Mishɛ 4:13 - Ghena ta Shala

¹³ Ma ke Mahwətə: «Sate mə kaleke ha ka Zhɛrəzalɛm! Kateve ŋayɛ berete 'ya kala mca nya nza tereme lɛ kwa ghə ve ba'a nya nza cɛpea mze kwa ghwə ghwə te. Katempə mbeli kwele kwele yɛ. Ma wəshia nci nyi tefə yɛ ne, kateve ɗa geva hɛ tekeleke, 'ya Mahwətə nya kesleke hɛɗi pɛtɛ.»

Mishɛ 4:13 Iomraidhean Croise

Cimə 24:1

Ciməa David. Ŋa Mahwətə hɛɗi ba'a wəshi nyi te, hɛɗi lema ba'a mbeli nyi te.

Cimə 68:29

Nahe Shala ta ŋa ketarete kanza na bereteke. Ncɛte berete ta ŋa Shala yawe, gha nya kemenete slene ta ŋa kaŋa n'yɛ.

Cimə 72:10

Katefə nda wəshi gəmə meghe nya mbe Tarsis ba'a nyi te hɛɗi nyi dzeyi te ndərə kase, katetsehe nda jaɓeregwale meghe nya mbe Saba ba'a nya mbe Sɛba.

Ɛzayi 18:7

Ma te vəa shɛ ne, katefə nda wəshi gəmə nyi kese va mbeli nyi bebiya bebiya ba'a wiɗewa wiɗewa, mbeli nyi ghazlənə nyi mbeli va hɛ se teke hwa'a te mendɛkwe ta hɛɗi, mbeli nyi berete berete nyi keŋkeɗe ka jaga ta nci ba'a mbeli te hɛɗi nya dzawanji yɛ hələ mbe mbeli ke Mahwətə nde berete. Katefə wəshi gəməa shɛhɛ mbeli kadzeme ghweme ta Siyon nya nza Mahwətə nde berete pelɛ.

Ɛzayi 21:10

Hwelefe ta ɗa, ma gha nya kese kala ha nya keleke leke te lane ne, nya ya kawəsə nya fate 'ya va Mahwətə nde berete, Shala ta ka Israyɛl. Gheŋkɛ ya kaghena nya geze ŋa 'ya.

Ɛzayi 23:18

Ama yɛ zhɛme ta ŋkɛ ba'a yɛ meleɓe ta ŋkɛ ne, kateve nda geva hɛ tekeleke ke Mahwətə. Katetsene hɛ ba'a katewəmbə hɛ mbeli we. Ama katenza kawəshi kezeme ba'a kawəshi kebehe mbeli kenza kwa kema ta Mahwətə ba'a kawəshi kepa lekwesa nyi ganji ganji ke hɛ.

Ɛzayi 5:28

Kelɛmelɛa lɛmelɛanji have ta nci, kentsə ntsə rəgia nci pɛtɛ. Kala pelɛ ntɛaŋentɛa cɛpea gədəwəa lɛməa nci, kala masefafele zhɛre geva seɗa ta yɛ wəmata gədəwə.

Zhɛrɛmi 51:20

Ma ke Mahwətə: «Babilone, kamartəa ɗa se na, kawəsə kempa ta ɗa. Le gha mpəmte kweci hwelefefi ba'a tazemte yɛ hɛɗia ka meghe 'ya.

Zhɛrɛmi 51:33

Wa nya ghena ta Mahwətə nde berete, Shala ta ka Israyɛl nya: «Kala lane nya hite mbeli kezha leke ha Babilone. Takwa və kemene wəshi se te wəve kaŋa Babilone.»

Daniyɛl 2:44

Ma te vəa ka meghea kɛfia shɛhɛ ne, kateve kwete hɛɗia meghe nya keɗema kateza tɛape Shala nya pelɛ ghweme. Katedzembe dzeve ta kwete hwelefe berete ta hɛɗia meghea shɛ we. Katehə ba'a kateza sebe ŋkɛ te pɛtɛa hɛɗia meghea shɛhɛ. Ama katenza ŋkɛ kaghala ghala.

Palepa ta Ozɛ 10:11

Nahe Ɛfrayim kenza kambəkwəa sla nya ke'yɛ 'yɛ, nya keɗe kaŋkeɗe ha te lane. Ma kwa nakɛ gwerezle nya mbe welɛa ŋkɛ 'ya ne, pa 'ya hwepeyite wəɗə yitea Ɛfrayim nahe Zhəwda kenza kwa wəza, wəsə kempə təsə yantsehe Israyɛl.

Mishɛ 5:7

Ma ka Israyɛl nyi ketene teghweme hwa hwelefefi kwele kwele ne, kambeli nyi berete berete tenza hɛ kala nivɛrə hwa wəshi keseɗa nyi hwa gamba, kala wəzege ta nivɛrə hwa timɛti. Ma te yayata ŋkwa nya lə nde ne, kakese wəshi ŋkɛ ba'a kaslekwe hɛ ŋkɛ. Wəndə shɛ kambeleke hɛ ve we.

Habakək 3:12

Kadzeghwa na te hɛɗi lema va hwepe ta wənə, kaŋkeɗe hwelefefi na va beze ta wənə.

Zakari 12:3

Ma vəa ŋkwa shɛ ne, kateve Zhɛrəzalɛm 'ya kapelɛ menterese nya shɛma mbeli kapəkə. Pɛtɛ teɗa mbeli nyi kedzare kapəkə ŋkɛ zhi. Vatse tetsene geva hwelefe nyi te hɛɗi pɛtɛ yitea melemea shɛ.

Zakari 12:6

Ma te vecia shɛ ne, katezhɛre mbeli nyi te ghə mbe Zhəwda 'ya kala ghwə nya ketse yitea sheghwə keɗema kala ghwə te wəvəzə yitea ghwɛpɛa ha. Kateɗa hwelefe nyi dzeyi yitea hɛ hɛ laka yayata bela. Ama te ŋkwa shɛnyɛ tenza mbeli nyi mbe Zhɛrəzalɛm.»

Zakari 4:14

Tagha gɛ, ma ke: «Ghenci ya kambeli kenteyi geva tekeleke bake laka n'yi kezha slene ta Nde sleke hɛɗi lema.»

Zakari 6:5

Ma ke zhɛnete ɗa: «Ghenci ya kasefə nyi wəfaɗe pelɛ ghweme. Vare Nde sleke hɛɗi pɛtɛ se hɛ. Ma tsetsenya ne, ghenci kaslə.»

1 Ka Korɛnte 16:2

Kedemase kedemase ne, ve cɛdɛ yayata wəndəa ŋayɛ kala berete ta ŋkɛ te ŋa ŋkɛ ŋkwa ki ghɛ, yitea ɗema kaneghe se ta ɗa kezha tsene wəshi.

Zhɛne Ghwelə yitea Wəshi Mahalegə 33:25

Nza ŋkɛ tewəfərə va ka jaga ta ŋkɛ kwetere wəmbəa gelembe ta ŋkɛ nyi nza wəshi keŋzle ta nci kalɛ keɗema kamze kwa ghwə ghwə. Temə berete ta ŋkɛ kala nza ta hɛa ŋkɛ teghweme.»

Zhozəwɛ 6:19

Mze kwa tɛawetɛa ba'a mze kwa tere tere, wəshi nyi le mze kwa ghwə ghwə keɗema lɛ ne, kateve geva hɛ kaŋa Mahwətə ba'a katedzehwa mcɛləa Mahwətə hɛ.»