Mishɛ 4:6 - Ghena ta Shala

⁶ Ma ke Mahwətə: «Ma te vecia shɛ ne, katetsene mbeli nyi ketseheɗe 'ya, katerəkwə nyi kefəhwe geva ba'a nyi sahwe nda yaka 'ya ke hɛ 'ya.

Mishɛ 4:6 Iomraidhean Croise

Cimə 147:2

Mahwətə kazhɛne kaŋa Zhɛrəzalɛm, katetsene ka Israyɛl nyi fəhwe mbeli ŋkɛ.

Cimə 38:17

Kwa nza ŋkɛ ma 'ya gezete: «Ma vəa ŋkwa nya seraɗe seɗa ta ɗa ne, ɗema hɛ kezlama yitea 'ya, ɗema hɛ kele zləvə te 'ya.»

Ɛzayi 56:8

Ma ke Shala Mahwətə nya ketsene ka Israyɛl nyi fəhwe mbeli: «Nahe 'ya ketsenete kweci mbeli kadzevare hɛ, katetsene kweci mbeli 'ya kadzevare hɛ zhɛkwa.»

Zhɛrɛmi 3:18

Ma vəa ŋkwa shɛ ne, katezlaɓe geva ka Zhəwda le ka Israyɛl, katezhɛne geva hɛ zlaɓe shave mbe hɛɗi nya laka bela kwa gwela kadzete hɛɗi nya ndeke nda 'ya ke ka shihɛ nci.»

Zhɛrɛmi 31:8

Katezhɛne hɛ 'ya kase se te hɛɗi nya laka bela kwa gwela, katetsene hɛ 'ya se te mendɛkwe ta hɛɗi. Hwa hɛ ne, ka ghwələa kɛfi, ka gweleba, mi nyi le hwə ba'a nyi kaka mewete, katezhɛne geva hɛ kase kawəvəsəa mbeli kwele kwele.

Ɛzɛkiyɛl 36:24

'Ya katefə ŋayɛ se hwa kweci hwelefefi ba'a se te hɛɗi nyi nza yɛ, 'ya katetsene ŋayɛ ba'a katefə ŋayɛ kadzete hɛɗia ŋayɛ.

Mishɛ 2:12

Ma 'ya, 'ya Mahwətə: «Katetsene ŋayɛ 'ya pɛtɛ, mbelia Zhakob, katerəkwə ŋayɛ 'ya, ka Israyɛl nyi mba teghweme. Katerəkwə hɛ 'ya kala timɛti kwa zlema ta nci, kala wəshi keseɗa te ŋkwa kezeme gwəzə ta nci. Katenza mbeli nyi ketseha mɛ shɛ kwele kwele.

Sofoni 3:19

Ma te vəa shɛ ne, katempə pɛtɛa mbeli nyi kese kasa ŋa yaka 'ya. Katembele ka gwadarea kɛfi 'ya, katetsene mbeli nyi ketaze taze 'ya, kateve zləvə 'ya te gha ba'a kateɗepe sləa ŋa mbeli te pɛtɛa hɛɗi nyi se nyi se hawe te gha.

Ləwke 19:10

Kwa nza ŋkɛ nahe Wəzege ta za kese kezha sepa mbeli nyi keza za ba'a kezha mbele hɛ.»

Zhaŋe 10:16

Le kweci timɛti va 'ya nyi kenakama dzawa zlema ta ɗa kaba. Ama kateŋka hɛ 'ya kadzawa. Katefa mɛa ɗa hɛ, kwetɛŋe tenza zlema ta nci, kwetɛŋe nde ya hɛ.