Mishɛ 3:3 - Ghena ta Shala

³ Kaganda ne, slia mbelia ɗa yazeme hɛ, hweta yakwaɓe hɛ seyi kənəa hɛ, 'yɛ'yɛa nci yampə hɛ, kasleslave hɛ mbe kala sli kwa shaga.

Mishɛ 3:3 Iomraidhean Croise

Cimə 14:4

Ma ke Mahwətə: «Keɗepe wəsə ka dewə zəzə nyi wəka? Mbelia ɗa yazeme hɛ kaɗafa ta nci. Kasəkwə ɗa hɛ we.»

Cimə 27:2

Ma kehendeke ɗa geva ka 'yaghwa mehele kezha pesle ɗa ne, katsa hɛ tehene ba'a kabete hɛ te hɛɗi, ghenci nyi kaka jaga ta ɗa ba'a kaka ɗema ntsə ta ɗa.

Yɛ Ghena Ŋela 30:14

Mbeli nyi nza slene ŋ'wəshi kwa mɛ va hɛ kala kafayɛ slene ghweleme kala hwa ya shɛ. Ɗeke ɗeke hɛ kaza sebe te ka dewə ŋeli te hɛɗi ba'a kampə ka titikwəa kɛfi shave hwa mbeli.»

Ɛzayi 3:14

Nahe Mahwətə kefəke mbelia jama ba'a mbeli nyi te ghəa mbelia ŋkɛ kadzete ghwə, ma ke sha hɛ: «Gheyɛ ka bezemte wəvea rɛzɛŋea ɗa, nahe yɛ keviɗikɛ ghɛa ŋayɛ le wəshi nyi fəhwe yɛ va ka titikwəa kɛfi.

Ɛzayi 3:15

Kezha wa sa nda yaka yɛ ke mbelia ɗa ba'a mene berete yɛ te ka titikwəa kɛfi wa?» Nya ya kaghena nya geze Shala Mahwətə nde berete.

Ɛzɛkiyɛl 11:3

Ma ke hɛ sha geze: ‹Kenaka və gare ŋa yɛ ghɛ n'yɛ teke we, shaga meleme nya, sli nya kwa ghen'yɛ.›

Ɛzɛkiyɛl 24:4

Beteyi sli nyi kesla sla kwa, sli nyi ganji ganji: slia seɗa ba'a ŋa pehwepe. Viɗikɛ le 'yɛ'yɛ nyi ganji ganji.

Amos 8:4

Fa mə ghena nya gɛ, gheyɛ nyi kedzeghwa te ka titikwəa kɛfi, gheyɛ nyi keza sebe te ka gwedəa kɛfi nyi te hɛɗi!

Mishɛ 2:8

Ama ma ke Mahwətə sha gheyɛ: «Ka ghema ta mbelia ɗa yɛ. Lekwesa yaseɗe yɛ kənəa mbeli nyi kesheke kwamte mpa ba'a kənəa nyi kedzeghwa mbe kwelɛŋe.

Sofoni 3:3

Nahe mbelia ŋkɛ nyi te ghə kenza kala nivɛrə nyi keghwəghwə, nahe ka meha ghwə ta ŋkɛ kenza kala makwagwele nyi kepəli hetɛhwɛɗi ba'a nyi kewəmbəma wəsə kezeme kamasheke.