Biblia Todo Logo
Bìoball air-loidhne

- Sanasan -




Mishɛ 5:1 - Ghena ta Shala

1 Ma ke Shala: «Gha Bɛtelɛhɛm Ɛfrata, meleme nya ɓɛhwɛ na hwa meleme nyi mbe Zhəwda. Ama shave mbe gha tekele wəndə nya ketesleke ka Israyɛl te sləa ɗa 'ya, shave mbe hwelefe nya vəashi.»

Faic an caibideil Dèan lethbhreac




Mishɛ 5:1
35 Iomraidhean Croise  

Mtiwə Rashɛl, pa mbeli lamte ŋkɛ kwa hweŋkwa ta Ɛfrata, geze ta ŋkɛ, Bɛtelɛhɛm.


Va sebe ta Zhəwda tenza geta ta meghe. Mbe dzeve ta hwelefe ta ŋkɛ tenza geta meghe pa te və nya tese wəndə nya nza ŋkɛ kaŋa ŋkɛ fate fate, wəndə nya tenza mbeli mbe dzeve ta ŋkɛ.


Taghanyɛ pa Sidekiya, wəzege ta Kenana hendave nda geva ke Mishɛ kampave le dzeve kwa sleme, ma ke shɛ: «Nahe Sefəa Mahwətə keshave mbe 'ya kezha geze ŋa ghena na?»


Pa Mahwətə ghwenakɛ nda ka Babilone, ka Siri nyi ketaze ŋkwa, le ka Mowab, ba'a Amon, nyi ketazemte meghea ka Zhəwda, kala nya gezete ghena nya kese va Mahwətə nde mɛ ŋkwa.


Kaghwene mɛ mbeli kezha ŋwafe ɗa ghena, kampa ɗa hɛ le balema ba'a kaŋele ɗa hɛ, katsene geva hɛ yitea 'ya.


Nahe 'ya kepate geva vəashi, kakwa ghate, tewə hɛɗi lema kenaka kanza.


Kaghwene ŋkɛ 'ya yitea hwelefe nya keɗema ghena ta ɗa, yitea mbeli nyi kehwepe ɗa wənəa ɗa, kezha zləgwə wəshi hwa mpa, kezha fə mcɛlə ba'a kezha ŋkeɗe hɛ ŋkɛ kala rekɛ nya kwa hweŋkwa.


Mahwətə ya kawəndə nya te ghəa ɓəmə, gheŋkɛ nde ncɛ ɓəmə hweŋkwa, Mahwətə ya kameghea ɓəmə, gheŋkɛ nde mbele ɓəmə.


Gheyɛ mbeli, bare bare mə, nza mə keta ta va ghazlənə. Ghwene mə sleme ta ŋayɛ, gheyɛ hɛɗi nyi te mendɛkwe ta hɛɗi. Wərə yɛ kahite geva megela yitea mpa, ama neghe yaneghe ŋayɛ ghazlənə. Kaganda ne, wərə yɛ kahite geva yitea mpa, ama neghe yaneghe ŋayɛ ghazlənə.


Kwa nza ŋkɛ ne, nahe wəzege keyake ɓəmə geva, nahe wəzege teza kendeke ɓəmə geva. Nahe ŋkɛ kekemave berete kenza ka meghe. Ma ke mbeli sha heka ŋkɛ: Nde ncɛ ghena ganyɛ, Shala nde berete, Yita nya kaghala ghala, wəndə nya te ghəa kwelɛŋe.


kateghwene ŋkwa 'ya kalə kaheka mbeli nyi laka bela kwa gwela ba'a nde mene slene ta ɗa Nabəkodonozor, meghea ka Babilone. Kateheka hɛ 'ya kase kaɗa hɛɗi nya le mbeli nyi te, kaɗa kweci hwelefefi nyi dzeyi yite. Kateza sebe 'ya pɛtɛ te gheyɛ le hɛ, katezhɛremte hɛɗi nya 'ya kakwəfi nya tetsa lewela ba'a nya mcakwe mcakwe mbeli va ndiremia ŋkɛ kaghala ghala. 'Ya Mahwətə nde gezete.


Nahe nivɛrə keshave mbe gamba ta ŋkɛ, nahe nde za sebe te kweci hwelefefi kedzawa hweŋkwa, Nahe ŋkɛ kesate te ghweɓea ŋkɛ kezha za sebe te hɛɗia ŋayɛ. Kakwəfi tenza yɛ meleme ta ŋayɛ, kaɗema mbeli katenza mbe.


Zhɛrave nda sleme ŋkɛ ke nde mpa ŋkɛ ba'a nza ŋkɛ behe va yɛ ŋele.


Kakwəfi, kakwəfi lagana tezhɛre Zhɛrəzalɛm 'ya. Ghwəpə tenza meleme te hɛɗi, ama kamenete geva ŋkɛ nda tese wəndə nya ndeke nda berete 'ya kezha me te we.»


«Wəndə ŋelɛ, rafete veci nya ɓeshi nya, kwa nza ŋkɛ ɓeshi nya teha nda mpa meghea ka Babilone ke Zhɛrəzalɛm.


Wa nya wəsə nya hi na kaɗepete ba'a kafave nya: Ma se te və nya gezete geva ghena te ghəa zhɛne geva ta mbeli nyi kefəhwe geva kase ba'a ŋa ta Zhɛrəzalɛm zhɛkwa, hwa'a te nca ta wəndə nya te ghə nya ntave Shala ne, va mberefaŋe zhigə mberefaŋemsə ya shɛ. Ma mbe va ŋkwaŋemsə bakeghəmbe zhigə mberefaŋe ne, kateŋa geva meleme ba'a zli nya yite, ama dzawe dzawe tenza yɛ va shɛhɛ.


Tseɗake tekelemte meghea ŋkɛ 'ya, pɛtɛ tempə mbelia ŋkɛ nyi te ghə 'ya zlaɓe le.» 'Ya Mahwətə nde gezete.


Katefə ka Babilone 'ya kase, ka ndiremia mehele ba'a ka zhɛma heli. Katedzeghwamte hɛɗi lema hɛ kezha fə hɛɗi nyi keɗema kaŋa nci.


Nahe 'ya kefate gaka shɛ ba'a nahe mehele ta ɗa ketazenyɛ. Kabare bare bəzhia mɛa ɗa va ghazlənə, nahe geva ta ɗa kenza keta ta, kabare bare ŋkwa nya yitea ŋelia ɗa. Mbe nza divə ne, kaneghe vecia yaka 'ya kezha lə kampa le mbeli nyi keha ɓəmə mpa.


Pa hɛ ntifəyi nda ndɛghwɛɗɛ kwa kema ba'a ghɛpekɛ ŋkɛ le dzeve, pa kweci mpempəyi nda balema kwa sleme.


Pa hɛ ntifəate ndɛghwɛɗɛ te ba'a kelete ghwəvərə kezha mpa ŋkɛ kwa ghə.


Ma 'ya sha gheyɛ le ŋa ɗa: Wama wəsə kwa ndiremi nya menete ŋayɛ wəndə yɛ ma. Ma kempave ŋa wəndə kwa kwete sleme ne, zhɛrave nda kwete perə.


Ma kwa gezete ghena nya Yɛsə ne, pa kwete nde ya ghɛa Shala nya meslete dzeme vare mpave le balema, ma ke shɛ: «Tsetse zhɛne nda ghena na ke wəndə kwelea ka dzeghe Shala na?»


Pa hɛ hendave nda geva ke Yɛsə, ma ke hɛ sha njiŋwe: «Same meghea ka Zhəwif.» Kapesle hɛ le dzeve kwa sleme.


Pa Ananiyas, wəndə kwelea ka dzeghe Shala gezete kezha mpa Pol mbeli nyi dzeme vare gheŋkɛ le dzeve te mɛ.


Kasəwə yɛ kazhɛre ŋayɛ mbeli kaka mavashi, kamene ghə mbeli le gheyɛ, kaghərə wəshi mbeli yitea gheyɛ, kaɓelama ŋayɛ mbeli, kampa ŋayɛ mbeli le balema.


Kateghwene ŋayɛ kwete hwelefe Mahwətə se cakeɗake, se te mendɛkwe ta hɛɗi, kala nya me zele kənəa zhɛgwə. Kateɗepe ghena ta hwelefea shɛ yɛ we.


Se vəashi ne, ŋkwa kewəfərə ta ŋa ŋkɛ. Se vəashi ne, kancɛ berete ta ŋkɛ ŋkɛ te hɛɗi. Gheŋkɛ nde ŋkamte ka jaga ta ŋa mbe kema ta ŋa ba'a nde gezave ŋa kaza sebe te hɛ.


Le kwete mempɛhweta shɛ kande Lɛvi kwa Bɛtelɛhɛm, te hɛɗia hwelefe ta Zhəwda.


Lean sinn:

Sanasan


Sanasan