Mishɛ 2:6 - Ghena ta Shala

⁶ Ma ke kweci sha ŋele ɗa: «Sərəakɛ tseha mɛa ŋa. Nda mbeli katsehate mɛ kezha ncɛ hawe nya ketenza te ghen'yɛ we.

Mishɛ 2:6 Iomraidhean Croise

Cimə 74:9

Kazhɛne n'yɛ kanakɛ wəshi kencɛ wəshia n'yɛ we, kezhɛne ka mɛ ŋkwa kanza shɛ we, wəndə shɛ hwa ghen'yɛ keɗepe temə ta vəa shɛ we.

Ɛzayi 29:10

Kwa nza ŋkɛ ne, nahe Mahwətə keveyite mehele ta ŋayɛ yitea hɛ nya wəba, nahe ŋkɛ keŋzlemte ntsə te ka mɛ ŋkwa ta ŋayɛ, nahe ŋkɛ kedəpəmte kema ta ka kelɛŋəa ŋayɛ.

Ɛzayi 30:10

Ma ke sha ka kelɛŋə: «Zhɛnema yɛ kanewe wəshi ma.» Ma ke sha ka mɛ ŋkwa: «Zhɛnema yɛ kageze n'yɛ kaganda ma, geze n'yɛ mə ghena nyi zeɗehwe n'yɛ, geze n'yɛ mə ghena nyi teghete yɛ.

Ɛzɛkiyɛl 21:2

«Wəndə ŋelɛ, newe pa sha ŋkwa laka bela kwa zeme ta hɛɗi nya shɛ na ɓelate ɗa nyi teve 'ya te mbeli nyi mbe ghɛa wəfe ta Nɛgɛv.

Ɛzɛkiyɛl 3:26

Katefɛa ghɛnia ŋa 'ya kegeze ghena ba'a katenza na kaɓeɓə, kezha shɛma na ŋele mbeli nyi ntɛaŋentɛa ghə nyi.

Amos 2:12

Ama pa yɛ sahwe nda tɛ ke mbeli nyi kezemete fela kaɗema kasa, pa yɛ fɛake ka mɛ ŋkwa kegeze ghena ta ɗa.

Amos 7:13

Ama teke mbe Bɛtɛl ne, sərəakɛ nza kande mɛ ŋkwa, kwa nza ŋkɛ kaŋkwa nya keveyi geva tekeleke kaŋa meghe, kaghɛa meghe.»

Amos 7:16

Gha gɛ Amasiya, fa ghena nya geze Mahwətə tsetsenya, gha nya kefɛa ɗa kegeze nda ghena ta Shala ke ka Israyɛl, ketseha nda mɛ ke hwelefe ta Izak.

Mishɛ 3:6

Vatse gɛ, heviɗi tenza ŋkwa sha gheyɛ ka mɛ ŋkwa, wəsə shɛ katezhɛne yɛ kanakɛ we. Ŋkwesle nde tenza kənəa gheyɛ, katezhɛne yɛ kaɗepe wəsə nya ketemene geva we. Rayɛ teza ŋayɛ za veci, zhikwətəkwə tenza ŋkwa kənəa gheyɛ.»

Mishɛ 6:16

Dzeghwa kwa ndiremia meghe Omri, ŋa wəzege ta ŋkɛ Akab ba'a ŋa mbeli nyi ki ghɛa ŋkɛ yateke yɛ. Dzeghwa ta nci yazele yɛ. Vatse teŋzla meleme ta ŋayɛ 'ya, ma tsagha, kateŋ'wəshi ŋayɛ kweci mbeli. Shewə tenza yɛ va hawe nya te mbelia ɗa.»

Slene 4:17

Ama kezha ɗema ghena shɛ kapeslahwe geva hwa mbeli kahe kahe ne, nda gheɓəmə kafɛake hɛ le berete kegeze nda ghena ta Yɛsə ke yayata wəndə.

Slene 5:28

Ma ke sha hɛ: «Nahe n'yɛ kefɛake ŋayɛ keteke wəshi ke mbeli te sləa wəndəa shɛ. Pɛtɛ ŋkwa nya mbe Zhɛrəzalɛm va wəshi nyi tekete nda yɛ ke mbeli tsetsenya, gheyɛ ɗe kave kelɛhe ta wəndəa shɛ kwa ghəa n'yɛ na?»

Slene 5:40

Pa hɛ hekakɛ ka ghwene ta Yɛsə ɓiyitsa, mpəave hɛ le ghweɗa ba'a gezete nda ke hɛ kezha zhɛnema hɛ kageze ghena te sləa Yɛsə. Pa hɛ pelakɛ hɛ.

Slene 7:51

Ma ke Ɛtiyɛne sha mbelia jama shɛhɛ: «Nahe yɛ kenza kaka ntɛaŋentɛa ghə, nahe yɛ kezhiɓəmte wənəa ŋayɛ ba'a sleme ta ŋayɛ laka Shala. Keveci keveci zhɛne nda ghə yɛ ke Sefəa Shala. Nahe yɛ kenza kala ka shihɛ ŋayɛ.