Mishɛ 4:1 - Ghena ta Shala

¹ Ma te kwete hɛ ne, kaganda tenza ghweme ta ghɛa Mahwətə biya ma ke kweci ghweme, biya ma tenza ŋkɛ ke yɛ wəmbə. Tagha gɛ, katese mbeli kwele kwele kanza pelɛ.

Mishɛ 4:1 Iomraidhean Croise

Gha ta Wəshi 49:1

Pa Zhakob hekake ŋwale tezhilia ŋkɛ, ma ke sha hɛ: «Tsenete mə ghəa ŋayɛ, 'ya kategeze ŋayɛ wəsə nya ketemene ŋayɛ geva te kwete veci.

Gha ta Wəshi 49:10

Va sebe ta Zhəwda tenza geta ta meghe. Mbe dzeve ta hwelefe ta ŋkɛ tenza geta meghe pa te və nya tese wəndə nya nza ŋkɛ kaŋa ŋkɛ fate fate, wəndə nya tenza mbeli mbe dzeve ta ŋkɛ.

Cimə 110:3

Katebeghe ŋa ka katsala kɛfi te veci nya tsene ka sewajɛa ŋa na. Pelɛ ghweme nyi keveyi geva tekeleke ne, katedzeme ka mempɛhwetɛtia ŋa sha gha kala mɛnɛ nya te kiɗi ta ŋkwa.

Cimə 22:27

Katezeme wəshi kezeme ka titikwəa kɛfi behe behe. Katetsahe Mahwətə mbeli nyi kesepa ŋkɛ. Hɛyi hɛ Shala teghweme.

Cimə 48:1

Cimə. Ciməa ŋwalea Korɛ.

Cimə 86:9

Katese pɛtɛa hwelefefi nyi pate na, kategwəɗəŋə hɛ kwa kema ta ŋa, kateve zləvə hɛ te sləa ŋa Shala yawe.

Ɛzayi 27:13

Ma te vecia shɛ ne, katevɛ geva vəaŋə. Tagha gɛ, kateshave mbeli nyi kezanji pelɛ Asiri ba'a mbeli nyi keŋkaghe geva kadzawa Ɛzhipte. Katese hɛ kagwəɗəŋə mbe kema ta Mahwətə pelɛ ghweme nya keveyi geva tekeleke mbe Zhɛrəzalɛm.

Ɛzayi 43:6

‹Fəakawa hɛ›, a 'ya sha tegeze nda ke bela kwa gwela, ‹Keseyima hɛ na ma› a 'ya sha bela kwa zeme. Zhɛneke mə ŋwale tezhilia ɗa se te hɛɗi nya cakeɗake ba'a ŋwalea kwɛa ɗa se te mendɛkwe ta hɛɗi.

Ɛzayi 49:6

Ma ke sha 'ya: «Kawəsə nya ɓɛhwɛ ŋkɛ kezha nza na kande mene slene ta ɗa, kezha kese hwelefefia Zhakob sate te ŋkwa ba'a kezha zhɛne ka Israyɛl nyi ketene teghweme kase. Nahe 'ya keveyi ŋa kawaŋe ta kweci hwelefefi yitea ntsehe mbele ta ɗa hwa'a te mendɛkwe ta hɛɗi.»

Ɛzayi 54:2

Wədəɗəte cɛ lekwesa ta ŋa, nteɗete yɛ zlave ta ŋkwa kenza ta ŋa, ɓelama wəshi nyi teza na yite na ma, mtsehete yɛ zewe ta cɛ lekwesa ta ŋa ba'a baŋeyi yɛ sheghwəa ŋa kwa hɛɗi gərə gərə.

Ɛzayi 56:7

Katefə hɛ 'ya kadzeme ghweme ta ɗa nya keveyi geva tekeleke, kateviɗi hɛ 'ya le zlama mbe ghɛ nya səkwə ɗa mbeli, kateyɛ yɛ melɛ kwa tere tere ba'a kweci melɛ nyi dzeghe ɗa hɛ te reghwetɛ 'ya. Kwa nza ŋkɛ kateheka ghɛa ɗa mbeli ‹Kaghɛ kesəkwə ghə kezha mbeli pɛtɛ.›»

Zhɛrɛmi 16:19

Mahwətə, gha ya kaberete ta ɗa, kande ya ɗa ba'a kaŋkwa kewəfərə ta ɗa mbe vəa yaka. Sha gha tese kweci hwelefefi te ŋkwa nyi zhigə hɛɗi. Ma tegeze hɛ: «Kekemave hweŋkwa kezele Shala ganyɛ ka shihɛ n'yɛ we, wəshi kwadanji nyi keɗema kaketekɛ ŋkwa shala shɛhɛ.

Zhɛrɛmi 26:18

«Te vəa Ɛzɛkiyas, meghea ka Zhəwda ne, kwete nde mɛ ŋkwa nya nza sləa Mishɛ, kande Morɛshɛt ya shɛ. Ma ke sha ka Zhəwda pɛtɛ: Wa nya ghena nya geze Mahwətə nde berete nya: ‹Kawəve kwa wəza wəza tenza Siyon, kakwəfi tenza Zhɛrəzalɛm ba'a kagamba tenza ghweme ta ghɛa Mahwətə.›

Zhɛrɛmi 3:17

Vəa ŋkwa shɛ teheka Zhɛrəzalɛm mbeli ‹Kapasla ta Mahwətə.› Pɛtɛa kweci hwelefefi katezhɛre geva laka gheŋkɛ tewəmbəreke sləa ɗa, katetsene mbe kezha begeme le 'ya, katesərə zəzə kwa ndiremia nci hɛ.

Zhɛrɛmi 31:12

Katese hɛ le cimə zlama pelɛ ghweme ta Siyon. Katehwɛ kase yitea wəshi ganjia Mahwətə, yitea ha, tɛ mɛnɛfɛ ba'a n'yi, yitea yɛ timɛti, kwi le sla. Katenza hɛ kala ntsa nya hwɛ yɛmə dzeyi mbe. Katezhɛne hɛ kanza kepahe pahe we.

Zhɛrɛmi 48:47

Ma ke Mahwətə: «Ma te kwete hɛ ne, katezhɛne Mowab 'ya te ŋkwa ŋkɛ.» Teke kiɗi meha ghwə te Mowab.

Ɛzɛkiyɛl 38:16

Kateha nda mpa na ke ka Israyɛl, mbelia ɗa, katenza na kənəa hɛɗia ŋkɛ kala meləkwə ləkwə nya kenza dibə dibə kənəa hɛɗi. Te kwa keɗaŋe ta və temene geva ŋkɛ. Kateghwene ŋa 'ya kase kampa le hɛɗia ɗa. Ma tsagha ne, kateɗepete kweci hwelefefi 'ya ya kaShala nya kaganda. Katencɛ nda 'ya ke hɛ laka slene nya menete ɗa na Gog.

Ɛzɛkiyɛl 40:2

Ma newe 'ya ne, laŋe Shala te 'ya kajive hɛɗia Israyɛl. Pa ŋkɛ veyi ɗa kwa ghəa ghweme nya biya nya nza kweci ghɛ dzeɓakwe kala ghɛ nyi mbe meleme laka bela kwa zeme ta ŋkɛ.

Ɛzɛkiyɛl 43:12

Wa nya wəsə mahalegə nya wəba nya kaŋa ghɛa Shala: ma yayata ŋkwa nya dzeyi yitea ghɛa shɛ pelɛ ghəa ghweme ne, kaŋkwa nya keveyi geva tekeleke tenza ŋkɛ.»

Daniyɛl 10:14

Ma tsetsenya ne, 'ya se kezha fave ŋa wəsə nya ketemene nda geva ke hwelefe ta ŋa te kwete hɛ, kwa nza ŋkɛ kwete wəsə nya ketemene geva te vəa shɛ ya shɛ.»

Daniyɛl 2:28

Ama Shala nya kencɛ wəshi nyi tewəfərə ya pelɛ ghweme. Gheŋkɛ nde ncɛ nda wəsə nya ketemene geva te kwete hɛ ke meghe Nabəkodonozor. Wa nya wəsə nya nakɛ na te shiwə vəa ŋkwa nya nza na yitea hɛ nya:

Daniyɛl 2:35

Kwetɛŋe seɗa ne, pa nde həmte lɛ, rekɛ, mze kwa ghwə ghwə, mze kwa tɛawetɛa ba'a mze kwa tere tere kakeləwə. Pa hɛ zhɛrenji kala slɛsli nya dzeyi yitea lane heghele. Pa sefə fəhwe hɛ, kaɗema mbeli kazhɛne kanakɛ hɛ. Ama pa pelɛ nya kehəmte pa ta wəndəa shɛ zhɛrenyɛ kaghweme nya wəba ba'a hərəkəhwe hɛɗi lema.

Daniyɛl 2:44

Ma te vəa ka meghea kɛfia shɛhɛ ne, kateve kwete hɛɗia meghe nya keɗema kateza tɛape Shala nya pelɛ ghweme. Katedzembe dzeve ta kwete hwelefe berete ta hɛɗia meghea shɛ we. Katehə ba'a kateza sebe ŋkɛ te pɛtɛa hɛɗia meghea shɛhɛ. Ama katenza ŋkɛ kaghala ghala.

Daniyɛl 7:14

Pa ŋkɛ kemave berete, zləvə ba'a meghe. Tagha gɛ, ntake pɛtɛa hwelefefi, pɛtɛa hɛɗi ba'a pɛtɛa ghena kamene nda slene. Kaghala ghala tenza berete ta ŋkɛ, katekiɗi ŋkɛ we. Kateza sebe te meghea ŋkɛ tɛape we.

Daniyɛl 7:18

Ma kwa sebe ta nci, ma mbeli nyi kaŋa Shala tehwə ghweme ne, katekemave meghe nya kaghala ghala ba'a nya kekiɗima hɛ.

Daniyɛl 7:22

Ama pa meha za shɛ hendeke geva ba'a ndeke nda nza tiɗiɗi ke mbelia Shala tehwə ghweme. Ma kwa se və ne, pa mbelia Shala kemave meghe.

Daniyɛl 7:27

Kateve geva nda meghe, berete ba'a kwelea pɛtɛa hɛɗi ka meghe nyi te hɛɗi ke mbelia Shala tehwə ghweme. Katenza meghea nci kameghe nya kaghala ghala, katehawe pɛtɛa hɛɗia ka meghe va hɛ ba'a katemene nda slene hɛ ke hɛ.

Palepa ta Ozɛ 3:5

Ma kwa sebe ta ŋkɛ ne, katezhɛne geva ka Israyɛl kase kazele Shala Mahwətə ta nci ba'a David, meghea nci. Ma te kwete hɛ ne, katese hɛ kadzawa kema ta Mahwətə le ghazlənə kezha kemave wəshi ganjia ŋkɛ.

Mishɛ 3:12

Vatse gɛ, kawəve kwa wəza wəza tezhɛre Siyon, kakwəfi tenza Zhɛrəzalɛm ba'a katigə tenza ghweme ta ghɛa Shala tewəmbəreke gheyɛ.

Zakari 14:10

Kaŋwela tezhɛre hɛɗi nya pɛtɛ, se mbe Gɛba nya laka bela kwa gwela ta Zhɛrəzalɛm hwa'a kwa Rimon nya laka bela kwa zeme. Biya ma tenza Zhɛrəzalɛm ke kweci ŋkwa dzeyi yite, katewədəɗə geva meleme se mɛa degha ta Bɛnjamɛn hwa'a te mɛ degha nya te Megwekwe, ŋkwa nya se mɛ degha te vəashi. Kateslə ŋkɛ yitea cɛ keya ŋkwa ta Hananɛyɛl hwa'a te ŋkwa kehetəsə wəsəa meghe.

Zakari 2:11

Slə mə ka Zhɛrəzalɛm, gheyɛ nyi mbe Babilone le nza, mbele mə ghəa ŋayɛ kahe kahe.»

Zakari 8:3

Vatse gɛ, ma 'ya, 'ya Mahwətə: Katezhɛne geva 'ya kadzembe Siyon, katenza 'ya mbe Zhɛrəzalɛm zhɛkwa. Kateheka nda slə mbeli ke Zhɛrəzalɛm ‹kaMeleme ta kaganda› ba'a ke ghweme ta Mahwətə nde berete ‹kaGhweme nya keveyi geva tekeleke.›

Malashi 1:11

Se te kwete mendɛkwe ta hɛɗi hwa'a te kwete ne, nahe pɛtɛa hwelefefi keɗepe kwelea ɗa. Ma te yayata ŋkwa ne, katere ɗa 'wərdə mbeli ba'a kafə ɗa wəshi ganji mbeli kase. Kaganda ne, nahe pɛtɛa hwelefefi keɗepe kwelea ɗa, 'ya Mahwətə nde berete nde gezete.

Slene 2:17

Ma ke Shala: Te kwa keɗaŋe ta və ne, katepele Sefəa ɗa 'ya kadzeghəa mbeli pɛtɛ, kategeze ghena kelɛŋəa Shala ŋwale tezhilia ŋayɛ ba'a ŋwalea kwɛa ŋayɛ, katenewe wəshi ka mempɛhwetɛtia ŋayɛ laka kelɛŋə, kateshiwə ka meha mehɛɗia ŋayɛ.

Ka Ɛbrə 1:2

Ama te keɗaŋe ta və nya ne, nahe ŋkɛ kegezete ɓəmə ghena laka Wəzege ta ŋkɛ. Laka Wəzegea shɛ pate pɛtɛa wəshi Shala, gheŋkɛ yaveyi Shala kande zeme ghɛ yitea pɛtɛa wəshi.

2 Piyɛre 3:3

Kaba ne, ɗepete ghena nya: ma mbe ka keɗaŋe ta hɛ ne, katese mbeli nyi ketenza kala wəshi nyi mawe geva ta nci. Kateŋ'wəshi ŋayɛ hɛ,

Ghena Kelɛŋə 11:15

Pa nde mberefaŋe ta nde ghwene ta Shala vɛte veke. Fa mbeli ne, kazlape geva ghena le berete pelɛ ghweme, ma ke ghena shɛ: «Nahe meghe nya te hɛɗi lema kenza kaŋa Nde sleke ɓəmə ba'a kaŋa wəndə nya ntave ŋkɛ, kameghe kaghala ghala tenza ŋkɛ.»

Ghena Kelɛŋə 15:4

Wa nde ɗema kahawe va gha wa Mahwətə? Wa nde ɗema katsahe ŋa wa? Kwa nza ŋkɛ ne, deke gha nde veyi geva tekeleke. Katese pɛtɛa hwelefefi kagwəɗəŋə kwa kema ta ŋa, kwa nza ŋkɛ nahe yɛ slene ta ŋa kencɛte geva darahwe.»

Ghena Kelɛŋə 20:4

Ma ɓiyitsa ne, pa 'ya nakɛ yɛ pasla. Pa mbeli nyi mentishɛ pelɛ hɛ kekemave berete kemeha ghwə. Pa 'ya nakɛ shenaŋkwe ta mbeli nyi slamte ghə mbeli te hɛ tewəmbəreke nza ta nci dɛŋe dɛŋe te kaganda nya ncɛte Yɛsə ba'a te ghena ta Shala. Kese hɛ kahawe va wəsə keseɗa, ya va pa ta ŋkɛ we. Kekelete lamba ta wəsə keseɗa hɛ mɛa kema ta nci, ya te dzeve ta nci we. Pa hɛ same kwa kwele le mpi ba'a nzanji kaka meghea kɛfi zlaɓe le Kriste kava slibə.