Mishɛ 5:5 - Ghena ta Shala

⁵ Le kafayɛa nci ne, kateɗa Asiri, hɛɗia Nɛmrod hɛ, kateve ŋkɛ hɛ mbe seɗa ta nci. Ama wəndə nya te ghəa shɛ nde tembele ɓəmə va ka Asiri kedzembe hɛɗia ɓəmə hɛ ba'a kezlakemte ghala ta ɓəmə hɛ.

Mishɛ 5:5 Iomraidhean Croise

Palepa ta JOB 5:19

Wərə na kasahwe yaka kwele kwele, kateya ŋa ŋkɛ shanda, katekwaɗe ŋa ndiremi tɛape we.

Cimə 72:7

Mtsehe geva nza tiɗiɗi kala nza ta ŋkɛ te meghe, mbake geva mcɛlə kala nya teɓele tere.

Yɛ Ghena Ŋela 30:18

Wəshi ya shɛ mahekene nyi kendakɛ ɗa berete keɗema wəfaɗe nyi favema 'ya:

Yɛ Ghena Ŋela 30:29

Wəshi nyi kezhɛne mpi ya shɛ mahekene nyi nza ntishɛ ta nci megela keɗema wəfaɗe nyi nza dzeghwa ta nci megela:

Yɛ Ghena Ŋela 6:16

Wəshi ya shɛ ŋkwaŋe nyi ɗema Mahwətə, mberefaŋe wəshi nyi ndiremi ndiremi kashasha shɛ:

Nde zlape ghena 11:2

Vema pɛtɛa mcɛləa ŋa na te ŋkwa nya kwetɛŋe ma, kwa nza ŋkɛ keɗepe ndiremi nya kenza kamenete geva te hɛɗi na we.

Ɛzayi 14:25

Kateza sebe 'ya te berete ta ka Asiri te hɛɗia ɗa, kateŋkeɗe ŋkɛ 'ya hwa yɛ ghweme ta ɗa. Kala sheghwə nya te welɛ va sla kewəza vaghe berete ta nci hɛ kənəa mbelia ɗa, katekelemte ŋkɛ 'ya. Katekelemte geva wəsə nya ɗaŋeɗa ta nci kwa ghəa nci.»

Ɛzayi 44:28

Ma 'ya sha Sirəs: ‹Nde ya wəshia ɗa na.› Katemene yayata wəsə nya ɗe 'ya ŋkɛ. Ma ke sha tegeze nda ke Zhɛrəzalɛm: ‹Katezhɛne mbeli kaŋa ŋa› ba'a ke ghɛa Shala: ‹Katezhɛne na kaŋa geva.›»

Ɛzayi 59:19

Tagha gɛ, katehawe mbeli va Mahwətə se te ŋkwa kesame ta veci hwa'a te ŋkwa kepəkwə ta ŋkɛ, katehawe mbeli pɛtɛ va zləvəa ŋkɛ. Kwa nza ŋkɛ ne, katese ŋkɛ kala hələ nya kehwɛ le berete, nya tsəkwə sefəa Mahwətə.

Ɛzayi 65:8

Wa nya ghena nya geze Mahwətə nya: «Ma kesləyi yɛmə mbeli mbe ghwedzekwe ta rɛzɛŋe ne, ma ke mbeli sha geze: ‹Bezema ŋkɛ yɛ ma, kwa nza ŋkɛ ne, wəpi ya mbe.› Tsagha temene nda 'ya ke ka mene slene ta ɗa, katebeze hɛ 'ya pɛtɛ we.

Ɛzayi 7:14

Yawa, Mahwətə le ghəa ŋkɛ nde teve ŋayɛ wəsə kencɛ wəsə: Katedzawa hwə degheli kezha ya wəzege teza. Kateheka nda slə nde kaƐmanəwɛl, geze ta ŋkɛ, Shala le gheɓəmə.

Zhɛrɛmi 33:15

Ma vəa ŋkwa shɛ ne, kateya hwelefe nya ketembele ŋkwa 'ya sawa mbe David. Katemene wəsə nya tiɗiɗi ba'a nya kaganda ŋkɛ te hɛɗi.

Amos 1:3

Wa nya ghena nya geze Mahwətə nya: «Kwele kwele fete nyi ŋele ka Siri nyi mbe Damas 'ya yite. Wa nya fete nya ndiremi ma nya: nahe hɛ kerahakawa Gala'ad le lɛ nya njaŋa ŋa. Vatse ɗema 'ya katezhɛre zəzə ta ɗa:

Amos 1:6

Wa nya ghena nya geze Mahwətə nya: «Kwele kwele fete nyi ŋele ka Filisti nyi mbe Gaza 'ya yite. Wa nya fete nya ndiremi ma nya: Nahe hɛ kefəmte mbeli nyi mbe meleme pɛtɛ kezha fə nda hɛ ke ka Ɛdom. Vatse ɗema 'ya katezhɛre zəzə ta ɗa:

Zakari 10:11

Katejive hɛ te ndərəa Ɛzhipte. 'Ya Mahwətə nde teɗa gaŋkeɓe ta ndərə. Hehase tenza yɛ ŋkwəɗəa hələa Nil. Ghwəpə teteɗe kele ghəa Asiri, rayɛ teza berete ta Ɛzhipte.

Zakari 10:3

Ma ke Shala: «Nahe wənəa ɗa kehwepe va ka ya wəshi nyi kesleke mbelia ɗa, 'ya kateve ɗa te zhɛfa lɛməa shɛhɛ. Kaganda ne, 'ya katekemane mbelia ɗa nyi kaka Zhəwda, 'ya Mahwətə nde berete. 'Ya katepa gədəwə kempa ta ɗa nya nza zləvə te.

Zakari 12:6

Ma te vecia shɛ ne, katezhɛre mbeli nyi te ghə mbe Zhəwda 'ya kala ghwə nya ketse yitea sheghwə keɗema kala ghwə te wəvəzə yitea ghwɛpɛa ha. Kateɗa hwelefe nyi dzeyi yitea hɛ hɛ laka yayata bela. Ama te ŋkwa shɛnyɛ tenza mbeli nyi mbe Zhɛrəzalɛm.»

Zakari 9:10

Kateza sebe ŋkɛ te yɛ wəmata gədəwə mbe Ɛfrayim ba'a te yɛ gədəwə mbe Zhɛrəzalɛm. Kateɓeɓele yɛ rəgi kempa ŋkɛ. Kateve kwelɛŋe ŋkɛ hwa hwelefefi. Se mɛa kwete ndərə hwa'a mɛa kwete, se mɛa Efrate hwa'a te mendɛkwe ta hɛɗi tenza meghea ŋkɛ.

Zakari 9:13

Kala rəgi kempa ta ɗa teve Zhəwda 'ya, kala have tenza Ɛfrayim. Siyon, kateghwene mbelia ŋa 'ya kampa le ka Grɛk. Kala kafayɛa katsala sewajɛ tezhɛre hɛ 'ya.»

Ləwke 2:14

«Zləvə ya te Shala tehwə ghweme, kwelɛŋe ya va mbeli nyi ɗe Shala te hɛɗi.»

Zhaŋe 14:27

Nza mə kwelɛŋe kwetere wəmbəa ɗa, ŋa ɗa kwelɛŋe nya ve ŋayɛ 'ya. Kala nya ve mbeli nyi te hɛɗi ve ŋayɛ 'ya we. Nzama mehele ta ŋayɛ ketaze taze ba'a ghazlənəma yɛ ma.

Zhaŋe 16:33

Nahe 'ya kegezete ŋayɛ wəshi nyi pɛtɛ yitea kemave kwelɛŋe yɛ kwa nza mə jikə le gheyɛ. Katesa yaka yɛ teke te hɛɗi, ama hwepe mə ghə, nahe 'ya kehərəte berete ta hɛɗi lema.»

Ghena Kelɛŋə 17:14

Katempa hɛ le zhɛgwəa təmə, ama katehərə hɛ zhɛgwəa shɛ, kwa nza ŋkɛ nahe ŋkɛ kenza kaNde sleke ka sleke ŋkwa ba'a kameghea ka meghea kɛfi. Katehərə hɛ ŋkɛ le mbeli nyi hekakɛ ba'a nyi tsehave ŋkɛ, mbeli nyi dɛŋe dɛŋe te.»

Ghena Kelɛŋə 19:14

Kazele ŋkɛ ka sewajɛ nyi pelɛ ghweme pelɛ gədəwəa lɛmə nyi ghwaba ghwaba. Nahe pɛtɛa nci kenza mbe lekwesa pawa nyi slɛahe slɛahe, nyi ghwaba ghwaba ba'a nyi ganji ganji.