Mishɛ 3:1 - Ghena ta Shala

¹ Yawa, ma 'ya sha gheyɛ: «Fa mə ghena ta ɗa, gheyɛ mbeli nyi te ghəa ghɛa Zhakob, gheyɛ ka meha ghwə nyi te ghəa ka Israyɛl. Ashɛ gheyɛ ka hi kaɗepe wəsə nya tiɗiɗi wəka?

Mishɛ 3:1 Iomraidhean Croise

Nɛhɛmi 13:17

Pa 'ya ŋelete mbelia jama ta ka Zhəwda, ma 'ya sha hɛ: «Wa nya slene kwa ndiremi menete yɛ le zhɛre veci kezhɛne mpi wale wale wa?

Cimə 14:4

Ma ke Mahwətə: «Keɗepe wəsə ka dewə zəzə nyi wəka? Mbelia ɗa yazeme hɛ kaɗafa ta nci. Kasəkwə ɗa hɛ we.»

Ɛzayi 1:10

Fa mə ghena ta Mahwətə, gheyɛ mbeli nyi te ghə nyi kala ka Sodome! Ve mə sleme yitea ghena nya geze Shala ta ɓəmə, gheyɛ mbeli nyi kala ka Gomore!

Ɛzayi 10:2

Ma kala nya nde ne, meha ghwə nya tiɗiɗi yafɛa nda hɛ ke ka titikwəa kɛfi, kafɛa hɛ hɛ yitea wəsə nya kehi kaŋa nci, kazhɛre ka wedidi hɛ kawəshi nyi keseve hɛ, kafə wəshi hɛ yitea ka mezhɛtiti.

Ɛzɛkiyɛl 22:6

Yayata wəndə nya te ghə hwa ka Israyɛl kamene berete ba'a kampə ŋkwa mbe gha Zhɛrəzalɛm.

Ɛzɛkiyɛl 34:2

«Wəndə ŋelɛ, zlape nda ghena ta ɗa ke mbeli nyi te ghəa ka Israyɛl, ma pa na sha hɛ: Wa nya ghena nya geze Shala Mahwətə nya: Ndiremi ya te mbeli nyi te ghəa ka Israyɛl nyi kedambeghənji kaya ghəa nci! Ashɛ wəshi keseɗa yaya ka ya wəshi wəka?

Ɛzɛkiyɛl 34:3

Pɛtɛ yɛ mɓisəmte ŋ'wa mbe timɛti, pɛtɛ yɛ tsehemte shinti te hɛ kezha tsa lekwesa ta ŋayɛ, wəshi keseɗa nyi dɛɓedɛa dɛɓedɛa yahene yɛ. Ama keyate hɛ yɛ megela we.

Ɛzɛkiyɛl 9:9

Ma ke zhɛnete ɗa: «Kembarave jaɗafa ta ka Israyɛl ba'a ka Zhəwda. Rayɛ ŋkwa nya te hɛɗi va mpə ŋkwa ba'a ŋkwa nya mbe meleme va beze ghena. Ma ke hɛ sha geze: Nahe Mahwətə kewəfəyite hɛɗi. Wəsə shɛ kanakɛ Mahwətə we.

Palepa ta Ozɛ 5:1

Ma ke Shala: «Gheyɛ ka dzeghe Shala, fa mə ghena nya megela, gheyɛ mbeli nyi te ghəa ka Israyɛl, ghwene mə sleme ta ŋayɛ, tsagha gheyɛ mbeli nyi yitea meghe: Gheyɛ ka hi kamene wəsə nya tiɗiɗi, ama nahe yɛ kese kakeleŋa mbe Mispa, kadagalawe nya keŋa ŋa pelɛ Tabor

Amos 4:1

Ma gheyɛ mia ka Samari nyi dɛɓedɛa dɛɓedɛa kala ŋemia sla nyi mbe Bashan ne, fa mə ghena nya: kaɓela ka dewə ŋeli yɛ we, yaka yasa nda yɛ ke ka titikwəa kɛfi. Ma pe yɛ sha geze nda ke zhilia ŋayɛ: «Keleke wəsə kesa kezha sa mə.»

Amos 6:1

Ndiremi ya te gheyɛ nyi gwezlayɛ mbe Siyon ba'a gheyɛ nyi kwelɛŋe pelɛ ghweme ta Samari! Gheyɛ ya kahwelefe ganyɛ nya tezhɛre geva ka Israyɛl kase shɛ, ke mbeli sha geze.

Mishɛ 2:13

Te kema ta ŋayɛ tedzeghwa wəndə nya keteghwene hweŋkwa. Waɗe nza yɛ, kapele mɛ degha yɛ ba'a kashave yɛ kwa. Mahwətə nya kameghea ŋayɛ nde tenza te kema ta ŋayɛ.»

1 Ka Korɛnte 6:5

Kezha ve ŋayɛ hawe geze 'ya kala nya. Ya tsemanyɛ ŋkɛ ne, shaŋe wəndə nya kentsehwele ntsehwele kanza hwa gheyɛ nya kenza kiɗimte ghena kwelɛ ka kesaka ma na?

Zhɛne Ghwelə yitea Wəshi Mahalegə 16:18

Ma mbe pɛtɛa meleme nyi teve ŋayɛ Shala Mahwətə ta ŋayɛ ne, katenta ka meha ghwə ba'a ka rafe wəshi yɛ hwa hwelefefia ŋayɛ. Katemeha nda ghwə hɛ ke mbeli.