Mishɛ 4:4 - Ghena ta Shala

⁴ Yayata wəndə katewəza yɛ rɛzɛŋe keɗema yɛ dasekwa ta ŋkɛ le kwelɛŋe, wəndə shɛ kategha ŋkɛ we. Mahwətə nde berete le ghəa ŋkɛ nde gezete.

Mishɛ 4:4 Iomraidhean Croise

1 Ka Meghea Kɛfi 5:5

Ma mbeli nyi mbe Zhəwda le nyi mbe Israyɛl, gwezlayɛ kaɗema ghazlənə shɛ se hɛ kanza te yayata bela ta meleme, yayata wəndə le nza gwezlayɛ mbe wəvea rɛzɛŋea ŋkɛ le dasekwa ta ŋkɛ kala nza ta hɛa Salomon teghweme.

Palepa ta JOB 11:19

Ma vəa ŋkwa nya tezhɛne mpi na ne, wəndə shɛ kateghakɛ ŋa we. Ama kwele kwele mbeli nyi ketetsahe ŋa.

Cimə 72:3

Kele nda kwelɛŋe yɛ ghweme ba'a nza tiɗiɗi yɛ wəmbə ke mbeli.

Yɛ Ghena Ŋela 3:25

Dakema na va wəshi ghazlənə nyi kese vəkə, ya va mpa nyi have ŋa ka 'yaghwa mehele ma.

Ɛzayi 1:20

Ama keɗema yɛ, kentsəte ghə yɛ ntɛaŋe ntɛaŋe ne, katempə yɛ va kafayɛ.» Nya ya kaghena nya gezete Mahwətə.

Ɛzayi 17:2

Ma meleme nyi dzeyi yite ne, katewəfəyite geva hɛ kaghala ghala. Kateve nda geva hɛ ke wəshi keseɗa. Katenza hɛ dzeyi mbe hɛ, wəndə shɛ kateghakɛ hɛ we.

Ɛzayi 22:25

Ma ke Mahwətə nde berete: «Ma te kwete hɛ ne, kateɓele sheghwə nya gəzə gəzəa shɛ. Ndagwara te ŋkwa nya ntɛaŋentɛa baŋeyi geva ŋkɛ. Kateɓele ŋkɛ ba'a kateteɗe ŋkɛ. Tagha gɛ, katempə wəshi nyi ɗaŋeɗa ɗaŋeɗa nyi te. Nya ya kaghena nya geze Mahwətə.

Ɛzayi 26:16

Mahwətə, mbe yaka ne, nahe hɛ kese kasepa ŋa. Ma vəa ŋkwa nya mate na te hɛ ne, nahe hɛ kese kasəkwə ŋa kwele kwele.

Ɛzayi 32:17

Kateshave kwelɛŋe mbe nza tiɗiɗi, katekele nza gwezlayɛ ba'a nza gweɗakwe ŋkɛ kase kaghala ghala.

Ɛzayi 36:16

Fa nda ma ŋa Ɛzɛkiyas yɛ ma, kwa nza ŋkɛ ne, wa nya ghena nya geze nya meghe nya mbe Asiri nya: Kese mə mcɛ le 'ya, ndeke ɗa mə ghəa ŋayɛ. Ma tsagha ne, katefa deme yayata wəndə te rɛzɛŋea ŋkɛ ba'a te dasekwa ta ŋkɛ. Katesa yɛmə yayata wəndə kwa ghwa ta ŋkɛ.

Ɛzayi 40:5

Tagha gɛ, katencɛ geva zləvəa Mahwətə ba'a katenewe zləvəa shɛ mbeli pɛtɛ. Nya ya kaghena nya gezete Mahwətə.»

Ɛzayi 54:14

Katenza na dɛŋe dɛŋe te nza tiɗiɗi, wəndə shɛ katezhɛne kasa ŋa yaka we, wəsə shɛ katezhɛne na kaghazlənə ve we. Wəndə shɛ katezhɛne kadake ŋa we, katezhɛne na kanza hweredzekwe we.

Ɛzayi 58:14

katezlama na te 'ya, 'ya Mahwətə, katedzeghwa 'ya le gha dzeyi pelɛ ghweme nyi te hɛɗi, kateve ŋa fa deme 'ya te hɛɗi nya kemave shia ŋa Zhakob kaŋa ŋkɛ. Nya ya kaghena nya gezete Mahwətə.

Zhɛrɛmi 23:4

Ka ya wəshi ganji yateve 'ya te ghəa nci, katezhɛne wəshi keseɗa kaghazlənə keɗema kabare bare te zlaɓa ta nci we, kwete shɛ hwa hɛ katefama heka we. 'Ya Mahwətə nde gezete.»

Zhɛrɛmi 30:10

Ma ke Mahwətə: «Gha, nde mene slene ta ɗa Zhakob, ghazlənəma na ma. Nzama mehele ta ŋa ketaze taze ma Israyɛl! Katembele ŋa 'ya se te hɛɗi nyi cakeɗa ba'a sebe ta ŋa se te hɛɗi nya nza hɛ kaka mavashi. Zhakob, katezhɛne geva na kase, waɗe ba'a gwezlayɛ tenza na, wəndə shɛ katezhɛne ghakɛ ŋa we.

Ɛzɛkiyɛl 34:25

Katemene jikə geva ta kwelɛŋe 'ya le wəshi keseɗa ta ɗa, pɛtɛ teza sebe 'ya te wəshi keseɗa nyi hwa gamba te hɛɗi. Ma tsagha ne, kala nya ɗe timɛtia ɗa tenza hɛ kwamte te ɓerama ba'a tehɛ hɛ dzeyi te yɛ kweshɛhe.

Ɛzɛkiyɛl 34:28

Katezhɛne kweci hwelefefi kafə wəshia nci we, katezhɛne wəshi nyi hwa gamba kampeɗe hɛ we. Werete tenza hɛ ba'a wəndə shɛ katezhɛne kadake hɛ we.

Ɛzɛkiyɛl 38:11

Katezəzə na kaha nda mpa ke mbeli nyi kwelɛŋe ba'a nyi gwezlayɛ te hɛɗi nya ɗema zli yitea meleme nyi te, nya ɗema yɛ gelembe mɛa hɛ keɗema nya ɗema kale te hɛ.

Ɛzɛkiyɛl 39:26

Tsagha ne, katezaghə wəsə hawe nya kekesame hɛ mbe beze ghena nyi menete ɗa hɛ hɛ. Mbe kwelɛŋe tezhɛne hɛ kanza te hɛɗia nci, wəndə shɛ katezhɛne kadake hɛ we.

Ka Lɛvi 26:6

Kateve kwelɛŋe 'ya te hɛɗi. Ma vəa ŋkwa nya teɓelahe yɛ ne, wəsə shɛ kateghakɛ ŋayɛ we. Kateza sebe 'ya te wəshi keseɗa nyi ghyana ghyana te hɛɗi. Katezhɛne mpa kadzete hɛɗia ŋayɛ we.

Mishɛ 5:3

Ma wəndə nya te ghəa shɛ ne, katesate ŋkɛ meslete kaya wəshia ŋkɛ laka berete ta Mahwətə, laka kwelea Shala Mahwətə ta ŋkɛ. Gwezlayɛ tenza hwelefe ta ŋkɛ, kwa nza ŋkɛ ne, pa te mendɛkwe ta hɛɗi tenza berete ta ŋkɛ.

Sofoni 3:13

Ma ka Israyɛl nyi ketene teghweme ne, katezhɛne hɛ kamene wəsə kwa ndiremi we, katezhɛne hɛ kasla tseŋwə we, katezhɛne hɛ kaghwete ŋkwa we. Ama katezeme wəsə kezeme hɛ ba'a katehɛ hɛ kaɗema wəndə shɛ kezha dake hɛ.»

Zakari 3:10

Ma te vecia shɛ ne, kateheheka ghəa ŋayɛ yɛ kadzeyitea yɛ rɛzɛŋe ba'a yɛ dasekwa ta ŋayɛ.» 'Ya Mahwətə nde gezete.