛ tezhɛre hɛ 'ya.»

Matiye 28:19

Kwiɗi mə kalə sha pɛtɛa hwelefefi, zhɛrete mə hɛ kambeli nyi ketəkwə təkwə ɗa. Mene nda mə batɛme ke hɛ te sləa Yita, Wəzege ba'a Sefəa Shala.

Slene 11:15

Ma vəa ŋkwa nya ghate 'ya kageze ghena ne, pa Sefəa Shala sawa kadzeghəa hɛ, kala nya menete ŋkɛ le gheɓəmə kaghate.

Slene 13:46

Tagha gɛ, ma ke yɛ Pol le Barnabas sha hɛ le hwepe ghə: «Ke gheyɛ ka Zhəwif hi mbeli kageze ghena ta Shala kaba. Ma va nya ɗema ŋkɛ yɛ ba'a nya veyi ghəa ŋayɛ yɛ kambeli nyi kehima kezha mpi nya kaghala ghala ne, yawa ghen'yɛ katelə tsetsenya sha mbeli nyi keɗema kaka Zhəwif.

Slene 16:9

Ma heviɗi ne, pa Pol nakɛ kwete nde Masɛdowane nya kencɛte nda geva meslete, ma ke sha Pol: «Kwiɗi kajive Masɛdowane, se kakemane n'yɛ.»

Slene 9:15

Ma ke Nde sleke ŋkwa shɛ: «Kwiɗi, nahe 'ya kentave wəndəa shɛ kezha nza kande negha fete ta ɗa mbe kema ta kweci hwelefefi ba'a ka meghea kɛfia nci, tsagha ka Israyɛl perə.

Ka Rome 10:20

Ma ke Ɛzayi dzeghakɛ kageze: «Mbeli nyi kesema kazele ɗa ka sləyi ɗa, nahe 'ya kencɛte nda ghəa ɗa ke mbeli nyi kesema ka'yɛwe wəsə va 'ya.»

Ka Rome 11:12

Ma kenza nde beze ghena ta nci nde mbakete nda mcɛlə ke mbeli nyi te hɛɗi pɛtɛ ne, dzeyi ta nci te sebe nde zhɛrete kweci hwelefefi kaka mcɛlə ne, tsema tenza ŋkɛ vəa ŋkwa nya tezhɛre nda geva hɛ fate fate ke mbele wa?

Ka Rome 9:30

Tsema ke gheɓəmə sha geze wa? Nahe kweci hwelefefi nyi kesema kasepa ntsehwele yitea nza kambeli nyi tiɗiɗi kwa kema ta Shala keveyi geva kambeli nyi tiɗiɗi kwa kema ta ŋkɛ laka yɛ ta nci.

1 Ka Korɛnte 3:6

Nahe 'ya kemɓete wəfə, Apolos nde gəyite yɛmə yite, ama Shala nde kelete wəfea shɛ.

Zhɛne Ghwelə yitea Wəshi Mahalegə 32:2

Me geva ghena ta ɗa kala va ganyɛ kənəa wəshi nyi te wəve, ncɛhwɛaɓɛ ŋkwa wəshi nyi teke nda 'ya ke mbeli kala mɛnɛ nyi dzeyi te gwəzə.

Ka Meha ghwə 6:36

Ma ke Zhɛdɛyon sha Shala: «Ma pa na ne, kaɗe na kambele ka Israyɛl laka 'ya.