Mishɛ 5:2 - Ghena ta Shala

² Katewəfə mbelia ŋkɛ Shala pa te və nya teya wəzege teza male. Ma mbeli nyi ketetene teghweme hwa mbeli nyi fəhwe mbeli ne, katese hɛ kajikə geva le kweci ka Israyɛl.

Mishɛ 5:2 Iomraidhean Croise

Gha ta Wəshi 35:16

Pa yɛ Zhakob le mbelia ŋkɛ slənji mbe Bɛtɛl. Mbanji hɛ cakeɗake le Ɛfrata ne, ferete Rashɛl yake wəzege. Tekwazhizhi yake wəzegea shɛ nde.

Gha ta Wəshi 35:19

Mtiwə Rashɛl, pa mbeli lamte ŋkɛ kwa hweŋkwa ta Ɛfrata, geze ta ŋkɛ, Bɛtelɛhɛm.

Gha ta Wəshi 48:7

Ma kwa zhɛneke geva 'ya se mbe Mɛzopotami, nahe Rashɛl kemtave ɗa mte kwa hweŋkwa tewə kedzembe Ɛfrata, te hɛɗia Kanan. Tagha lamte ŋkɛ 'ya mɛa hweŋkwa ta Ɛfrata, geze ta ŋkɛ, Bɛtelɛhɛm.

Gha ta Wəshi 49:10

Va sebe ta Zhəwda tenza geta ta meghe. Mbe dzeve ta hwelefe ta ŋkɛ tenza geta meghe pa te və nya tese wəndə nya nza ŋkɛ kaŋa ŋkɛ fate fate, wəndə nya tenza mbeli mbe dzeve ta ŋkɛ.

1 Wəshi nyi Mene Ka Meghe 2:54

Wa nyi hwelefe nyi kesawa mbe Salma nyi: ka Bɛtelɛhɛm, ka Netofa, ka Atrot-Bɛt-Yowab, kwete bela ta ka Manahat, nyi mbe Sora,

1 Wəshi nyi Mene Ka Meghe 4:4

Panəwɛl nya keŋslete Gedor le Ɛzɛr nya keŋslete Həwsha ne, ŋwalea Həwr nya katezhɛa wəzege ta Efrate ba'a nya keŋslete Bɛtelɛhɛm hɛ.

1 Wəshi nyi Mene Ka Meghe 5:2

Ma Zhəwda le ŋa ŋkɛ ne, gheŋkɛ nde se berete ma hwa ŋwalea yitenyɛ, hwa ŋwalea ŋkɛ ntave geva wəndə nya kenza kameghe mbe Israyɛl, ama ke Zhozɛf ndeke nda kwele mbeli.

Cimə 132:6

Nahe n'yɛ kefate kwa Ɛfrata səndəkwəa jikə geva, nahe n'yɛ kesləyi ŋkɛ mbe gamba ta Ya'ar.

Cimə 90:2

Ma tewə yɛ ghweme kepate geva ba'a hɛɗi lema kencake geva ne, gha ya kaShala se vəashi ba'a kaghala ghala.

Shave 18:21

Ma kwa sebe ta ŋkɛ ne, tsehave mbeli ganji nyi kehawe va Shala, nyi keɗe kaganda, nyi keɗema mbəɗəkwə hwa mbeli shɛ na beteyi hɛ kambeli nyi te ghəa wəvəsəa mbeli slibə, mbeli gwəmsə, mbeli mcɛfemsə ba'a mbeli meŋe.

Shave 18:25

Pa tsehave mbeli ganji hwa ka Israyɛl ba'a beteyi hɛ te ghəa wəvəsəa mbeli slibə, mbeli gwəmsə, mbeli mcɛfemsə ba'a mbeli meŋe.

Ɛzayi 11:1

Kateshave kwete wəzege teza mbe hwelefe ta Zhɛsɛ, kala nya ɗəkwə wəfe te dəŋwə. Katepese kwete dzeve te yɛ zlərəa ŋkɛ.

Ɛzayi 53:2

Kwa kema ta ŋkɛ ne, nahe nde mene slene kekele kala wəsə kwatepese, kala slərə nya keshave mbe hɛɗi nya keghwele ghwele. Kenza ŋkɛ ganyɛke keɗema wəɗə wəɗə yitea newe ŋkɛ gheɓəmə we, wəsə shɛ te kamawe gheɓəmə we.

Ɛzayi 55:4

Nahe 'ya keveyi ŋkɛ kande negha fete kezha hwelefefi, kawəndə nya te ghə nya kesleke mbeli.

Ɛzayi 7:14

Yawa, Mahwətə le ghəa ŋkɛ nde teve ŋayɛ wəsə kencɛ wəsə: Katedzawa hwə degheli kezha ya wəzege teza. Kateheka nda slə nde kaƐmanəwɛl, geze ta ŋkɛ, Shala le gheɓəmə.

Zhɛrɛmi 30:21

Ma ke Mahwətə: «Kwete wəndəa ŋayɛ nde tenza kameghea ŋayɛ, wəndə nya keya hwa gheyɛ nde tesleke ŋayɛ. Kateve nda hweŋkwa 'ya kahende ɗa geva, kwa nza ŋkɛ wa nde ɗema kaghazlənə va hende ɗa geva wa?

Palepa ta Ozɛ 6:3

Ntsə ɓəmə geva kaɗepe Mahwətə, kaganda nza se ta ŋkɛ kala kiɗi ta ŋkwa, katese ŋkɛ sha gheɓəmə kala meŋzleghele, kala va feghwe nya keɓasle hɛɗi.»

Amos 9:11

Ma te vecia shɛ ne, kateslete ghwəlia David nya keshɛma nza yitea ghweme 'ya. Katesekawe ŋzla nyi te 'ya, kateŋa kwəfia ŋkɛ 'ya, kateŋa ŋkɛ 'ya kala nya se ŋkɛ vəashi.

Mishɛ 4:10

Heha mə ba'a ŋələvə mə kala male nya keteya! Kwa nza ŋkɛ ne, kateshave yɛ mbe meleme kalə kanza hwa gamba tsetsenya, katejive yɛ hwa'a pelɛ Babilone. Waɗe tenza yɛ pelɛagha, katezləgwə ŋayɛ Mahwətə shave mbe dzeve ta ka ghema ta ŋayɛ pelɛagha.

Zakari 13:7

Wa nya ghena nya geze Mahwətə nde berete nya: «Kafayɛ, maghe kənəa nde ya wəshia ɗa ba'a kənəa mcɛ ɗa nya kehwepe ghə. Peslekɛ nde ya wəshi yitea tazenji timɛti, nda teme 'ya kənəa zhɛgwəa lɛmə.»

Zakari 9:9

Mte va zlama gɛ, meleme ta Siyon! Tsa gaghwe gɛ, Zhɛrəzalɛm! Wa nya meghea ŋa nya kase sha gha, wəndə nya tiɗiɗi, nya kande hərə ŋkwa ba'a wəndə nya keshifə ghə pelɛ kwara. Pelɛ leve ta kwara dzemenyɛ ŋkɛ.

Matiye 2:1

Kwa Bɛtelɛhɛm yake geva Yɛsə, te hɛɗia Zhəwdɛ, te və nya nza Hɛrode mbe meghe. Ma kwa yake geva Yɛsə, pa ka ntsehwele ntsehwele same kwa ŋkwa kesame ta veci kadzembe Zhɛrəzalɛm.

Matiye 2:6

Ma gha Bɛtelɛhɛm nya te hɛɗia Zhəwda ne, kenza na ɓɛhwɛ ma hwa meleme nyi jama jama mbe Zhəwda we. Shave mbe gha teshave meghe nya keteya ka Israyɛl, mbelia ɗa.»

Matiye 28:18

Pa Yɛsə hendave nda geva ke hɛ. Ma ke: «Nahe pɛtɛa berete nya pelɛ ghweme ba'a nya kwake te hɛɗi kendeke ɗa geva.

Ləwke 23:2

Ntake hɛ kave nda fete, ma ke hɛ: «Nahe ghen'yɛ kesləyi wəndə nya kabeze nda mehele ke mbelia n'yɛ. Kafɛa mbeli ŋkɛ ketsehe nda jaɓeregwale mbeli ke Sɛzar. Ɓiyitsa ne, kageze ŋkɛ nahe ŋkɛ kenza kaMɛsi, kameghe.»

Ləwke 23:38

Ma ke mbeli rafeyi ghena te ghəa ŋkɛ: «Wəndə nya ya kameghea ka Zhəwif.»

Zhaŋe 7:42

Nahe Ghena ta Shala kegezete: «Mbe hwelefe ta David teya Mɛsi, se mbe Bɛtelɛhɛm meleme ta David.»

Zhɛne Ghwelə yitea Wəshi Mahalegə 1:15

Kezha nza te ghəa ŋayɛ ne, nahe 'ya kefəte mbeli nyi kentsehwele ntsehwele ba'a nyi nza zləvə te hɛ, pa 'ya veyi hɛ te ghəa mbelia ŋayɛ slibə, te ghəa mbelia ŋayɛ gwəmsə, te ghəa mbelia ŋayɛ mcɛfemsə keɗema te ghəa mbelia ŋayɛ meŋe. Ma kweci ne, nahe 'ya keveyi hɛ kaka newe ghweme te yayata yita.

Ka Kolose 1:17

Te ŋwela ŋkɛ nda tepate geva wəshi pɛtɛ, laka gheŋkɛ veyi geva pɛtɛa wəshi te ŋkwa nci.

Ka Ɛbrə 13:8

Kala ghəa ŋkɛ Yɛsə Kriste mbeɗa, ɓeshi ba'a kaghala ghala.

Ka Ɛbrə 7:14

Nahe mbeli keɗepe fate fate mbe hwelefe ta Zhəwda yake geva Nde sleke ɓəmə, hwelefe nya ɗema Moyize kegezete ghena te vəa ŋkwa nya gezete ghena ŋkɛ te ka dzeghe Shala.

1 Zhaŋe 1:1

Ma ghena nya rafete ŋayɛ nya ghen'yɛ ne, te ghena nya nza mpi mbe ŋkɛ, te ŋwela ghena shɛ nda teghate geva wəshi pɛtɛ. Nahe ghen'yɛ kefate ŋkɛ, nahe ghen'yɛ kenakɛ ŋkɛ le ntsə ta n'yɛ, nahe ghen'yɛ kemareve ŋkɛ, nahe dzeve ta n'yɛ kekwaɗakɛ ŋkɛ.

Ghena Kelɛŋə 19:16

Ma te karalamea ŋkɛ ba'a te basa ta ŋkɛ ne, ma ke slə rafete geva: «Meghea ka meghea kɛfi ba'a Nde sleke ka sleke ŋkwa.»

Ghena Kelɛŋə 2:8

Rafete nda ghena nya ke wəndə nya te ghəa Jikə ta ka Kriste nya mbe Smirne: Wa nya ghena nya geze wəndə nya kande ghate ba'a nya kande keɗaŋe, nya kese kemte mte ba'a nya kezhɛne kanza teghweme nya:

Ghena Kelɛŋə 21:6

Zhɛne ne, ma ke mtsehete: «Nahe ŋkɛ kemenete geva tsetsenya gɛ! 'Ya ya kaAlfa, 'ya ya kaOmɛga, gha ba'a keɗaŋe. Ma wəndə nya shewə va ndere ne, kateve nda ɗaslea yɛməa mpi 'ya kezha sa gəmə.

Ka Meha ghwə 17:7

Le kwete mempɛhweta shɛ kande Lɛvi kwa Bɛtelɛhɛm, te hɛɗia hwelefe ta Zhəwda.

Palepa ta Rət 1:1

Ma te və nya nza ka meha ghwə te ghə mbe Israyɛl ne, pa ma menete geva te hɛɗi. Vatse nda slə kwete wəndə mbe meleme ta Bɛtelɛhɛm mbe hwelefe ta Bɛnjamɛn te hɛɗia ka Zhəwda, le male ta ŋkɛ ba'a ŋwale tezhilia ŋkɛ bake kadzembe hɛɗia Mowab.

Palepa ta Rət 4:11

Ma ke pɛtɛa mbeli nyi tagha le yɛ mbelia jama zhɛnete: «Ghen'yɛ kanza kaka negha fete. Pa Nde Sleke ŋkwa zhɛrete male nya kedzeki ghɛa ŋa nya kala Rashɛl ba'a kala Lɛa nyi shave hwelefe ta ka Israyɛl mbe hɛ, pa na kanza le berete mbe hwelefe ta Ɛfrata, pa sləa ŋa dzemte mbe meleme ta Bɛtelɛhɛm

1 Saməyɛl 10:19

Ama ɓeshi ne, nahe yɛ keneghamte Shala ta ŋayɛ nya kekelemte ŋayɛ shave mbe yaka ba'a ɗa nya te gheyɛ, ma pe yɛ gezete nda: ‹Ndeke n'yɛ meghe!› Ma tsetsenya gɛ, sleke mə geva mbe kema ta Mahwətə ke hwelefe ke hwelefe ba'a keyita keyita.»

1 Saməyɛl 17:12

Nahe David kenza kawəzege ta nde Ɛfrayim, nya mbe Bɛtelɛhɛm te hɛɗia Zhəwda nya heka mbeli kaZhɛsɛ. Ŋwale deghese ya ve. Kehale hale wəndəa shɛ ba'a zləvə ya te hwa mbeli te vəa Sawəl.

1 Saməyɛl 17:18

Kelete nda mɛmre ŋ'wa nyi meŋe nyi, keleghe nda hɛ ke wəndəa kwelea nci. Katenewe ka kesaka meyɛ ŋa na kenza nde kwelɛŋe hɛ ba'a katekele ɗa wəsə nya nza 'ya kaɗepete kwelɛŋea nci te na kase.

1 Saməyɛl 23:23

Newemte mə yitea ɗepete ŋkwa nyi nza ŋkɛ gare wəfərə te hɛ yɛ. Ma kesepate yɛ tiɗiɗi, nda se yɛ sha 'ya kaslə gheɓəmə. Ma kenza nde mbe meleme ŋkɛ, lapate tekele ŋkwa 'ya te hɛɗia Zhəwda kezha sepa ŋkɛ.»

1 Saməyɛl 8:12

Katekele hɛ ŋkɛ kezha nza te ghəa mbeli slibə ŋa kweci, mcɛfemsə ŋa kweci. Katewəza nda wəza ba'a katemene nda wəshi kweci seyi te wəve, kategezla nda wəshi kempa ba'a gwezla nyi te wəmata gədəwəa ŋkɛ kweci.