Mishɛ 5:3 - Ghena ta Shala

³ Ma wəndə nya te ghəa shɛ ne, katesate ŋkɛ meslete kaya wəshia ŋkɛ laka berete ta Mahwətə, laka kwelea Shala Mahwətə ta ŋkɛ. Gwezlayɛ tenza hwelefe ta ŋkɛ, kwa nza ŋkɛ ne, pa te mendɛkwe ta hɛɗi tenza berete ta ŋkɛ.

Mishɛ 5:3 Iomraidhean Croise

1 Ka Meghea Kɛfi 14:16

Katewəfə ka Israyɛl ŋkɛ va jaɗafa nyi menete Zhɛrobowam ba'a kwa tsəkwəyite ka Israyɛl ŋkɛ yitea beze ghena.»

2 Wəshi nyi Mene Ka Meghe 30:7

Yipəma ghəa ŋayɛ yɛ le ka yitehɛ ŋayɛ ba'a ka menəhɛ ŋayɛ nyi kebezemte nda ghena ke Mahwətə, Shala ta ka shihɛ nci ma. Nahe Shala kezamte sebe te hɛ, kala nya newe nya yɛ.

Cimə 67:3

Tsagha ne, kateɗepe ɗe ta ŋa pɛtɛa mbeli nyi te hɛɗi, kateɗepe mbele ŋkwa ta ŋa pɛtɛa hwelefefi.

Ɛzayi 11:11

Ma te vecia shɛ ne, katekafe dzeve Mahwətə kakwa bake zhigə kezha mbeɗe mbelia ŋkɛ nyi ketene, nyi ketetene teghweme mbe Asiri, Ɛzhipte, Patros, Kəwsh, Ɛlam, Shinɛyar, Hamat ba'a te hɛɗi nyi te ndərə.

Ɛzayi 49:6

Ma ke sha 'ya: «Kawəsə nya ɓɛhwɛ ŋkɛ kezha nza na kande mene slene ta ɗa, kezha kese hwelefefia Zhakob sate te ŋkwa ba'a kezha zhɛne ka Israyɛl nyi ketene teghweme kase. Nahe 'ya keveyi ŋa kawaŋe ta kweci hwelefefi yitea ntsehe mbele ta ɗa hwa'a te mendɛkwe ta hɛɗi.»

Zhɛrɛmi 23:5

Ma ke Mahwətə: «Katese kwete veci nya teya hwelefe ganyɛ 'ya sawa mbe David. Kameghe nya kesleke ŋkwa le hweŋkwa ta ŋkɛ tenza ŋkɛ, nya kemene slene nya tiɗiɗi ba'a nya kaganda te hɛɗi.

Zhɛrɛmi 31:1

«Katese kwete hɛ nya tenza 'ya kaShala ta hwelefefia Israyɛl pɛtɛ, pɛtɛ tenza hɛ kambelia ɗa», wa'a ke Mahwətə.

Ɛzɛkiyɛl 34:16

Ma təmə nya kezanyɛ ne, katezele 'ya. Katezhɛne nya kecaŋwe caŋwenyɛ 'ya kase. Katepeɗe seɗa ta nya keɓelenyɛ 'ya. Katesa nda ghwɛ 'ya ke nya shewə va zereghwe. Ama kateza sebe 'ya te nya keneghanyɛ keɗema nya kekelenyɛ dɛɓe dɛɓe. 'Ya nde teya wəshia ɗa laka nza tiɗiɗi.

Palepa ta Ozɛ 11:8

Tsema tenza 'ya kawəfəyite ŋa wa Ɛfrayim? Tsema tenza 'ya kapamte ŋa wa Israyɛl? Tsema tenza 'ya kamenete ŋa kala Adma, kazhɛrete ŋa kala Seboyim wa? Nahe mehele ta ɗa kenza ketaze taze, nahe zhɛ helia ɗa kenza kwele kwele.

Palepa ta Ozɛ 2:14

Katempə yɛ rɛzɛŋe ba'a yɛ dasekwa ta nta 'ya. Ma ke sha se kageze te ghəa nci: Zhɛme nya ndeke ɗa ka meghwateshia ɗa hɛ. Katezhɛre hɛ 'ya kagamba, katezeme hɛ wəshi keseɗa nyi hwa gamba.

Palepa ta Ozɛ 2:9

Katehwɛ nde kwa sebe ta ka meghwateshia nta, ama katekekave hɛ nde we. Katezele hɛ nde, ama katesləyi hɛ nde we. Tagha gɛ, ma ke sha tegeze: Katezhɛre geva 'ya kalə ghɛa za makwa ɗa, kwa nza ŋkɛ te zeɗe nza ma se 'ya vəashi ke nya tsetsenya.

Amos 5:15

Sərəakɛ mə wəsə kwa ndiremi, ɗe mə wəsə ganyɛ. Zhɛneyi mə kaganda te ŋkwa kemeha ghwə, nda kwete katezhɛ heli Shala Mahwətə nde berete yitea hwelefefia Zhozɛf nyi ketene teghweme.

Mishɛ 4:4

Yayata wəndə katewəza yɛ rɛzɛŋe keɗema yɛ dasekwa ta ŋkɛ le kwelɛŋe, wəndə shɛ kategha ŋkɛ we. Mahwətə nde berete le ghəa ŋkɛ nde gezete.

Mishɛ 4:7

Ma nyi ketseheɗe ne, katezhɛre hɛ 'ya kanyi ketetene teghweme. Ma nyi kefəhwe geva ne, katezhɛre hɛ 'ya kahwelefe nya berete. Ma pelɛ ghweme ta Siyon ne, 'ya Mahwətə nde tenza kameghea nci, se tsetsenya pa kaghala ghala.

Mishɛ 5:7

Ma ka Israyɛl nyi ketene teghweme hwa hwelefefi kwele kwele ne, kambeli nyi berete berete tenza hɛ kala nivɛrə hwa wəshi keseɗa nyi hwa gamba, kala wəzege ta nivɛrə hwa timɛti. Ma te yayata ŋkwa nya lə nde ne, kakese wəshi ŋkɛ ba'a kaslekwe hɛ ŋkɛ. Wəndə shɛ kambeleke hɛ ve we.

Mishɛ 5:8

Ka Israyɛl, ɗa mə ka ghema ta ŋayɛ, za mə sebe te hɛ pɛtɛ!

Mishɛ 6:14

Katezeme wəshi kezeme yɛ kaɗema kabehe. Katenza ma te gheyɛ. Katewəfərə wəshi kezeme yɛ, ama katewəmbəyi geva hɛ we. Ma kewəfərəakɛ wəsə yɛ ne, katebeze ŋkɛ 'ya le mpa.

Mishɛ 7:13

Ma bela ta hɛɗi lema nya ketene ne, kaɓerama tenza ŋkɛ va 'yaghwa mehele ta mbeli nyi te.

Zakari 10:6

Kateve nda berete 'ya ke ka Zhəwda, katembele ka Israyɛl 'ya. Katezhɛne hɛ 'ya kase va nya zhɛ heli 'ya yitea hɛ. Katenza hɛ kala wəsə nya ghama 'ya kaneghakɛ hɛ. Kwa nza ŋkɛ ne, 'ya ya kaMahwətə Shala ta nci, katefa səkwə ta nci 'ya.

Matiye 1:21

Kateya wəzege nde, Yɛsə teheka nda slə na kwa nza ŋkɛ gheŋkɛ nde tembele mbelia ŋkɛ va jaɗafa ta nci.»

Matiye 12:50

Kwa nza ŋkɛ, ma wəndə nya kemene wəsə nya ɗe Yiteyɛ ɗa nya pelɛ ghweme ne, gheŋkɛ ya kawəza meyɛ ɗa, wəzha ta meyɛ ɗa ba'a meyɛ ɗa.»

Matiye 25:40

Ma ke meghe sha tezhɛne nda ke hɛ: Kaganda ne, ma 'ya sha gheyɛ: yayata wəsə nya menete nda yɛ ke kwete kwetɛŋe hwa ka dewə ŋeli ma nyi kaka kesaka meyɛ ɗa ne, ke 'ya menete ɗa ŋkɛ yɛ.

Ka Rome 8:29

Ma mbeli nyi tsehave ŋkɛ mpelɛa, nahe ŋkɛ ketarete mpelɛa kezha zhɛre hɛ yipə yipə le Wəzege ta ŋkɛ, yitea nza Wəzege ta ŋkɛa shɛ katezhɛa ka kesaka ma kwele kwele.