Mishɛ 3:5 - Ghena ta Shala

⁵ Wa nya ghena nya geze Mahwətə te ghəa ka mɛ ŋkwa nyi keghwete mbelia ŋkɛ nya: «Ma kezehwe nda wəshi kezeme mbeli megela ke hɛ ne, kwelɛŋe ya shɛ ke hɛ sha geze. Ama ma ke mbeli nyi kezehwe nda ma wəshi kezeme ke hɛ ne, mpa yaha nda hɛ.

Mishɛ 3:5 Iomraidhean Croise

Yɛ Ghena Ŋela 28:21

Wəsə ganyɛ nta ghala kwa mbeli we. Ama nta ghala shɛ yamene kweci mbeli kezha kemave wəsə kezeme.

Ɛzayi 3:12

Ma ke Shala: «Mbelia ɗa, ŋwalea fəshi ka sa ŋayɛ yaka, mi ka sleke ŋayɛ. Mbelia ɗa, gheyɛ yaghwete mbeli nyi te ghəa ŋayɛ, kadzawa hweŋkwa nya ndiremi beghe ŋayɛ hɛ.»

Zhɛrɛmi 23:27

Ma mbe shiwəa nci nyi gegeze nyi hɛ kwelɛ ghəa nci ne, sləa ɗa yaɗe hɛ kazamte yitea ghə va mbelia ɗa, kala nya zaghəyite sləa ɗa ka shihɛ nci yitea Ba'al.

Zhɛrɛmi 23:32

«Kateɗa ka mɛ ŋkwa nyi kegeze shiwə tseŋwə nyi 'ya. Ma kwa gegeze hɛ ne, mbelia ɗa yaza hɛ le tseŋwə ba'a ghena nyi ɗema deme te. Keghwenakɛ hɛ 'ya ba'a kepelave nda hweŋkwa 'ya ke hɛ we. Wəsə shɛ kaketekɛ mbelia ɗa hɛ le we», wa'a ke Mahwətə.

Zhɛrɛmi 6:14

Kaɓela ndiremi nya te mbelia ɗa hɛ we, Kwelɛŋe ya shɛ, kwelɛŋe ya shɛ!, ke hɛ, ndagwara ndiremi ya shɛ.

Zhɛrɛmi 6:4

Ma ke hɛ sha lewela: «Hite mə geva kezha mpa le! Have nda ɓəmə mpa kwa ghə veci! Awema! Pəkwə yapəkwə veci, bebiyake yɛ shenaŋkwe ta tɛhwɛɗi.

Yɛ Ŋgaɗe ghə 2:14

Deke wəshi tseŋwə ba'a nyi ɗema zləvə te hɛ yanakɛ ka mɛ ŋkwa ta ŋa kezha gha. Kencɛte fete ta ŋa nya kenza kazhɛrete nza ta ŋa hɛ we. Nahe hɛ ketegheke yɛ tseŋwə ba'a yɛ ghena keghwete ŋkwa kezha gha.

Ɛzɛkiyɛl 13:9

Kateme 'ya kənəa ka mɛ ŋkwa nyi kenewe wəshi tseŋwə nyi ba'a nyi kegeze ghena ghwete ŋkwa nyi. Ŋkwa kenza ta nci shɛ hwa mbelia ɗa we, katenza sləa nci mbe palepa ta sləa ka Israyɛl ba'a katezhɛne geva hɛ kadzete hɛɗia nci we. Ma tsagha, kateɗepete hɛ 'ya ya kaMahwətə Shala.

Palepa ta Ozɛ 4:5

Katetsa ŋayɛ tehene heveci, tsagha ka mɛ ŋkwa, kala gheyɛ heviɗi. Kateza sebe 'ya te Israyɛl, meyɛ ŋayɛ.

Mishɛ 2:11

Kweci mbeli nyi ketseha mɛ ba'a nyi keteghe tseŋwə ya shɛ. Ma ke hɛ sha geze: «Tɛ ba'a wəshi nyi keghwəyi ŋkwa yatesa yɛ.» Nde tseha mɛ nya kala nya nde hi kaŋa mbeli nyi.

Mishɛ 3:11

Te wəshi gəmə meha ghwə ka meha ghwə, te zhɛme teke nda wəshi mahalegə ka dzeghe Shala ke mbeli, te cɛdɛ geze wəshi nyi ketemene geva ka mɛ ŋkwa. Ya tsagha shɛ ŋkɛ ne, te Mahwətə dɛŋe geva hɛ. Ma ke hɛ sha geze: «Ashɛ hwa gheɓəmə Mahwətə wəka? Katekekave ɓəmə ndiremi we.»

Malashi 2:8

Ama gheyɛ ne, nahe yɛ kesame ŋayɛ kwa hweŋkwa. Laka wəshi nyi teke nda yɛ ke mbeli ne, nahe yɛ kezamte mbeli kwele kwele, nahe yɛ kepelemte jikə geva ta ɗa le gheyɛ, gheyɛ ka Lɛvi. 'Ya Mahwətə nde berete nde gezete.

Matiye 15:14

Sərəakɛ mə hɛ ke ta ŋayɛ: ka ghwələa kɛfi nyi kencɛ nda hweŋkwa ke ka ghwələa kɛfi hɛ. Ma keɗe ghwələ kancɛ nda hweŋkwa ke kwete ghwələ ne, pɛtɛ tebete hɛ kadzawa ki.»

Matiye 7:15

Ntsehwele mə va ka tseŋwəa ka mɛ ŋkwa nyi kese, kala timɛti se hɛ sha gheyɛ, ama nda makwagwele nyi kempeɗe ŋkwa hɛ.

Ka Rome 16:18

Kwa nza ŋkɛ ma mbeli nyi kemene kala nya ne, slene ta Nde sleke ɓəmə Yɛsə Kriste yamene hɛ we, ama deke hwəa nci yamene nda slene hɛ, kaghwete ka dewə ŋeli hɛ le ghena ta nci nyi zeɗe zeɗe ba'a keghwete ŋkwa.