Mishɛ 3:11 - Ghena ta Shala

¹¹ Te wəshi gəmə meha ghwə ka meha ghwə, te zhɛme teke nda wəshi mahalegə ka dzeghe Shala ke mbeli, te cɛdɛ geze wəshi nyi ketemene geva ka mɛ ŋkwa. Ya tsagha shɛ ŋkɛ ne, te Mahwətə dɛŋe geva hɛ. Ma ke hɛ sha geze: «Ashɛ hwa gheɓəmə Mahwətə wəka? Katekekave ɓəmə ndiremi we.»

Mishɛ 3:11 Iomraidhean Croise

Yɛ Ghena Ŋela 17:23

Ma ka mbəɗəkwə ne, kayɛ wəshi gəmə hɛ tewəfərə kezha zhɛremte kaganda.

Ɛzayi 1:23

Kaka fama ghena nzanji mbelia ŋa nyi te ghə, kaka mcɛhɛnyɛa ka ghərəa kɛfi. Pɛtɛ hɛ kaka ɗe wəshi gəmə, wəshi mbəɗəkwə yahwɛ hɛ yite. Kameha nda ghwə hɛ tiɗiɗi ke ka mezhɛtiti we, katsakɛ hɛ ghena nyi te ka wedidi we.

Ɛzayi 48:2

gheyɛ nyi keheka ghəa ŋayɛ “Kaka meleme nya keveyi geva tekeleke”, gheyɛ nyi kedɛŋe geva te Shala ta Israyɛl nya nza sləa ŋkɛ “kaMahwətə nde berete”.

Ɛzayi 5:23

Kazhɛre nde beze ghena hɛ kawəndə nya tiɗiɗi te wəshi gəmə, ama kameha nda ghwə hɛ tiɗiɗi ke wəndə nya ɗema fete ve we.

Ɛzayi 56:11

Nahe hɛ kenza kakelɛketi nyi keɓerawe, keɗepe geze hɛ: «Wərə n'yɛ», ke hɛ we. Ama ghenci ya kaka ya mbelia ɗa. Keɗepe nta helɛ hɛ kwa ghena we, deke mawe ta nci yazele hɛ. Deke mene ghəa ŋkɛ yazele yayata wəndəa nci.

Zhɛrɛmi 23:17

Ma ke hɛ sha mbeli nyi keɓelama ɗa: ‹Kwelɛŋe tenza yɛ, ke Mahwətə.› Ma kaŋa mbeli nyi kentsə geva mbe ntɛaŋentɛa ghəa nci ne, ‹Kakwaɗakɛ ŋayɛ ndiremi we›, ke hɛ.

Zhɛrɛmi 26:7

Ka dzeghe Shala, ka mɛ ŋkwa ba'a mbeli nyi tagha pɛtɛ kafa ghena ta Zhɛrɛmi te və nya zlape ghena shɛhɛ ŋkɛ te ŋwela ta ghɛa Mahwətə.

Zhɛrɛmi 5:12

Nahe ka Zhəwda keɗepema Mahwətə, ma ke hɛ: «Berete shɛ ve we, kakekave ɓəmə ndiremi we, kase mpa keɗema ma sha gheɓəmə we.

Zhɛrɛmi 6:13

Kwa nza ŋkɛ, se te ŋwale hwa'a te mbelia jama ne, pɛtɛ hɛ kaka ɗe ghəa nci. Se te ka mɛ ŋkwa hwa'a te ka dzeghe Shala ne, pɛtɛ hɛ kaka mbəɗəkwə.

Zhɛrɛmi 7:4

Mba yɛ keve mehele ta ŋayɛ te ghena tseŋwə nyi kegeze: Nya ya kaghɛa Mahwətə, nya ya kaghɛa Mahwətə, nya ya kaghɛa Mahwətə, ke hɛ.

Zhɛrɛmi 8:10

Ma ke Mahwətə: «Vatse tefə nda mia nci 'ya ke kweci mbeli, yɛ wəvea nci ke mbeli nyi ketefə hɛ. Kwa nza ŋkɛ, se te ŋwalea fəshi hwa'a te mbelia jama ne, ghəa nci yaɗe hɛ. Se te ka mɛ ŋkwa hwa'a te ka dzeghe Shala ne, pɛtɛ hɛ kaka mbəɗəkwə.

Ɛzɛkiyɛl 22:12

Ma mbe gha ne, kakele cɛdɛ kweci mbeli kezha pesle ŋkwa, le yɛmə kwele kwele nzəɓə nda təmə hɛ ke mbeli, berete ta ka ghedəkwəa nci yazeme hɛ kezha mene ghəa nci. Ama 'ya ne, fəyitekeghə zaghəyite ɗa mbeli, 'ya Shala Mahwətə.

Ɛzɛkiyɛl 22:27

Kala makwagwele nyi keslekwe wəsə nya keseve hɛ mpə ŋkwa mbeli nyi te ghəa mbeli. Mpia mbeli yaza hɛ kezha ndəkwə ghəa nci.

Ɛzɛkiyɛl 34:2

«Wəndə ŋelɛ, zlape nda ghena ta ɗa ke mbeli nyi te ghəa ka Israyɛl, ma pa na sha hɛ: Wa nya ghena nya geze Shala Mahwətə nya: Ndiremi ya te mbeli nyi te ghəa ka Israyɛl nyi kedambeghənji kaya ghəa nci! Ashɛ wəshi keseɗa yaya ka ya wəshi wəka?

Palepa ta Ozɛ 4:18

Ma kwa nahemte sa wəshi hɛ behe behe ne, ntəŋə hɛ yitea mene mefətekwə. Ɗehwe ma hawe hɛ ke zləvə.

Palepa ta Ozɛ 4:8

Melɛ nyi dzeghe mbelia ɗa va jaɗafa yazeme hɛ, mene fete ta mbelia ɗa yamawe hɛ.

Amos 5:14

Zelema wəsə kwa ndiremi yɛ ma, ama wəsə kwa ganyɛ yitea nza yɛ teghweme. Ma tsagha, katenza Shala Mahwətə nde berete le gheyɛ kala nya geze nya yɛ.

Amos 9:10

Pɛtɛ tempə ka mene fete nyi hwa mbelia ɗa kwamte mpa. Ndagwara ma ke hɛ sha geze: ‹Katese ndiremi we, katekwaɗe ɓəmə ŋkɛ we!›»

Mishɛ 3:5

Wa nya ghena nya geze Mahwətə te ghəa ka mɛ ŋkwa nyi keghwete mbelia ŋkɛ nya: «Ma kezehwe nda wəshi kezeme mbeli megela ke hɛ ne, kwelɛŋe ya shɛ ke hɛ sha geze. Ama ma ke mbeli nyi kezehwe nda ma wəshi kezeme ke hɛ ne, mpa yaha nda hɛ.

Mishɛ 7:3

Wəsə kwa ndiremi yamene dzeve ta nci. Kezha mene wəsə kwa ganyɛ ne, nda mbeli kaɗave nda wəshi ke mbelia jama, wəshi gəmə ya'yɛwe ka meha ghwə, dazhɛ dazhɛ geze wəshi nyi ɗe hɛ mbeli nyi nza zləvə te. Pa hɛ jikəte mɛ kezha mene wəsə kwa ndiremia nci.

Sofoni 3:3

Nahe mbelia ŋkɛ nyi te ghə kenza kala nivɛrə nyi keghwəghwə, nahe ka meha ghwə ta ŋkɛ kenza kala makwagwele nyi kepəli hetɛhwɛɗi ba'a nyi kewəmbəma wəsə kezeme kamasheke.

Sofoni 3:4

Nahe ka mɛ ŋkwa ta ŋkɛ kenza kaka fege ba'a kaka mbəɗəkwə. Nahe ka dzeghe Shala ta ŋkɛ kekelemte zləvə te wəsə nya keveyi geva tekeleke, nahe hɛ kedzawanji wəmbəa wəsə mahalegə.

Malashi 1:10

Ganyɛ ma ŋzlemte gelembe nyi mɛa ghɛa ɗa kwete wəndəa ŋayɛ. Tagha gɛ, katezhɛne yɛ kalə kameha ghwə te reghwetɛa ɗa gəmə we. Kwa nza ŋkɛ ma 'ya Mahwətə nde berete ne, ndeɗehwe ɗa newe ŋayɛ we, zeɗehwe ɗa wəshi nyi fə ɗa yɛ kase we.

Malashi 2:9

Ma 'ya le ŋa ɗa gɛ ne, 'ya katekele zləvə seyi te gheyɛ ba'a kateshifə ŋayɛ kwa kema ta pɛtɛa ka Israyɛl, va nya ɗema yɛ kese kahawe va 'ya ba'a va nya se yɛ kanta ghala kwelɛ mbeli vəa ŋkwa nya meha ghwə yɛ.»

Ɓela 16:15

Pa wənəa Moyize zhɛte nda kwele kwele. Ma ke sha Mahwətə: «Yɛma wəsə gəməa nci na ma. Kegha 'ya kakelete ya kwara va hɛ we, kegha 'ya kamenete nda fete ke kwete wəndəa nci we.»

Ɓela 22:7

Cape mbelia jama ta ka Mowab ba'a ŋa ka Madiyan kalə le wəshi gəmə sha nde ŋa zlera. Ntsehema ta nci ki ghɛa Balam ne, pa hɛ ɓelate nda ghena ta Balak.

Matiye 3:9

Dambeghəma ŋayɛ yɛ kageze: Nahe Abraham kenza kashia n'yɛ, pe yɛ ma. Kaganda ne, ma 'ya sha gheyɛ: Wərə Shala kazhɛrete pelɛ nyi kaka shihɛnyɛa Abraham.

1 Timotɛ 3:3

kaɗema ŋkɛ kande sa wəshi kesa, kande mpa, ama kande gwedəa mehele, kande ɗe kwelɛŋe ba'a kande ve nda ma ghə ke cɛdɛ.

Tite 1:11

Nahe ŋkɛ kehi kaŋzle nda mɛ na ke hɛ, kwa nza ŋkɛ mehele yabeze nda hɛ ke mbeli nyi dzeyi ki yɛ ghɛ pɛtɛ. Wəsə nya keɗema kehi yateke nda hɛ ke mbeli, kezha kemave yɛ zhɛme mbəɗəkwə.

1 Piyɛre 5:2

newe mə ghweme te wəshi keseɗa nyi dapave ŋayɛ Shala, kaɗema va nya tərənə ŋayɛ mbeli, ama le wənə ganyɛ kala nya ɗe Shala. Mene mə slene kaɗema kezha kemave mcɛlə, ama laka ve nda ghə ke slene.

Zhəwde 1:11

Ndiremi ya te hɛ, va nya zelete sebe ta Kayin hɛ. Nahe hɛ keslate tseŋwə yitea cɛdɛ kala Balam, nahe hɛ kempə va nya fatema ghena hɛ kala Korɛ.

1 Saməyɛl 8:3

Kese ŋwalea Saməyɛl kadzeghwa tiɗiɗi kala yiteyɛa nci we, sepa dala nde kelehwe ŋkwa va hɛ ba'a ɗehwe wəshi nyi ve nda mbeli ke hɛ gəmə, ghwə mbəɗəkwə yameha hɛ.