Mishɛ 3:7 - Ghena ta Shala

⁷ Hawe nde tenza te ka ŋa zlera ba'a ka mene ghwɛ. Pɛtɛ tedəpə kema ta nci hɛ, kwa ɗema Shala mba kazhɛne nda ghena ke hɛ.

Mishɛ 3:7 Iomraidhean Croise

Cimə 74:9

Kazhɛne n'yɛ kanakɛ wəshi kencɛ wəshia n'yɛ we, kezhɛne ka mɛ ŋkwa kanza shɛ we, wəndə shɛ hwa ghen'yɛ keɗepe temə ta vəa shɛ we.

Shave 9:11

Kashɛ ka mene ghwɛ se kadzawa kema ta Moyize va zhi nyi keshavenji kwəyi kwəyi te hɛ kala ghwə we. Kwa nza ŋkɛ ne, bətə geva ta nci mbe kala ŋa kweci ka Ɛzhipte.

Ɛzayi 44:25

'Ya katezhɛre ghena ta ka kelɛŋə kawəsə gəmə, 'ya katetazemte nda mehele ke mbeli nyi kencɛ wəsə nya ketemene geva, katezhɛne ka ntsehwele ntsehwele 'ya dzeyi te sebe ba'a katencɛ ɗepe mene wəsəa nci ka gezhia kɛfi.

Zhɛrɛmi 18:18

Ma ke hɛ gezete: «Mbi ɓəmə, zele ɓəmə ntsehwele kepesle Zhɛrɛmi, kandɛare mə va ka dzeghe Shala kezha teke ɓəmə wəsə mahalegə we, ya ka ntsehwele ntsehwele kezha geze ɓəmə ghena ganyɛ we, ya ka mɛ ŋkwa kezha geze ɓəmə ghena ta Shala we. Mbi ɓəmə kageze ghena nya ndiremi te, vema ghə mə te ghena ta ŋkɛ ma.»

Ɛzɛkiyɛl 24:17

Mba mbeli kefa ŋələvə ta ŋa, mba na kemene wəshi nyi mene mbeli kemte wəndə. Ama peɗeyite zlave yitea ghəa ŋa, seɗete tsahwa ta ŋa. Mba na kedəpə wəsə kənəa kema ta ŋa ba'a mba na kezeme wəshi nyi takɛ mbeli yitea nehwene.»

Ɛzɛkiyɛl 24:22

Ma tsagha ne, katemene yɛ kala nya menete nya 'ya. Katedəpə wəsə yɛ kənəa kema ta ŋayɛ ba'a katezeme wəshi kezeme nyi takɛ mbeli yitea nehwene yɛ we.

Ka Lɛvi 13:45

Nda wəndə nya shewə va derena kaseɗe lekwesa nyi keŋkwahe ŋkwahe, mba ŋkɛ keslaɗe ghə, pa hwepeyi wəsə sawa mbe ghweleme ta ŋkɛ. Ma ke sha tezlape: ‹Wəndə nya wale wale 'ya! Wəndə nya wale wale 'ya!›

Amos 8:11

Ma ke Shala Mahwətə: «Katese veci nya teghwene ma 'ya kadzete hɛɗi. Katezhɛ nda ma ke mbeli, ama ma te ɗafa we. Katezhɛ nda ndere ke hɛ, ama ndere ta yɛmə we. Katezhɛ nda ma ba'a ndere ta fa ghena ta ɗa ke hɛ.

Mishɛ 3:4

Vatse gɛ, ma ketetsave nda lewela hɛ ke Mahwətə ne, katezhɛne nda ŋkɛ ke hɛ we. Katewəfərə kema ta ŋkɛ ŋkɛ va hɛ te vəa shɛ, va wəshi nyi ndiremi ndiremi nyi menete hɛ.

Mishɛ 7:16

Katenakɛ kweci hwelefefi ba'a katenza hɛ shewə va hawe, ya kwela nza hɛ kaka berete. Kateɗepe ghena kegeze hɛ ba'a kateɗe hɛ kafa ghena we.

Zakari 13:4

Ma te vecia shɛ ne, katezhɛ nda hawe ke ka mɛ ŋkwa kegeze ghena ba'a keɓela wəshi nyi nakɛ hɛ. Kateɗe hɛ kazhɛne kaghwete mbeli laka seɗe lekwesa kwa shintia ka mɛ ŋkwa we.

1 Saməyɛl 14:37

Ma ke Sawəl 'yɛwete va Shala: «Dzawa 'ya sha ka Filisti le mpa na? Kateve hɛ na mbe dzeve va ka Israyɛl na?» Ama vəa ŋkwa shɛ, kese Shala kazhɛne nda we.

1 Saməyɛl 28:15

Ma ke Saməyɛl sha Sawəl: «Yitea wa yirə zhɛne mpi ta ɗa na laka heka ɗa kasame wa?» Ma ke Sawəl shɛ: «Kwele kwele bezenyɛ mehele ta ɗa. Ka Filisti kaɗe mpa le 'ya, ama nahe Shala kesərəakɛ ɗa cakeɗake. Mba ŋkɛ kazhɛne ɗa ghena, ya laka nde mɛ ŋkwa keɗema laka shiwə we. Vatse hekate ŋa 'ya kezha ncɛte ɗa wəsə nya hi 'ya kamene na.»

1 Saməyɛl 28:6

Pa Sawəl 'yɛwete ghena va Mahwətə, ama kese Mahwətə kazhɛne nda ya te shiwə, ya laka kwasheghediɗi ta ka dzeghe Shala, ya laka ka mɛ ŋkwa ta Shala we.

1 Saməyɛl 9:9

Ma ke Sawəl ɓiyitsa: «Ganyɛke, dzeghwa ɓə.» Cape hɛ kadzembe meleme nya nza nde mɛ ŋkwa ta Shala. Ma kwa hweŋkwa hɛ kadzeme vare ghweme ta melemea shɛ, begeme hɛ le kweci ŋwalea kwɛ nyi keshave kezha gə yɛmə. Ma ke hɛ sha hɛ: «Teke nde kelɛŋə tse yi?» Ma sha ka Israyɛl vəashi, kenza mbeli kaɗe ka'yɛwe ghena va Shala ne, ma ke mbeli sha geze: «Nde mə, dzeghwa ɓəmə sha nde kelɛŋə!» Kwa nza nde ma wəndə nya heka mbeli kande mɛ ŋkwa tsetsenya, gheŋkɛ yase mbeli kaheka kande kelɛŋə vəashi.