Mishɛ 3:12 - Ghena ta Shala

¹² Vatse gɛ, kawəve kwa wəza wəza tezhɛre Siyon, kakwəfi tenza Zhɛrəzalɛm ba'a katigə tenza ghweme ta ghɛa Shala tewəmbəreke gheyɛ.

Mishɛ 3:12 Iomraidhean Croise

Cimə 107:34

hɛɗi ganyɛ kahɛɗi nya kemte mte va 'yaghwa mehele ta mbeli nyi te.

Cimə 79:1

Ciməa Asaf. Shala yawe, nahe hwelefefi kedzetenji te hɛɗia ŋa, nahe hɛ kezhɛrete ghɛa ŋa nya keveyi geva tekeleke wale wale, nahe hɛ kezhɛrete Zhɛrəzalɛm kakwəfi.

Ɛzayi 32:14

Kwa nza ŋkɛ nahe ghɛ meghe kewəfəyite geva, nahe meleme nya kegaka kesərəakɛ geva. Nahe ghedəkwəa Ofɛl ba'a cɛ nya biya kenewe ŋkwa kezhɛrenji kahɛɗi nyi kewəfəyite geva kaghala ghala. Katezlama kwara lɛmə gamba yitea hɛ, katezeme gwəzə wəshi keseɗa te hɛ.

Zhɛrɛmi 17:3

Ka Zhəwda, gheyɛ nyi kehawe va kweci shala dzeyi hwa yɛ ghweme ba'a hwa gamba ne, 'ya katefə nda mcɛləa ŋayɛ ba'a pɛtɛa wəshi nyi wəfərəakɛ yɛ ke mbeli, tsagha yɛ kələŋəa ŋayɛ. Va fete nyi menete yɛ dzeyi te hɛɗi ŋayɛ pɛtɛ temene 'ya.

Zhɛrɛmi 22:5

Ama keɗema yɛ kafa ghena ta ɗa ne, wa nya ghena nya geze 'ya nya: kazeme ŋayɛ fela 'ya Mahwətə le ghəa ɗa, kakwəfi tenza ghɛ nya.»

Zhɛrɛmi 22:6

Wa nya ghena nya geze Mahwətə te ghəa ghɛa meghea ka Zhəwda nya: «Ya gha nza ganyɛke kwa ntsə ta ɗa kala hɛɗia Gala'ad keɗema kala ghəa ghweme ta Liban ne, kagezleŋe ghəa 'ya va zhɛre ŋa kaɓerama, kameleme nya ɗema wəndə mbe we.

Zhɛrɛmi 26:18

«Te vəa Ɛzɛkiyas, meghea ka Zhəwda ne, kwete nde mɛ ŋkwa nya nza sləa Mishɛ, kande Morɛshɛt ya shɛ. Ma ke sha ka Zhəwda pɛtɛ: Wa nya ghena nya geze Mahwətə nde berete nya: ‹Kawəve kwa wəza wəza tenza Siyon, kakwəfi tenza Zhɛrəzalɛm ba'a kagamba tenza ghweme ta ghɛa Mahwətə.›

Zhɛrɛmi 35:17

Vatse gɛ ne, wa nya ghena nya geze Mahwətə nde berete, Shala ta ka Israyɛl nya: «'Ya kateve ndiremi nyi gezete 'ya te ka Zhəwda ba'a te mbeli nyi mbe Zhɛrəzalɛm va nya gezete nda ghena 'ya ke hɛ kaɗema hɛ kese kafa ɗa ŋa ɗa, nya se 'ya kaheka kaɗema hɛ kese kazhɛne ɗa.»

Zhɛrɛmi 44:2

«Wa nya ghena nya geze Mahwətə nde berete, Shala ta ka Israyɛl nya: ‹Nahe yɛ kenakɛ ndiremi nyi vate 'ya te Zhɛrəzalɛm ba'a te kweci meleme ta Zhəwda pɛtɛ: Kakwəfi hɛ tsetsenya, wəndə shɛ mbe hɛ we.

Zhɛrɛmi 52:13

Dəvə ŋkɛ sha ghwə yitea ghɛa Mahwətə, ŋa meghea ka Zhəwda, tsagha ghɛ nyi mbe Zhɛrəzalɛm pɛtɛ, halama ŋa mbelia jama nyi kemene slene.

Zhɛrɛmi 9:10

Ma ke Mahwətə: «'Ya katezhɛre Zhɛrəzalɛm kakwəfi, kaŋkwa kewəfərə ta yɛ kelɛ gamba ba'a yɛ meleme ta Zhəwda kaŋkwa nyi dɛrɛŋe rɛŋe kaɗema wəndə kanza mbe.»

Zhɛrɛmi 9:11

Ma kenza wəndə nya kentsehwele ntsehwele shɛ, fate ba'a zlape ghena nya gezete nda Mahwətə ŋkɛ. Wa raberə nza hɛɗi nya kebeze beze, ketere tere kala ɓerama nya ɗema mbeli kadzeghwa te wa?

Yɛ Ŋgaɗe ghə 5:18

tewəmbəreke ghweme ta Siyon nya kaɓerama ba'a nya kezhɛrenyɛ kaŋkwa kenza ta yɛ mbeyiga.

Mishɛ 1:6

Ma ke Shala: «Tewəmbəreke wəsə nya ne, 'ya katezhɛre Samari kakwəfi, kawəve nya temɓe rɛzɛŋe mbeli te. Katetsetsəkwə yɛ pelɛa ŋkɛ 'ya kadzawa zlərə, dedeghərə teve yɛ shihəa ŋkɛ 'ya te ŋwela.

Matiye 24:2

Ma ke Yɛsə sha hɛ: «Nahe yɛ kenakɛ ndeɗea ghɛ nya tse na? Kaganda ne, ma 'ya sha gheyɛ: pɛtɛ teŋzla ŋkɛ, pelɛ shɛ katenza te kwete wəndəa ŋkɛ we, pɛtɛ teŋzla ŋkɛ.»