Mishɛ 5:6 - Ghena ta Shala

⁶ Ma ka Israyɛl nyi ketene teghweme hwa hwelefefi kwele kwele ne, katenza hɛ kala mɛnɛ nya kese va Mahwətə, kala va nya keme te gwəzə kaɗema ka'yɛwe kwete wəsə va wəndə ŋelɛ ba'a kaneghe kwete wəsə va mbeli.

Mishɛ 5:6 Iomraidhean Croise

2 Ka Meghea Kɛfi 15:29

Ma vəa ŋkwa nya mene meghe Pɛka mbe ka Israyɛl ne, pa Tɛglat-Falasar meghea ka Asiri, pa kelehwe meleme Yon, Abɛl-Maka, Yanowa, Kɛdɛsh ba'a Hasor, gheŋkɛ hɛɗia ka Gala'ad, le ŋa ka Galilɛ le pɛtɛa hɛɗia ka Nɛftali. Pa fəghe mbelia hɛɗi nyi kadzembe Asiri.

1 Wəshi nyi Mene Ka Meghe 1:10

Kəwsh yitenyɛa Nɛmrod nya kande ghate ta wəndə nya kanza ghyanake te hɛɗi.

2 Wəshi nyi Mene Ka Meghe 33:11

Vatse ghwenakɛ mbelia jama ta ka sewajɛa Asiri Mahwətə. Pa hɛ kesehwe Manasɛ ba'a n'yiame nda kweci kala dzara mbe ghweleme, hwepete ŋkɛ megela le zewe lɛ ba'a keleghe ŋkɛ kadzeme Babilone.

Palepa ta JOB 29:22

Ma kegezemte ghena 'ya ne, wəndə shɛ kazhɛne ghə we, te wəndə te wəndə teɗe ghena ta ɗa.

Cimə 110:3

Katebeghe ŋa ka katsala kɛfi te veci nya tsene ka sewajɛa ŋa na. Pelɛ ghweme nyi keveyi geva tekeleke ne, katedzeme ka mempɛhwetɛtia ŋa sha gha kala mɛnɛ nya te kiɗi ta ŋkwa.

Cimə 72:6

Nza ŋkɛ kala va nya keme kənəa wəza, kala va nya keleɓe hɛɗi.

Ɛzayi 14:2

Katekemane hɛ kweci mbeli ba'a katefə hɛ hɛ kadzete hɛɗia nci. Tagha te hɛɗi nya kaŋa Mahwətə gɛ ne, katenehe hɛ ka Israyɛl kaka mavashia nci ba'a kaka kwaterashia nci. Katefə mbeli nyi kese kave hɛ kaka mavashi hɛ kaka mavashi. Katenza hɛ kaka sleke mbeli nyi kese kasa nda yaka ke hɛ.

Ɛzayi 14:25

Kateza sebe 'ya te berete ta ka Asiri te hɛɗia ɗa, kateŋkeɗe ŋkɛ 'ya hwa yɛ ghweme ta ɗa. Kala sheghwə nya te welɛ va sla kewəza vaghe berete ta nci hɛ kənəa mbelia ɗa, katekelemte ŋkɛ 'ya. Katekelemte geva wəsə nya ɗaŋeɗa ta nci kwa ghəa nci.»

Ɛzayi 33:1

Ɗa ya te gha nya keza sebe te wəshi, ama kaɗema mbeli kezamte sebe te gha, gha nya kepa ŋkwa, ama kaɗema mbeli kepamte ŋa! Ma vəa ŋkwa nya tekiɗimte za sebe na te wəshi ne, kateza geva sebe te gha. Ma te və nya tenahemte pa ŋkwa na ne, katepamte geva na.

Ɛzayi 37:36

Pa nde ghwene ta Mahwətə se kadzembe ghedəkwəa ka Asiri ba'a mpəmte zhili 185.000. Satema ta mbeli te ŋkwa masheke ne, pa mbeli nyi ketene teghweme ntsate pɛtɛa mbeli nyi kempə mpə.

Ɛzayi 37:37

Tagha gɛ, pa Sɛnakɛrib, meghe nya mbe Asiri zhɛneghe geva kalə kanza mbe Ninive.

Ɛzayi 6:13

Ma ketene kwa meŋe ta bela ta mbeli te hɛɗi ne, kateteremte geva ŋkɛ le ghwə kala nya tere cɛana keɗema hwemeke nya ketsasle tsasle mbeli. Deke dəŋwə ba'a yɛ slərə ka tetene. Ama kateɗəkwə hwelefe nya ɗehwe Shala dəŋwəa shɛ.

Zhɛrɛmi 14:22

Hwa yɛ shala tseŋwəa kweci hwelefefi ne, kwete shɛ kwetɛŋe nya kenza kameke va na? Ghweme le ghəa ŋkɛ nde me va kasawa na? Ashɛ gha ya kaMahwətə Shala ta n'yɛ wəka? Te gha vate zəzə ta n'yɛ ghen'yɛ kwa nza ŋkɛ gha nde mene wəshia shɛhɛ.

Nahəwm 2:11

Nahe pɛtɛa wəshi kefəhwe geva, kempəmte geva ba'a keŋkeɗemte geva. Nahe mbeli kenza keyirə yirə, kampempa geva yɛ seɗa, kabare bare pɛtɛa geva ta nci ba'a kanza kema ta nci tɛarawe rawe.

Sofoni 2:13

Kateɗa hɛɗi nya laka bela kwa gwela ŋkɛ, katezhɛre Asiri ŋkɛ kakwəfi. Katebeze meleme ta Ninive nya ketezhɛre kaɓerama nya keghwele ghwele ŋkɛ.

Sofoni 3:12

Katesərə ka dewə ŋeli ba'a ka titikwəa kɛfi 'ya te hɛɗia ŋa. Katesləyi ŋkwa kewəfərə hɛ mbe 'ya, 'ya Mahwətə.

Ləwke 1:71

Ma ke Shala te vecia shɛ: Katembele ŋayɛ 'ya va ka jaga ta ŋayɛ ba'a va mbeli nyi kezlɛ va gheyɛ.

Ləwke 1:74

kambele ɓəmə va berete ta ka ghema. Tagha gɛ, katemene nda slene gheɓəmə kaɗema le ghazlənə,

Ləwke 24:27

Ntake ŋkɛ kancɛ nda nza ta ghena nyi kegezete geva te ghəa ŋkɛ mbe Ghena ta Shala ke hɛ, pa ghate te yɛ palepa ta Moyize kajive te ŋa pɛtɛa kweci ka mɛ ŋkwa.

Zhɛne Ghwelə yitea Wəshi Mahalegə 32:2

Me geva ghena ta ɗa kala va ganyɛ kənəa wəshi nyi te wəve, ncɛhwɛaɓɛ ŋkwa wəshi nyi teke nda 'ya ke mbeli kala mɛnɛ nyi dzeyi te gwəzə.