Mishɛ 2:7 - Ghena ta Shala

⁷ Nahe ka Israyɛl kenza kebezla bezla na? Wənəakwe Mahwətə va zereghe ghena na? Tsetse seneve ŋkɛ kamene ghalanza na?» Ma 'ya le ŋa ɗa ne, ghena ganji yageze nda 'ya ke mbeli nyi kedzeghwa tiɗiɗi.

Mishɛ 2:7 Iomraidhean Croise

Cimə 119:65

Kamene nda ganyɛ na ke nde mene slene ta ŋa, kala nya meɗeyi na Mahwətə yawe.

Cimə 119:68

Megela na ba'a wəsə ganyɛ yamene na. Tekete ɗa wəshi nyi ɗe na.

Cimə 15:2

Deke wəndə nya kedzeghwa megela, nya kemene wəsə nya tiɗiɗi ba'a nya kezəzə ghena ganji.

Cimə 18:26

Laka wəndə nya tiɗiɗi ne, kanza na tiɗiɗi, laka wəndə nya ganyɛ ne, kanza na ganyɛke.

Cimə 84:11

Megela ma hɛ kwetɛŋe te ŋwela ta ghɛa ŋa ke hɛ slibə nyi menete wəndə te kwete ŋkwa. Shala ta ɗa, ɗehwe ma nza mɛa ŋkwa kedzembe ghɛa ŋa 'ya ke nza ki ghɛa ka 'yaghwa mehele.

Yɛ Ghena Ŋela 10:29

Ŋkwa kewəfərə hweŋkwa ta Mahwətə kaŋa mbeli nyi tiɗiɗi. Ama kaŋa ka ndiremia mehele ne, za ŋkɛ.

Yɛ Ghena Ŋela 10:9

Ma wəndə nya kedzeghwa tiɗiɗi ne, kwelɛŋe nza ŋkɛ. Ama wəndə nya kedzeghwa mendale mendale ne, kateme ɗa te.

Yɛ Ghena Ŋela 14:2

Ma wəndə nya kedzeghwa tiɗiɗi ne, hawe yahawe ŋkɛ va Mahwətə. Ama wəndə nya kedzeghwa mendale mendale ne, zləvə yakele ŋkɛ seyi te.

Yɛ Ghena Ŋela 2:7

Kakemane mbeli nyi tiɗiɗi ŋkɛ. Kala gelə ya mbeli nyi kedzeghwa le hweŋkwa ta ŋkɛ ŋkɛ.

Yɛ Ghena Ŋela 28:18

Katembele wəndə nya kedzeghwa kwa hweŋkwa nya tiɗiɗi. Ama kateza wəndə nya kebetate hweŋkwa bake te ghwa kwa kwete hwa hɛ.

Ɛzayi 50:2

Ma kwa se 'ya ne, va wa ɗema 'ya kesləyi wəndə wa? Ma kwa heka ŋkwa 'ya ne, va wa ɗema wəndə kekwaɗe wa? Dzeve ta ɗa nza kebaslɛnyɛ kezha mbele ŋkwa na? Berete ɗema va 'ya kezha mbeɗe ŋkwa na? Ndagwara deke le ŋgezle ta ɗa ne, kahase ndərə 'ya, kazhɛre yɛ hələ 'ya kaɓerama. Tagha gɛ, kampə yɛ kelepe va titikwə yɛmə, kadaɗə hɛ.

Ɛzayi 58:1

Ma ke Shala gezete: «Tsa lewela le berete, fɛama ghəa ŋa na ma, gakate ŋwələa ŋa kala vɛ ta tereme. Geze nda yɛ fama ghena ta nci ke mbelia ɗa, yɛ jaɗafa ta nci ke mbelia Zhakob.

Zhɛrɛmi 15:16

Ma sema ta ghena ta ŋa sha 'ya ne, pa 'ya veyite yitea ghə. Zlama ba'a farefa yave nda ghena ta ŋa ke wənəa ɗa, kwa nza ŋkɛ nahe 'ya keveyi geva tekeleke kaŋa ŋa Shala Mahwətə nde berete.

Zhɛrɛmi 2:4

Fate mə ghena ta Mahwətə, gheyɛ mbelia Zhakob, gheyɛ hwelefefia Israyɛl pɛtɛ.

Palepa ta Ozɛ 14:9

Ɛfrayim, wa wəsə nya kejikəte ɗa le wəshi nyi zhɛrete mbeli kashala wa? 'Ya ya kande zhɛne səkwə ta ŋa ba'a kande newe ghweme te gha. Ma 'ya ne, nahe 'ya kenza kala vɛ, wəfe nya gwəzləmə keveci keveci. 'Ya nde ve ŋa wəshi nyi mene na se te wəve.»

Mishɛ 3:9

Fa mə ghena nya, gheyɛ mbeli nyi te ghəa ghɛa Zhakob, gheyɛ ka meha ghwə nyi te ghə ka Israyɛl. Nahe yɛ keɗema kaganda ba'a ketələmte wəsə nya tiɗiɗi.

Zakari 4:6

Tagha gɛ, ma ke sha 'ya: «Wa nya ghena ta Mahwətə nya kaŋa Zorobabɛl: kenza laka kwele ba'a laka berete we, ama laka sefəa ɗa. 'Ya Mahwətə nde berete nde gezete.

Ɓela 11:23

Ma ke Mahwətə zhɛnete nda ke Moyize: «Berete ta Mahwətə nza dewə na? Katenewe na tsetsenya kenza ŋkɛ kateyipə geva ghena ta ɗa keɗema kateɗema ŋkɛ kayipə geva.»

Matiye 3:8

Mene mə wəshi nyi kenza ncɛte nahe yɛ kezhɛrete nza ta ŋayɛ kaganda.

Zhaŋe 8:39

Ma ke hɛ zhɛnete nda: «Abraham ya kayite n'yɛ.» Ma ke Yɛsə sha hɛ: «Ma kenza nde kaŋwalea Abraham yɛ kaganda ne, slene nya se Abraham kamene yatemene yɛ.

Ka Rome 7:13

Wəsə nya megela nde zhɛrenyɛ kawəsə kemte sha 'ya na? Tsagha we. Ama jaɗafa nde menete. Kezha ncɛ geva ŋkɛ kawəsə kwa ndiremi, pa kelete wəsə ganyɛ yitea peslekɛ ɗa. Tsagha mbakete geva berete ta jaɗafa laka ghena nya gezeke Shala.

2 Ka Korɛnte 6:12

Keŋzlemte wənəa n'yɛ ghen'yɛ we, ama gheyɛ ka ŋzlemte ŋa ŋayɛ.

2 Timotɛ 3:5

Katenza hɛ kambeli nyi kehawe va Shala kwa ntsə, ama kateɗema berete ta Shala hɛ. Slə ŋa hwa mbeli nyi kala nyighɛ.