Mishɛ 4:2 - Ghena ta Shala

² Kwele kwele hwelefe nyi ketese, ma ke hɛ sha tegeze: Nde mə, dzeme ɓəmə ghweme ta Mahwətə, pelɛ ghɛa Shala ta Zhakob. Katencɛ ɓəmə wəsə nya ɗe ŋkɛ va gheɓəmə ŋkɛ, katedzeghwa mə kwa hweŋkwa nya ncɛ ɓəmə ŋkɛ. Kwa nza ŋkɛ ne, se mbe Siyon tese teke wəsə, se mbe Zhɛrəzalɛm tese ghena ta Mahwətə sha gheɓəmə.

Mishɛ 4:2 Iomraidhean Croise

Cimə 110:2

Katemtsehe bezlea meghea ŋa Mahwətə se mbe Siyon, katesleke ka jaga nyi dzeyi yitea gha na.

Cimə 119:1

Zlama ya va mbeli nyi kedzeghwa tiɗiɗi, va mbeli nyi kehawe va wəsə mahalegəa Mahwətə.

Cimə 119:171

Tsahe ŋa mɛa ɗa, kwa nza ŋkɛ wəshi nyi ɗe na yateke ɗa na.

Cimə 122:1

Cimə kedzeghwa kadzeme. Se va David. Zlama ya va 'ya, kwa nza ŋkɛ ma ke mbeli sha 'ya: «Ngara ɓəmə kadzeme ghɛa Mahwətə.»

Cimə 25:12

Ma kenza wəndə kahawe va Mahwətə ne, kancɛ nda hweŋkwa nya kele ŋkɛ ŋkɛ.

Ɛzayi 2:3

Katese mbeli kwele kwele kadzembe. Ma ke hɛ sha tegeze: «Nde mə, dzeme ɓəmə ghweme ta Mahwətə, ghɛa Shala ta Zhakob. Kateteke ɓəmə wəshi nyi ɗe ŋkɛ va gheɓəmə ŋkɛ, katedzeghwa gheɓəmə kwa hweŋkwa ta ŋkɛ.» Kwa nza ŋkɛ ne, mbe Siyon shave wəsə mahalegə ba'a mbe Zhɛrəzalɛm shave ghena ta Mahwətə.

Ɛzayi 54:13

Katenza pɛtɛa ŋwalea ŋa kaka təkwə təkwə ɗa, 'ya Mahwətə, katenza ŋwalea ŋa mbe zeɗe nza nya wəba.

Ɛzayi 56:7

Katefə hɛ 'ya kadzeme ghweme ta ɗa nya keveyi geva tekeleke, kateviɗi hɛ 'ya le zlama mbe ghɛ nya səkwə ɗa mbeli, kateyɛ yɛ melɛ kwa tere tere ba'a kweci melɛ nyi dzeghe ɗa hɛ te reghwetɛ 'ya. Kwa nza ŋkɛ kateheka ghɛa ɗa mbeli ‹Kaghɛ kesəkwə ghə kezha mbeli pɛtɛ.›»

Zhɛrɛmi 31:6

Katese hɛ nya tezlape ghena ka ya ŋkwa pelɛ wəmbə nyi mbe Ɛfrayim: Sate mə! Mbi ɓəmə kadzeme Siyon sha Shala Mahwətə ta ɓəmə.»

Zhɛrɛmi 42:3

Ncɛte n'yɛ hweŋkwa nya kele n'yɛ ba'a wəsə nya temene ghen'yɛ Shala Mahwətə ta ŋa.»

Palepa ta Ozɛ 6:3

Ntsə ɓəmə geva kaɗepe Mahwətə, kaganda nza se ta ŋkɛ kala kiɗi ta ŋkwa, katese ŋkɛ sha gheɓəmə kala meŋzleghele, kala va feghwe nya keɓasle hɛɗi.»

Zakari 14:16

Ma se mɛa vecia shɛ ne, katese mbeli nyi mba teghweme mbe hwelefe nyi kese kaɗa Zhɛrəzalɛm keva keva kadzembe meleme nya. Mbagha ne, kategwəɗəŋə hɛ kwa kema ta Mahwətə, meghe nya berete ba'a katemene gəsəkəa yɛ ghwəli hɛ.

Zakari 2:11

Slə mə ka Zhɛrəzalɛm, gheyɛ nyi mbe Babilone le nza, mbele mə ghəa ŋayɛ kahe kahe.»

Zakari 9:10

Kateza sebe ŋkɛ te yɛ wəmata gədəwə mbe Ɛfrayim ba'a te yɛ gədəwə mbe Zhɛrəzalɛm. Kateɓeɓele yɛ rəgi kempa ŋkɛ. Kateve kwelɛŋe ŋkɛ hwa hwelefefi. Se mɛa kwete ndərə hwa'a mɛa kwete, se mɛa Efrate hwa'a te mendɛkwe ta hɛɗi tenza meghea ŋkɛ.

Mark 16:20

Cape mbeli nyi ketəkwə təkwə kalə kazlape Ghena kwatenca nya ganyɛ dzeyi te yayata ŋkwa. Nahe Nde sleke ŋkwa kemenete slene le hɛ, nahe ŋkɛ kencɛte nda kaganda ta ghena nya zlape hɛ ke hɛ laka wəshi kencɛ wəshi nyi mene hɛ.

Ləwke 24:47

Nahe ŋkɛ kehite geva kazlape ghena ta Shala mbeli ke mbeli te sləa ŋkɛ ke pɛtɛa hwelefefi, kategha geva ŋkɛ mbe Zhɛrəzalɛm. Kateheka ŋkwa mbeli kampi dzeve kezha kelemte geva jaɗafa te wənə.

Zhaŋe 6:45

Ma ke ka mɛ ŋkwa rafete: Kateteke nda wəshi Shala ke hɛ pɛtɛ. Yayata wəndə nya kefate ghena ta Yiteyɛ ɗa nya ba'a nya kekelete, kase wəndəa shɛ sha 'ya.

Zhaŋe 7:17

Kateɗepe yayata wəndə nya keɗe kamene wəshi nyi ɗe Shala kenza nde se va Shala se ghena nya teke nda 'ya ke mbeli keɗema shave mbe ghəa ɗa shave hɛ.

Slene 1:8

Ama gheyɛ ne, katekemave berete yɛ kese Sefəa Shala kadzeghəa gheyɛ. Katenza yɛ kaka negha fete yitea 'ya mbe Zhɛrəzalɛm, te hɛɗia ka Zhəwdɛ le ŋa ka Samari, pa te ŋkwa nya zhigə hɛɗi.»

Slene 13:42

Ma kwa shave yɛ Pol le Barnabas mbe cɛ kesəkwə ghə, pa mbeli 'yɛwete va hɛ kazhɛne geva kase te kwete veci kezhɛne mpi kezha geze ghena te ghena shɛ.

Ka Rome 15:19

laka wəshi kencɛ wəshi ba'a wəshi meŋele, ba'a laka berete ta Sefəa Shala. Tsagha nde ne, nahe 'ya kekiɗimte zlape ta Ghena kwatenca nya ganyɛ ta Kriste laka dzete yayata ŋkwa, slə mbe Zhɛrəzalɛm hwa'a te sla ta hɛɗia Iliri.

Zhɛne Ghwelə yitea Wəshi Mahalegə 6:1

Wa nyi ghena, wəshi mahalegə ba'a wəshi keshi nyi gezete ɗa Shala Mahwətə ta ŋayɛ kezha teke ŋayɛ nyi, yitea mene slene yɛ le hɛ te hɛɗi nya tekele nya yɛ kaŋa ŋayɛ.