Mishɛ 3:2 - Ghena ta Shala

² Ama pa yɛ ɗema wəsə nya ganyɛ yitea nya ndiremi, pa yɛ kwaɓemte hweta seyi te mbeli ba'a pasemte sli seyi te 'yɛ'yɛa nci.»

Mishɛ 3:2 Iomraidhean Croise

1 Ka Meghea Kɛfi 21:20

Cape Ɛli, ama ma ke Akab shɛ: «Yawa, nahe na keseke ɗa se wəshi nde ghema ta ɗa?» Ma ke Ɛli: «E'e, nahe 'ya keseke ŋa se va nya dzembe ŋa na kamene wəshi nyi wale wale kwa kema ta Mahwətə.

2 Wəshi nyi Mene Ka Meghe 19:2

Pɛkwe nde mɛ ŋkwa Yɛhəw, wəzege ta Hanani se kabegeme le, ma ke shɛ: «Wa raberə kemanakɛ nde mefətekwə na wa? Wərə wəndə kaɗe ka ghema ta Mahwətə na? Va wəsə nya menete nya na ne, tehwepe wənəa Mahwətə va gha.

Cimə 15:4

Kaɓela wəndə nya kemene wəsə kwa ndiremi ŋkɛ we. Ama kave zləvə ŋkɛ te mbeli nyi kehawe va Mahwətə. Ya gheŋkɛ meɗeyi wəsə nya dzawe ne, kayipə ŋkɛ kadzawa.

Cimə 53:4

Pɛtɛ hɛ kesamenji kwa hweŋkwa ganyɛ, pɛtɛ hɛ kebeze beze. Wəndə shɛ kamene ganyɛ we, wəndə shɛ ya kwetɛŋe we.

Yɛ Ghena Ŋela 28:4

Ka 'yaghwa mehele yatsahe ka ɗema wəsə mahalegə. Ama mpa yampa ka hawe va wəsə mahalegə le hɛ.

Ɛzayi 3:15

Kezha wa sa nda yaka yɛ ke mbelia ɗa ba'a mene berete yɛ te ka titikwəa kɛfi wa?» Nya ya kaghena nya geze Shala Mahwətə nde berete.

Ɛzayi 5:20

Wa nya ndiremi te mbeli nyi kegeze kawəsə ganyɛ wəsə nya ndiremi ba'a kawəsə nya ndiremi wəsə ganyɛ gɛ! Kazhɛre ŋkwesle hɛ kawaŋe ba'a waŋe kaŋkwesle. Kazhɛre wəsə nya 'yaghwa hɛ kawəsə nya zeɗe wəsə nya zeɗe kawəsə nya 'yaghwa.

Ɛzayi 57:12

'Ya katencɛ nza ta ŋa ba'a yɛ slene ta ŋa. Katefa deme na te hɛ we.

Ɛzɛkiyɛl 11:7

Vatse gɛ ne, wa nya ghena nya geze ŋayɛ 'ya, 'ya Shala Mahwətə nya: Ma mbeli nyi mpəmte nyi yɛ mbe meleme ne, ghenci ya kasli, meleme ya kashaga. Ama gheyɛ ne, kateŋkamte ŋayɛ 'ya shave mbe.

Ɛzɛkiyɛl 22:27

Kala makwagwele nyi keslekwe wəsə nya keseve hɛ mpə ŋkwa mbeli nyi te ghəa mbeli. Mpia mbeli yaza hɛ kezha ndəkwə ghəa nci.

Ɛzɛkiyɛl 24:4

Beteyi sli nyi kesla sla kwa, sli nyi ganji ganji: slia seɗa ba'a ŋa pehwepe. Viɗikɛ le 'yɛ'yɛ nyi ganji ganji.

Ɛzɛkiyɛl 34:3

Pɛtɛ yɛ mɓisəmte ŋ'wa mbe timɛti, pɛtɛ yɛ tsehemte shinti te hɛ kezha tsa lekwesa ta ŋayɛ, wəshi keseɗa nyi dɛɓedɛa dɛɓedɛa yahene yɛ. Ama keyate hɛ yɛ megela we.

Amos 4:1

Ma gheyɛ mia ka Samari nyi dɛɓedɛa dɛɓedɛa kala ŋemia sla nyi mbe Bashan ne, fa mə ghena nya: kaɓela ka dewə ŋeli yɛ we, yaka yasa nda yɛ ke ka titikwəa kɛfi. Ma pe yɛ sha geze nda ke zhilia ŋayɛ: «Keleke wəsə kesa kezha sa mə.»

Amos 5:15

Sərəakɛ mə wəsə kwa ndiremi, ɗe mə wəsə ganyɛ. Zhɛneyi mə kaganda te ŋkwa kemeha ghwə, nda kwete katezhɛ heli Shala Mahwətə nde berete yitea hwelefefia Zhozɛf nyi ketene teghweme.

Mishɛ 2:8

Ama ma ke Mahwətə sha gheyɛ: «Ka ghema ta mbelia ɗa yɛ. Lekwesa yaseɗe yɛ kənəa mbeli nyi kesheke kwamte mpa ba'a kənəa nyi kedzeghwa mbe kwelɛŋe.

Mishɛ 7:2

Nahe ka ganjia mehele kezanji te hɛɗi, mba wəndə nya tiɗiɗi shɛ te we. Pɛtɛa nci ɗeke ɗeke yitea mpə ŋkwa. Yayata wəndə kaŋa nda keleŋa ke nde ghedəkwəa ŋkɛ.

Mishɛ 7:3

Wəsə kwa ndiremi yamene dzeve ta nci. Kezha mene wəsə kwa ganyɛ ne, nda mbeli kaɗave nda wəshi ke mbelia jama, wəshi gəmə ya'yɛwe ka meha ghwə, dazhɛ dazhɛ geze wəshi nyi ɗe hɛ mbeli nyi nza zləvə te. Pa hɛ jikəte mɛ kezha mene wəsə kwa ndiremia nci.

Sofoni 3:3

Nahe mbelia ŋkɛ nyi te ghə kenza kala nivɛrə nyi keghwəghwə, nahe ka meha ghwə ta ŋkɛ kenza kala makwagwele nyi kepəli hetɛhwɛɗi ba'a nyi kewəmbəma wəsə kezeme kamasheke.

Ləwke 19:14

Ama kazlɛ mbeli nyi te meleme ta nci ve, pa hɛ ghwenakɛ nda mɛ, ma ke hɛ shɛ: Kaɗe wəndəa shɛ ghen'yɛ kameghea n'yɛ we.

Zhaŋe 18:40

Ma ke hɛ tsate lewela: «Ewə, gheŋkɛ we. Barabas yapele na.» Ndagwara nde ŋwasle ŋkwa Barabas wəka?

Zhaŋe 7:7

Mbeli nza zlɛ va gheyɛ na, ama 'ya ne, dzawe zlɛ hɛ va 'ya, va nya nza ŋkɛ ndiremike wəshi nyi mene yɛ 'ya sha hɛ.

Ka Rome 1:32

Ya ghenci ɗepe meha ghwə ta Shala megela ne, nahe mte kehi va mbeli nyi kemene kala nya. Kafɛa hɛ yitea mene wəshia shɛhɛ we, zhɛne ne, kayɛ nda ŋa mbeli nyi kemene hɛ hɛ.

Ka Rome 12:9

Nda ɗe ŋkwa kanza le kaganda. Ɗema mə wəsə kwa ndiremi, ve nda mə ghə ke wəsə ganyɛ.

2 Timotɛ 3:3

kaka ntɛaŋentɛa ghə, kaka zhɛma heli, kaka geze ghena kwa ndiremi te mbeli, kaka tsefema ghə, ka zlɛzlɛa kɛfi, kaka jaga ta wəsə ganyɛ,