Mishɛ 4:8 - Ghena ta Shala

⁸ Ma gha gɛ wəmbəa Zhɛrəzalɛm nya kenewe ghweme te mbeli kala nde ya wəshi pelɛ ghəa ŋkwa nya biya, katekemave berete ta ŋa nya vəashi na. Katezhɛne Zhɛrəzalɛm kanza kawədəa meleme.»

Mishɛ 4:8 Iomraidhean Croise

Gha ta Wəshi 35:21

Cape Zhakob slənyɛ ba'a mɓete cɛ lekwesa ta ŋkɛ zlake ke Migdal-Ɛdɛr.

2 Saməyɛl 5:7

Nahe David kekelehwe zli kwa berete nya yitea Siyon, meleme ta David teheka mbeli.

Nɛhɛmi 3:25

Dzeme vare, Palal, wəzege ta Əwzay nde mene slene kwelɛ yɛ megwekwe ta zli le cɛa ka ya ŋkwa nya jikə vare ghɛa meghe, takwa mɛa degha ta cɛa ka ya ŋkwa. Dzeme vare ne, Pedaya, wəzege ta Parosh,

Cimə 24:7

Ŋkwa kedzeki, mbake mə biya, gelembe nyi vəashinji, ghwene mə geva kezha dzembe meghe nya nza zləvə te!

Cimə 48:3

Ghweme nya ndeɗe ba'a nya biya ŋkɛ, kave nda zlama nde ke hɛɗi lema. Keɗaŋe ta bela kwa gwela ya kaghweme ta Siyon, kameleme ta meghe nya wəba.

Cimə 61:3

Se te mendɛkwe ta hɛɗi ne, katsa ŋa lewela 'ya te vəa nya nza 'ya keyirə yirə. Keleghe ɗa kadzeme gela nya ɗema 'ya kadzeme ɗa.

Cimə nya zeɗe ma 4:4

Nahe welɛa ŋa kenza kala ŋkwa keya ŋkwa ta David, nya keŋate geva megela. Gelə slibə yaseɗeyi mbeli mbe, nahe hɛ kenza kageləa ka katsala kɛfi.

Ɛzayi 1:26

'Ya katezhɛne kave ŋa ka meha ghwə kala nyi vəashi, ka ncɛ ntsehwele kala nya heca. Kwa sebe ta ŋkɛ ne, kateheka ŋa mbeli ‹kaMeleme ta nza tiɗiɗi› ba'a ‹kaMeleme nya ganyɛ.›»

Ɛzayi 10:32

Te vecia shɛnyɛ ne, ghereŋe ka jaga mbe Nob. Kacɛɗɛ ghweme ta Siyon ba'a wəmbəa Zhɛrəzalɛm hɛ le dzeve kezha ghweze mɛ.

Ɛzayi 5:2

Pa ŋkɛ wəzakɛ hɛɗia ŋkɛ, lamte pelɛ shave mbe ba'a mɓete rɛzɛŋe ganji mbe wəvea shɛ. Pa ŋkɛ ŋate ŋkwa keya ŋkwa te tepe ta ŋkɛ ba'a late ŋkwa keŋkeɗe ya ta rɛzɛŋe. Ya ganji yase ŋkɛ kaneghe te hɛ, ama ya nyi ndiremi ndiremi yakemave ŋkɛ.

Daniyɛl 2:44

Ma te vəa ka meghea kɛfia shɛhɛ ne, kateve kwete hɛɗia meghe nya keɗema kateza tɛape Shala nya pelɛ ghweme. Katedzembe dzeve ta kwete hwelefe berete ta hɛɗia meghea shɛ we. Katehə ba'a kateza sebe ŋkɛ te pɛtɛa hɛɗia meghea shɛhɛ. Ama katenza ŋkɛ kaghala ghala.

Daniyɛl 7:18

Ma kwa sebe ta nci, ma mbeli nyi kaŋa Shala tehwə ghweme ne, katekemave meghe nya kaghala ghala ba'a nya kekiɗima hɛ.

Abdiyas 1:21

Katehərə ŋkwa hɛ ba'a katedzeme ghweme ta Siyon hɛ kezha sleke Ɛdom. Mahwətə nde tenza kameghe gɛ!

Mishɛ 2:12

Ma 'ya, 'ya Mahwətə: «Katetsene ŋayɛ 'ya pɛtɛ, mbelia Zhakob, katerəkwə ŋayɛ 'ya, ka Israyɛl nyi mba teghweme. Katerəkwə hɛ 'ya kala timɛti kwa zlema ta nci, kala wəshi keseɗa te ŋkwa kezeme gwəzə ta nci. Katenza mbeli nyi ketseha mɛ shɛ kwele kwele.

Zakari 9:10

Kateza sebe ŋkɛ te yɛ wəmata gədəwə mbe Ɛfrayim ba'a te yɛ gədəwə mbe Zhɛrəzalɛm. Kateɓeɓele yɛ rəgi kempa ŋkɛ. Kateve kwelɛŋe ŋkɛ hwa hwelefefi. Se mɛa kwete ndərə hwa'a mɛa kwete, se mɛa Efrate hwa'a te mendɛkwe ta hɛɗi tenza meghea ŋkɛ.

Zakari 9:12

Ka mavashi nyi kevate ghə te mbele, zhɛne mə geva kadzembe meleme ta ŋayɛ nya nza zli yite. Ma 'ya sha gheyɛ ɓeshi nya: kateve ŋayɛ wəshi 'ya bake zhigə kala nyi kese va gheyɛ.

Zakari 9:9

Mte va zlama gɛ, meleme ta Siyon! Tsa gaghwe gɛ, Zhɛrəzalɛm! Wa nya meghea ŋa nya kase sha gha, wəndə nya tiɗiɗi, nya kande hərə ŋkwa ba'a wəndə nya keshifə ghə pelɛ kwara. Pelɛ leve ta kwara dzemenyɛ ŋkɛ.

Ɓela 24:19

Katehərə ka ghema ta ŋkɛ wəndə nya keshave mbe Zhakob. Kateza sebe ŋkɛ te mbeli nyi ketene mbe meleme.»

Matiye 21:33

Fate mə kwete ghena keyipə pa: Pa wəndə ke wəve mɓete yɛ rɛzɛŋe, ŋate zli ntəslə yitea wəvea shɛ, lakwe ŋkɛ sha ŋkwa kehetəsə te keleɓa ba'a ŋakwe ŋkɛ sha ŋkwa keya ŋkwa. Pa ŋkɛ dapate nda ŋkɛ te dzeve ke ka mene slene, cape ŋkɛ kadzehwa mte.

Mark 12:1

Ntake Yɛsə kageze nda ghena ke hɛ le ghena keyipə pa: «Pa kwete wəndə mɓete yɛ rɛzɛŋe, ŋate zli ntəslə yitea wəvea shɛ, lakwe ŋkɛ sha ki kezha hetəsə kwa, ŋakwe ŋkɛ sha ŋkwa keya ŋkɛ. Pa ŋkɛ dapate nda ŋkɛ te dzeve ke ka mene slene, cape ŋkɛ kadzehwa mte.

Ka Ɛfɛze 1:21

Nahe Shala keveyi Kriste kwele ma ke nza te ghə, berete, mene meghe, kwele ba'a ke kwete slə nya nza mbeli kahekate deke te nya və we, ama tsagha te və nya ketese perə.

Ghena Kelɛŋə 22:5

Katezhɛne viɗi kanza shɛ we, katezhɛne mbeli kaɗe waŋe ta paterela, ya ŋa veci we. Kwa nza ŋkɛ ne, katepele waŋe ta ŋkɛ Mahwətə Shala kənəa hɛ, katenza hɛ kaka meghea kɛfi kaghala ghala.