Mishɛ 4:3 - Ghena ta Shala

³ Katenegha fete ŋkɛ kwelɛ mbeli kwele kwele, katemeha ghwə ŋkɛ te hɛɗi nyi berete berete, ya nyi cakeɗa cakeɗa. Kategezla sakwə hɛ le yɛ kafayɛa nci ba'a yɛ hwətə le yɛ megha ta nci. Mba kwete hɛɗi katempa le kwete we, mba mbeli kateteke ntsehwelea mpa we.

Mishɛ 4:3 Iomraidhean Croise

Cimə 46:10

Kafɛfɛa yɛ mpa ŋkɛ pa te mendɛkwe ta hɛɗi, kahwehweshi yɛ rəgi ŋkɛ, kaɓeɓele yɛ megha ŋkɛ, kandəndə ghwə ŋkɛ yitea yɛ wəmata kempa.

Cimə 46:9

Se mə kanewe wəshi nyi menete Mahwətə, wəshi nyi bezemte ŋkɛ te hɛɗi lema.

Cimə 72:3

Kele nda kwelɛŋe yɛ ghweme ba'a nza tiɗiɗi yɛ wəmbə ke mbeli.

Cimə 72:7

Mtsehe geva nza tiɗiɗi kala nza ta ŋkɛ te meghe, mbake geva mcɛlə kala nya teɓele tere.

Cimə 82:8

Shala yawe, sate te ŋkwa, meha ghwə te hɛɗi lema, kwa nza ŋkɛ gha ya kande sleke pɛtɛa hwelefefi.

Cimə 96:13

kwa kema ta Mahwətə, kwa nza ŋkɛ se yase ŋkɛ, kwa nza ŋkɛ se yase ŋkɛ kameha ghwə te hɛɗi. Katemeha ghwə nya tiɗiɗi ŋkɛ te hɛɗi lema, katemeha ghwə ŋkɛ te mbeli laka kaganda.

Cimə 98:9

kwa kema ta Mahwətə, kwa nza ŋkɛ se yase ŋkɛ. Se yase ŋkɛ kezha meha ghwə te hɛɗi, katenza ŋkɛ kande meha ghwə nya tiɗiɗi kaŋa hɛɗi, kande ntama ghala kwa mbeli.

Ɛzayi 2:4

Katenza ŋkɛ kande meha ghwə kwelɛ hwelefefi, kande sla fete kwelɛ mbeli kwele kwele. Kategezla yɛ sakwə hɛ yitea yɛ kafayɛa nci ba'a kategezla yɛ hwətə hɛ yitea yɛ megha ta nci. Katezhɛne kwete hwelefe kakafe kafayɛ yitea kwete we, katezhɛne mbeli kateke ntsehwelea mpa we.

Ɛzayi 25:3

Vatse ve zləvə hwelefe nya berete te gha, hawe yɛ meleme ta mbeli nyi kemene berete va gha.

Ɛzayi 51:5

Nahe tiɗiɗia ɗa kenza takwa takwa, nca yatenca mbele ta ɗa. Kateme dzeve ta ɗa te kweci hwelefefi, kateve ghə mbeli nyi cakeɗa cakeɗa te 'ya ba'a kateve zəzə hɛ te berete ta ɗa.

Ɛzayi 60:12

Kateza sebe te hwelefe keɗema hɛɗia meghe nya keɗema mene ŋa slene. Rayɛ teza sebe te hwelefefia shɛhɛ.

Ɛzayi 65:25

Katezeme gwəzə makwagwele ba'a zhɛgwəa təmə zlaɓe, katezeme zhawa nivɛrə kala sla. Katenza hɛɗi kawəsə kezeme ta shishi. Katezhɛne wəsə kwa ndiremi keɗema mene berete kanza pelɛ ghweme ta ɗa nya keveyi geva tekeleke we. 'Ya Mahwətə nde gezete.»

Ɛzayi 9:7

Nahe Mahwətə kegezete ghena te hwelefefia Zhakob nahe ŋkɛ keteɗe kənəa Israyɛl.

Daniyɛl 2:44

Ma te vəa ka meghea kɛfia shɛhɛ ne, kateve kwete hɛɗia meghe nya keɗema kateza tɛape Shala nya pelɛ ghweme. Katedzembe dzeve ta kwete hwelefe berete ta hɛɗia meghea shɛ we. Katehə ba'a kateza sebe ŋkɛ te pɛtɛa hɛɗia meghea shɛhɛ. Ama katenza ŋkɛ kaghala ghala.

Palepa ta Ozɛ 2:18

Ma ke Mahwətə: «Ma te vecia shɛ ne, ‹Za ɗa› a ke sha teheka ɗa. Katezhɛne nde kaheka ɗa ‹kaBa'al ɗa›, geze ta ŋkɛ, nde sleke ɗa we.

Palepa ta Ozɛ 2:20

Ma te vecia shɛ ne, katemene jikə geva 'ya kezha mbelia ɗa le wəshi keseɗa nyi kwamte, 'yɛ nyi yitea ghweme ba'a wəshi nyi kentsehe geva dzate te hɛɗi. Ma yɛ rəgi, yɛ kafayɛ ba'a kweci wəshi kempa ne, katehwəshi hɛ 'ya ba'a kateza hɛ 'ya te hɛɗi. Katepele nda hweŋkwa 'ya ke mbelia ɗa kahɛ gwezlayɛ.

Zhowɛl 3:2

Ma vəa ŋkwa shɛ ne, kateve Sefəa ɗa 'ya kənəa ka mavashi ba'a ka kwaterashi.

Zakari 14:3

Kwa sebe ta ŋkɛ, katempa Mahwətə le hwelefefia shɛhɛ. Katempa ŋkɛ kala nya seneve ŋkɛ kamene te vəa mpa.

Zakari 8:20

Wa nya ghena nya geze Mahwətə nde berete nya: «Katezhɛne geva kweci hwelefefi, ba'a mbeli nyi mbe meleme kwele kwele kase kadzembe Zhɛrəzalɛm.

Zakari 9:10

Kateza sebe ŋkɛ te yɛ wəmata gədəwə mbe Ɛfrayim ba'a te yɛ gədəwə mbe Zhɛrəzalɛm. Kateɓeɓele yɛ rəgi kempa ŋkɛ. Kateve kwelɛŋe ŋkɛ hwa hwelefefi. Se mɛa kwete ndərə hwa'a mɛa kwete, se mɛa Efrate hwa'a te mendɛkwe ta hɛɗi tenza meghea ŋkɛ.

Slene 17:31

Kwa nya nza ŋkɛ nahe ŋkɛ kezəzəte kwete veci kwetɛŋe nya temeha ghwə ŋkɛ te mbeli laka nza tiɗiɗi, laka wəndə nya ntave ŋkɛ kezha gheŋkɛ. Nahe ŋkɛ kencɛte nda ke mbeli pɛtɛ laka kele nza wəndəa shɛ same kwa kwele le mpi.»

Ghena Kelɛŋə 19:11

Kwa sebe ta ŋkɛ ne, pa 'ya nakɛ ghweme keghwene ghwene, pa gədəwə kwa ghwaba ncake geva. Ma wəndə nya pelɛ ne, Nza dɛŋe dɛŋe ba'a Kaganda sləa ŋkɛ. Kameha ghwə ŋkɛ ba'a kampa ŋkɛ laka nza tiɗiɗi.

1 Saməyɛl 2:10

Ma ka jaga ta Mahwətə ne, terayɛ tenza hɛ, kateghwene berazlɛ ta va ŋkɛ kadzeghəa hɛ sawa pelɛ ghweme. Katemeha ghwə Mahwətə te mbeli nyi te hɛɗi. Katembake nda berete ŋkɛ ke meghea mbelia ŋkɛ, katembake nda kwele ŋkɛ ke Mɛsi nya ntave ŋkɛ.»