Mishɛ 5:4 - Ghena ta Shala

⁴ Gheŋkɛ nde teve nda kwelɛŋe ke mbeli. Ma ketese ka Asiri kaɗa hɛɗia ɓəmə ba'a kadzeki ghɛa ka meghea kɛfia ɓəmə ne, kateghwene nda mbeli nyi te ghə gheɓəmə kwele kwele ke hɛ.

Mishɛ 5:4 Iomraidhean Croise

Cimə 145:12

Katencɛ nda wəshi nyi jama jama nyi menete na ba'a zləvə nya wəba nya te meghea ŋa hɛ ke mbeli.

Cimə 22:27

Katezeme wəshi kezeme ka titikwəa kɛfi behe behe. Katetsahe Mahwətə mbeli nyi kesepa ŋkɛ. Hɛyi hɛ Shala teghweme.

Cimə 72:19

Tsa nda ɓəmə hana ke Shala nya nza zləvə te kaghala ghala. Nza hɛɗi lema viɗi va zləvəa ŋkɛ. Amɛn! Amɛn!

Cimə 72:8

Sleke ŋkwa ŋkɛ se mɛa ndərə hwa'a mɛa kwete se mɛa hələa Efrate hwa'a te mendɛkwe ta hɛɗi.

Cimə 93:1

Mahwətə ya kameghe. Bətə ŋkɛ mbe kwele kala lekwesa, dzasle ŋkɛ va berete kala hətə nya hwa hwə. Vatse veyi geva hɛɗi lema dzəŋə dzəŋə, kagaŋkəɗə ŋkɛ we.

Cimə 98:3

Nahe ŋkɛ kezəzəte ɗe ta ŋkɛ ba'a ganyɛa ŋkɛ laka ka Israyɛl. Hwa'a te mendɛkwe ta hɛɗi ne, nahe mbeli kenakɛ hərə ŋkwa ta Shala ta ɓəmə.

Shave 23:21

Hawe mə ve ba'a fa nda mə ghena. Zhɛne nda ma ghə yɛ ma, katezereghete fama ghena ta ŋayɛ ŋkɛ we, kwa nza ŋkɛ ne, te sləa ɗa mene slene ŋkɛ.

Ɛzayi 45:22

Gheyɛ nyi te yɛ mendɛkwe ta hɛɗi, zhɛrave ɗa mə geva, katenza yɛ kembele mbele. Kwa nza ŋkɛ ne, 'ya ya kaShala, kwete shɛ we.

Ɛzayi 49:5

Tsetsenya ne, kageze ghena Mahwətə, gheŋkɛ nya kepate ɗa kwa hwəa meyɛ ɗa kezha nza 'ya kande mene slene ta ŋkɛ, yitea zhɛne hwelefe ta Zhakob kase shɛ, yitea nza ka Israyɛl rəkwə yitea hwəa ŋkɛ. Nahe zləvə kenza te 'ya kwa kema ta Mahwətə, kwa nza ŋkɛ Shala ta ɗa ya kaberete ta ɗa.

Ɛzayi 52:10

Kwa ntsə pɛtɛa hwelefefi ne, nahe Mahwətə kencɛte berete ta ŋkɛ nya keveyi geva tekeleke, Hwa'a te mendɛkwe ta hɛɗi lema ne, katenewe mbeli tsema tsema mbele ɓəmə Shala ta ɓəmə.

Ɛzayi 52:13

Ma ke Shala: «Katejive nde mene slene ta ɗa te kema, kateŋ'we kwele ŋkɛ, katenza zləvə te ba'a katenza ŋkɛ te ŋkwa ganyɛ.

Ɛzayi 8:7

'ya katehwɛ yɛməa Efrate nya berete ba'a nya kwele kwele kasame yitea hɛ, geze ta ŋkɛ, meghea ka Asiri ba'a pɛtɛa berete ta ŋkɛ. Kateviɗi geva hələa Efrate pa pelɛ wəmbə.

Mishɛ 7:14

Shala, ya mbelia ŋa le geta keya wəshia ŋa. Kaghəa nci hɛ te hɛɗi kwa ghwele ghwele nya dzasle kwa yɛ wəfe. Ya hɛ kala nya vəashi mbe Bashan ba'a mbe Gala'ad!

Zakari 13:7

Wa nya ghena nya geze Mahwətə nde berete nya: «Kafayɛ, maghe kənəa nde ya wəshia ɗa ba'a kənəa mcɛ ɗa nya kehwepe ghə. Peslekɛ nde ya wəshi yitea tazenji timɛti, nda teme 'ya kənəa zhɛgwəa lɛmə.»

Zakari 9:10

Kateza sebe ŋkɛ te yɛ wəmata gədəwə mbe Ɛfrayim ba'a te yɛ gədəwə mbe Zhɛrəzalɛm. Kateɓeɓele yɛ rəgi kempa ŋkɛ. Kateve kwelɛŋe ŋkɛ hwa hwelefefi. Se mɛa kwete ndərə hwa'a mɛa kwete, se mɛa Efrate hwa'a te mendɛkwe ta hɛɗi tenza meghea ŋkɛ.

Malashi 1:5

Ma gheyɛ ka Israyɛl ne, katenewe wəsəa shɛ yɛ, ma pe yɛ sha tegeze: ‹Nahe Mahwətə kenza wəbake zlake ke hɛɗia Israyɛl.›»

Matiye 16:18

Fəyitekeghə ne, ma 'ya sha gha: Piyɛre na, geze ta ŋkɛ keleɓa, te keleɓa shɛ teŋa Jikə ta mbelia ɗa 'ya. Kapesle ghɛa mbelia kwahɛɗi yite we.

Matiye 2:6

Ma gha Bɛtelɛhɛm nya te hɛɗia Zhəwda ne, kenza na ɓɛhwɛ ma hwa meleme nyi jama jama mbe Zhəwda we. Shave mbe gha teshave meghe nya keteya ka Israyɛl, mbelia ɗa.»

Matiye 25:31

Ma vəa ŋkwa nya tesawa Wəzege ta za mbe zləvəa ŋkɛ le ka ghwene ta Shala ne, katentishɛ ŋkɛ pelɛ pasla ta ŋkɛ nya nza zləvə te.

Ləwke 1:32

Wəbake tenza ŋkɛ, kateheka nda slə mbeli kaWəzege ta Shala tehwə ghweme. Kateve nda pasla ta shinyɛ David Shala Mahwətə.

Zhaŋe 10:38

Ama kwa nza ŋkɛ slenea shɛ yamene 'ya, ya kwela ɗema yɛ kayɛ ɗa ne, yɛ mə wəshi meŋele nyi mene 'ya ɓetəkə gi. Tagha gɛ, kateɗepe yɛ megela mbe 'ya Yita ba'a mbe Yita 'ya.»

Zhaŋe 20:17

Ma ke Yɛsə sha Mari: «Kwaɗe ɗa ma na ma. Kenaka 'ya kadzeme sha Yiteyɛ ɗa we. Ama kwiɗi geze nda ke ka kesaka meyɛ ɗa, 'ya kadzeme sha Yiteyɛ ɗa, nya kaYite ŋayɛ, sha Shala ta ɗa, nya kaShala ta ŋayɛ.»

Ka Ɛfɛze 1:3

Tsahe ɓəmə Shala, Yiteyɛa Yɛsə Kriste Nde sleke ɓəmə. Nahe ŋkɛ kewəpikɛ ɓəmə mbe Kriste laka ve ɓəmə wəshi nyi kese va Sefəa ŋkɛ sawa pelɛ ghweme.

1 Piyɛre 1:5

ke gheyɛ nyi ya berete ta ŋkɛ laka yɛ kezha mbele nya kenza ɗeke ɗeke kancɛ geva te keɗaŋe ta və.

Zhəwde 1:1

Se va Zhəwde, nde mene nda slene ke Yɛsə Kriste ba'a wəza meghekɛa Zhake. Ke mbeli nyi kehekakɛ geva, mbeli nyi ɗehwe Shala Yita ba'a nyi keyate geva kezha Yɛsə Kriste.

Ghena Kelɛŋə 11:15

Pa nde mberefaŋe ta nde ghwene ta Shala vɛte veke. Fa mbeli ne, kazlape geva ghena le berete pelɛ ghweme, ma ke ghena shɛ: «Nahe meghe nya te hɛɗi lema kenza kaŋa Nde sleke ɓəmə ba'a kaŋa wəndə nya ntave ŋkɛ, kameghe kaghala ghala tenza ŋkɛ.»