Mishɛ 4:9 - Ghena ta Shala

⁹ Ka Zhɛrəzalɛm, va wa tsa lewela nyi yɛ tsetsenya wa? Va wa heha yɛ kala male nya keteya wa? Mba meghe va gheyɛ wəka? Nahe ka ncɛ ŋayɛ ntsehwele kempənji na?

Mishɛ 4:9 Iomraidhean Croise

Ɛzayi 13:8

Nahe hɛ keghazlənənji, kazhɛ nda yɛ mekwereŋe ba'a yɛ geva ta nci ke hɛ, kaheha hɛ kala male nya keteya. Heheɓake newe ghəa nci hɛ. Teheɗe kema kwa ghə va hɛ.

Ɛzayi 21:3

Vatse zhɛ ɗa dəŋəa ɗa va yaka. Geva nde zhɛ ɗa kala male nya keheha va ya. Kewəba tazenyɛ mehele ta ɗa kefa ghena, kewəba ghazlənə ɗa 'ya kenewe ŋkwa.

Ɛzayi 26:17

Mahwətə, nahe ghen'yɛ kese kwa kema ta ŋa kala male nya keheha va ya: kasa yaka nde ba'a katsa lewela nde va zhɛ ta ŋkɛ.

Zhɛrɛmi 22:23

Ma gha nya kese gwezlayɛ pelɛ Liban, nya kepate ghɛa ŋa dzeyi mbe yɛ lekeleke kala 'yɛ ne, kateŋələvə na te vəa nya tecehate ŋa ndiremi, te və nya tesa yaka na kala male nya keheha va ya!

Zhɛrɛmi 30:10

Ma ke Mahwətə: «Gha, nde mene slene ta ɗa Zhakob, ghazlənəma na ma. Nzama mehele ta ŋa ketaze taze ma Israyɛl! Katembele ŋa 'ya se te hɛɗi nyi cakeɗa ba'a sebe ta ŋa se te hɛɗi nya nza hɛ kaka mavashi. Zhakob, katezhɛne geva na kase, waɗe ba'a gwezlayɛ tenza na, wəndə shɛ katezhɛne ghakɛ ŋa we.

Zhɛrɛmi 4:21

Hwa'a te nyama və tenehe 'ya le newe drapea mpa wa? Hwa'a te nyama və tefɛa 'ya kefa vɛ ta vekea mpa wa?

Zhɛrɛmi 4:31

Kafefa lewela 'ya kala ŋa male nya keheha va ya, nehwene ta jɛmbezlɛ nya keya kwa ghate ta wəzege ta nta. Nehwene ta meleme ta Siyon nya keŋələvə ba'a nya keɓeɓelake: «Nahe ŋa ɗa! 'Ya kamte va ɗa ta ka mpə ŋkwa!»

Zhɛrɛmi 48:41

Nahe yɛ meleme kefəhwe geva, nahe ŋkwa nyi nza zli yite kezehwe geva. Tagha gɛ, ntake ka katsala ka sewajɛa ka Mowab kaheha kala male nya shewə va ya.

Zhɛrɛmi 50:43

Ma kwa fate ghena shɛ meghea ka Babilone ne, kwetɛ kwetɛŋe mehele ta ŋkɛ tazenyɛ, pɛtɛ geva ta ŋkɛ mtenyɛ, ntake kaheha kala male nya zhɛ nda ya.

Zhɛrɛmi 8:19

Kafefa lewela ta mbelia ɗa mbeli se te hɛɗi nya cakeɗa. ‹Ashɛ mbe Siyon Mahwətə wəka? Mba meghea ŋkɛ mbe wəka?›» Ma ke Mahwətə zhɛnete: «Wa raberə bezemte ɗa wənə hɛ le hawe va yɛ shala tseŋwə nyi kese te kweci hɛɗi wa?»

Yɛ Ŋgaɗe ghə 4:20

Ma wəndə nya kese kampia n'yɛ, meghe nya ntave Mahwətə ne, nahe ŋkɛ keteɗe te keleŋa ta nci. Ma ke ghen'yɛ sha se kageze te ghəa ŋkɛ: «Kwa ghwədərəa ŋa ne, katenza n'yɛ hwa kweci hwelefefi.»

Palepa ta Ozɛ 10:3

Ma tsetsenya ne, ma ke hɛ sha geze: «Ma nda zhɛnema meghe kanza hwa gheɓəmə ne, va nya sema gheɓəmə kahawe va Mahwətə. Ama te ŋkwa nya nza nya gheɓəmə ne, wa yanza meghe kamenete ɓəmə wa?»

Palepa ta Ozɛ 13:13

Kateme yaka te kala nya te və keya wəzege. Ama nahe ŋkɛ kawəzege nya kadewə mehele: ma kwa se və kesawa ta ŋkɛ ne, pa ɗema sawa kwa hwəa meghekɛ.

Palepa ta Ozɛ 3:4

Kwa nza ŋkɛ ne, katenza ka Israyɛl kavə kwele kwele kaɗema meghe, mbeli nyi te ghə, melɛ, gɛaŋa, lekwesa nya kənəa rewebea ka dzeghe Shala ba'a wəsə keɗepe ɗe ta Shala hwa hɛ.

Mishɛ 5:3

Ma wəndə nya te ghəa shɛ ne, katesate ŋkɛ meslete kaya wəshia ŋkɛ laka berete ta Mahwətə, laka kwelea Shala Mahwətə ta ŋkɛ. Gwezlayɛ tenza hwelefe ta ŋkɛ, kwa nza ŋkɛ ne, pa te mendɛkwe ta hɛɗi tenza berete ta ŋkɛ.

Zhaŋe 16:21

Kala nya nza male kaheha nda teya nde, teheɗe kema ve kwa se vəa nta. Ama kwa nakɛ wəzege nde, pa zaghəyite yaka nya sahwe nde. Kazlama nde yitea ya ta wəzege kanza teghweme.

Ghena Kelɛŋə 12:2

Takwa takwa nde kateya wəzege, ntake nde katsa lewela va zhɛ ta wəzege.