Mishɛ 4:10 - Ghena ta Shala

¹⁰ Heha mə ba'a ŋələvə mə kala male nya keteya! Kwa nza ŋkɛ ne, kateshave yɛ mbe meleme kalə kanza hwa gamba tsetsenya, katejive yɛ hwa'a pelɛ Babilone. Waɗe tenza yɛ pelɛagha, katezləgwə ŋayɛ Mahwətə shave mbe dzeve ta ka ghema ta ŋayɛ pelɛagha.

Mishɛ 4:10 Iomraidhean Croise

2 Ka Meghea Kɛfi 20:18

Pa le kweci ka hwelefefia ŋa tekese mbeli kezha tsewe hɛ yitea nza hɛ kaka mene slene ta meghe ki ghɛ meghe nya mbe Babilone.›»

2 Ka Meghea Kɛfi 25:4

pa ka Babilone ŋate ŋkwa te zli ɓɛhwɛ. Ma kwa se viɗi ne, pa ka sewajɛa ka Zhəwda hwɛnji. Ya tsema nza ka sewajɛa ka Babilone dzasle yitea Zhɛrəzalɛm ne, pa hɛ shavenji kwa mɛa degha nya kwelɛ sli bake. Takwa yitea ntsa ta meghe. Pa meghe Sɛdɛsiyas kelete hweŋkwa nya kedzawa laka zlərəa Araba.

2 Wəshi nyi Mene Ka Meghe 33:11

Vatse ghwenakɛ mbelia jama ta ka sewajɛa Asiri Mahwətə. Pa hɛ kesehwe Manasɛ ba'a n'yiame nda kweci kala dzara mbe ghweleme, hwepete ŋkɛ megela le zewe lɛ ba'a keleghe ŋkɛ kadzeme Babilone.

2 Wəshi nyi Mene Ka Meghe 36:20

Pa meghea nci fəghe mbeli nyi mba teghweme kadzeme Babilone: mba hɛ kaka mavashia ŋkɛ, kwa sebe ta ŋkɛ, kaŋa ka shihɛnyɛ, pa te və nya kelete meghe ka Pɛrse.

2 Wəshi nyi Mene Ka Meghe 36:23

«Wa nya ghena nya zlape Sirəs, meghea ka Pɛrse nya: Nahe Shala Mahwətə nya pelɛ ghweme keveyi meghe nyi te hɛɗi lema pɛtɛ mbe dzeve ta ɗa. Nahe ŋkɛ kegezete ɗa kaŋa nda ghɛ mbe Zhɛrəzalɛm, te hɛɗia Zhəwda. Mbeli nyi hwa gheyɛ nyi kambelia ŋkɛ ne, zhɛneghe geva hɛ pɛtɛ kajive Zhɛrəzalɛm. Pa Shala Mahwətə ta nci nza le hɛ!»

Cimə 106:10

Pa ŋkɛ mbelemte hɛ shave mbe dzeve ta nde ɗema ntsə ta nci, pa zləgwəke hɛ shave mbe dzeve ta nde jaga.

Ɛzayi 43:14

Wa nya ghena nya geze Mahwətə, gheŋkɛ nya kembeɗe ŋayɛ, Shala ta Israyɛl nya keveyi geva tekeleke nya: «Kezha gheyɛ ne, 'ya kaghwene wəndə kampa le Babilone, katebebelaŋe gelembe nyi mɛ 'ya. Ma sha ka Babilone tsagha gɛ ne, katezhɛre gaghwe kanehwene.

Ɛzayi 45:13

Laka nza tiɗiɗia ɗa ne, 'ya nde veyi wəndə nya ɗepe nya yɛ kwa hweŋkwa. Dekwede teve nda mene pɛtɛa wəshi nyi temene ŋkɛ 'ya. Gheŋkɛ nde tezhɛne kaŋa meleme ta ɗa ba'a nde tepele nda hweŋkwa ke mbelia ɗa nyi fəhwe mbeli kadzete kwete hɛɗi, wəsə shɛ kateŋki keɗema kateve hɛ we wa'a ke Mahwətə nde berete.»

Ɛzayi 48:20

Shave mə mbe Babilone, hwɛ mə seyi te hɛɗia ka Kaldɛ. Le tsa gaghwe ne, zlapete mə ghena mɛnɛfɛa shɛ, pesleyi mə ghena shɛ hwa'a te mendɛkwe ta hɛɗi, ma pe yɛ sha geze: «Nahe Mahwətə kembelete Zhakob, nde mene slene ta ŋkɛ.»

Zhɛrɛmi 13:4

«Kelete hətə nya pave nya na, nya hwa hwə nya va gha, kwiɗi kadzawa hələa Efrate shɛ na wəfərəakɛ kwelɛ perawe ta keleɓa kwagha.»

Zhɛrɛmi 15:21

Katembele ŋa 'ya shave mbe dzeve ta ka 'yaghwa mehele ba'a katezləgwə ŋa 'ya shave mbe dzeve ta ka mene berete 'Ya Mahwətə nde gezete.»

Zhɛrɛmi 29:20

Ma gheyɛ mbeli nyi fəmte Mahwətə shave mbe Zhɛrəzalɛm kajive Babilone ne, fa mə ghena ta Mahwətə!

Zhɛrɛmi 4:31

Kafefa lewela 'ya kala ŋa male nya keheha va ya, nehwene ta jɛmbezlɛ nya keya kwa ghate ta wəzege ta nta. Nehwene ta meleme ta Siyon nya keŋələvə ba'a nya keɓeɓelake: «Nahe ŋa ɗa! 'Ya kamte va ɗa ta ka mpə ŋkwa!»

Zhɛrɛmi 48:41

Nahe yɛ meleme kefəhwe geva, nahe ŋkwa nyi nza zli yite kezehwe geva. Tagha gɛ, ntake ka katsala ka sewajɛa ka Mowab kaheha kala male nya shewə va ya.

Zhɛrɛmi 52:27

Mɛke ŋkɛ mpəmte hɛ te ŋkwa shɛnyɛ te hɛɗia Hamat. Kala nya fəmte ka Zhəwda mbeli cakeɗake le hɛɗia nci.

Palepa ta Ozɛ 13:13

Kateme yaka te kala nya te və keya wəzege. Ama nahe ŋkɛ kawəzege nya kadewə mehele: ma kwa se və kesawa ta ŋkɛ ne, pa ɗema sawa kwa hwəa meghekɛ.

Palepa ta Ozɛ 2:14

Katempə yɛ rɛzɛŋe ba'a yɛ dasekwa ta nta 'ya. Ma ke sha se kageze te ghəa nci: Zhɛme nya ndeke ɗa ka meghwateshia ɗa hɛ. Katezhɛre hɛ 'ya kagamba, katezeme hɛ wəshi keseɗa nyi hwa gamba.

Mishɛ 5:2

Katewəfə mbelia ŋkɛ Shala pa te və nya teya wəzege teza male. Ma mbeli nyi ketetene teghweme hwa mbeli nyi fəhwe mbeli ne, katese hɛ kajikə geva le kweci ka Israyɛl.

Mishɛ 5:3

Ma wəndə nya te ghəa shɛ ne, katesate ŋkɛ meslete kaya wəshia ŋkɛ laka berete ta Mahwətə, laka kwelea Shala Mahwətə ta ŋkɛ. Gwezlayɛ tenza hwelefe ta ŋkɛ, kwa nza ŋkɛ ne, pa te mendɛkwe ta hɛɗi tenza berete ta ŋkɛ.

Ghena Kelɛŋə 12:14

Ama pa malea shɛ kemave bidzəa zele nya wəba bake kezha zlə kalə kadzete ŋkwa nya kehite nda geva te ɓerama, cakeɗake yitea shishi. Tagha ne, kaŋ'we wəsə kezeme nde kava mahekene ba'a tere ŋkwaŋe.