Mishɛ 2:4 - Ghena ta Shala

⁴ Ma te vecia shɛ ne, katenehwene mbeli kənəa gheyɛ. Ma ke mbeli sha tegha nehwene: «Pɛtɛ mbeli kefəhwe wəshia n'yɛ. Mba yɛ wəve va mbelia n'yɛ we. Nahe ka jaga ta n'yɛ kenehehwe hɛ. Wa raberə fəhwe wəshia n'yɛ mbeli wa?»

Mishɛ 2:4 Iomraidhean Croise

2 Saməyɛl 1:17

Pa David ghate nehwene gela yitea Sawəl ba'a yitea Zhonatan wəzege ta ŋkɛ.

2 Wəshi nyi Mene Ka Meghe 35:25

Pa nde mɛ ŋkwa Zhɛrɛmi ghate kwete nehwene za kənəa Zhoziyas. Se mɛa vecia shɛ pa va ɓeshi ne, pɛtɛ ka gha cimə nyi kazhili le nyi kami kageze ghena ta Zhoziyas mbe nehwene ta nci, pa nde zhɛrenyɛ ke wəsə keshi sha ka Israyɛl. Kerafe rafe nehwenea shɛhɛ mbe palepa ta nehwene ghə.

Palepa ta JOB 27:1

Ma ke Job mtsehete ghena ta ŋkɛ:

Ɛzayi 14:4

ma pe yɛ sha tegha cimə te ghəa meghea ka Babilone: Tsema kiɗinyɛ nza ta nde sa nda yaka ke mbeli gɛ wa? Tsema kiɗinyɛ nza ta nde ŋkele ntsə gɛ wa?

Ɛzayi 24:3

Pɛtɛ tebeze hɛɗi, pɛtɛ tefəhwe geva wəshi nyi te, kala nya tarete Mahwətə.

Ɛzayi 6:11

Tagha gɛ, ma 'ya 'yɛwete: «Pa te nyama və wa Shala?» Ma ke zhɛnete: «Pa te və nya tetazemte geva yɛ meleme ba'a nya teɗema mbeli mbe hɛ, nya tenza yɛ ghɛ shaka shaka ba'a nya tezhɛre yɛ wəve kaɓerama nya dɛrɛŋe rɛŋe.»

Zhɛrɛmi 14:18

Ma kwa dzemte 'ya mbe wəve ne, nda mbeli nyi kempənji hwa mpa yanewe 'ya. Ma kwa zhɛneke geva 'ya kadzembe meleme ne, mbeli nyi kempənji va ma yanewe 'ya selekə lekə. Nda ndeŋe yandeŋe ka mɛa ŋkwa le ka dzeghe Shala kaɗema kafave kwete ghena.»

Zhɛrɛmi 4:13

«Wa nya nde jaga nya kase kala ləmbəa ghapeha, kala masefafele hwɛ yɛ wəmata gədəwəa ŋkɛ, hwɛ ma yɛ gədəwəa ŋkɛ ke yɛ zele. Awema! Rayɛ sebe te ghen'yɛ!»

Zhɛrɛmi 6:12

Kaŋa kweci mbeli tenza yɛ ghɛa nci, yɛ wəvea nci ba'a mia nci. 'Ya kateɗa mbeli nyi te hɛɗi», wa'a ke Mahwətə.

Zhɛrɛmi 8:10

Ma ke Mahwətə: «Vatse tefə nda mia nci 'ya ke kweci mbeli, yɛ wəvea nci ke mbeli nyi ketefə hɛ. Kwa nza ŋkɛ, se te ŋwalea fəshi hwa'a te mbelia jama ne, ghəa nci yaɗe hɛ. Se te ka mɛ ŋkwa hwa'a te ka dzeghe Shala ne, pɛtɛ hɛ kaka mbəɗəkwə.

Zhɛrɛmi 9:10

Ma ke Mahwətə: «'Ya katezhɛre Zhɛrəzalɛm kakwəfi, kaŋkwa kewəfərə ta yɛ kelɛ gamba ba'a yɛ meleme ta Zhəwda kaŋkwa nyi dɛrɛŋe rɛŋe kaɗema wəndə kanza mbe.»

Zhɛrɛmi 9:16

Wa nya ghena nya geze Mahwətə nde berete nya: «Ntsehwele mə, hekake mə mi nyi kenehwene kase! Ghwenakɛ mə ŋkwa kazele ka caŋa caŋa kase!

Ɛzɛkiyɛl 16:44

Zhɛrəzalɛm, ma tegeze ka geze ghena ŋela te gha: Kala nza ta meghekɛ nza wəzha makwa.

Ɛzɛkiyɛl 2:10

Werete pelemte kwa kema ta ɗa: ghena ta yɛ nehwene, yɛ ŋələvə ba'a ŋa yɛ lewela ka rafate geva te laka bela bake nci.

Zhowɛl 1:13

Gheyɛ ka dzeghe Shala, hwepe mə wəsə hwa hwə ba'a ŋgaɗe mə ghə. Gheyɛ ka mene slene te reghwetɛ, tsa mə lewela. Gheyɛ ka mene slene ta Shala ta ɓəmə, nza mə le wəsə hwa hwə kahɛ, va nya zhɛnema mbeli kafə wəshi ba'a tɛ kase kadzembe ghɛa Shala.

Zhowɛl 1:8

Ŋgaɗe mə ghə kala makwa nya nza wəsə hwa hwə ve kezha nehwene za makwa nta.

Amos 5:1

Ka Israyɛl, fa mə ghena nya, ghə nya ŋgaɗe 'ya yitea gheyɛ:

Amos 5:17

Ma dzeyi mbe yɛ wəvea rɛzɛŋe ne, ŋgaɗe ghə nde tenza shɛ te veci nya tedzeyi 'ya hwa gheyɛ.» Mahwətə nde gezete.

Mishɛ 1:15

Mbeli nyi mbe Marɛsha, kateghwene ŋayɛ nde ghema 'ya. Dzeyi mbe zlera ta Adəwlam tewəfərə mbeli nyi te ghə nyi nza zləvə te mbe Israyɛl.

Mishɛ 1:8

'Ya Mishɛ ne, 'ya kateŋgaɗe ghə ba'a kateŋələvə. 'Ya katedzeghwa kaɗema tsahwa mbe seɗa ba'a mederelaŋe. Kala kelɛ gamba tembɛahwɛ 'ya, kala zhenɛgə tenehwene 'ya.

Mishɛ 2:10

Sate mə te ŋkwa kaslə. Və kezhɛne mpi nya we. Ndiremi ya te hɛɗi va nza ta ŋayɛ wale wale. Vatse tesa yaka yɛ kwele kwele.»

Habakək 2:6

Ama kategeze hɛ ba'a kateŋele hɛ pɛtɛa hwelefefi nyi hərəte hɛ. Ma ke hɛ sha tegeze: «Ndiremi ya te gheyɛ nyi ketsene mcɛlə laka ghərə wəshia kweci mbeli! Hweŋkwa tefɛa yɛ ketsene dewa kadzehwa ghəa ŋayɛ wa?

Sofoni 1:2

Ma ke Mahwətə: «Kateza sebe 'ya te pɛtɛa wəshi nyi te hɛɗi lema.

Ɓela 23:18

Tagha gɛ, ma ke Balam gezete ghena ŋela: «Sate ŋa Balak, wəzege ta Sipor, veyite sleme megela yitea ghena ta ɗa!

Ɓela 23:7

Ma ke Balam gezete ghena ŋela: «Nahe Balak kekeleke ɗa se mbe Aram. Sawa pelɛ ghweme nyi laka ŋkwa kesame ta veci hekakawa ɗa meghea ka Mowab. Ma ke sha 'ya: Nde shɛ na bezlamte ɗa ka Israyɛl! Kaganda ne, nde shɛ na bezlamte ɗa ŋwalea Zhakob!

Ɓela 24:15

Ma ke Balam gezete ghena: «Wa nya ghena nya geze 'ya, 'ya Balam, wəzege ta Bɛyor, 'ya nya kande kelɛŋə,

Ɓela 24:3

ma ke gezete ghena ŋela: «Wa nya ghena nya geze 'ya, 'ya Balam, wəzege ta Bɛyor, 'ya nya kawəndə nya kenewe ŋkwa tiɗiɗi,

Mark 12:12

Kaɗe mbeli nyi te ghəa ka Zhəwif kakese ŋkɛ, kwa nza ŋkɛ nahe hɛ keɗepe te ghəa nci gezete ghena keyipə pa nya ŋkɛ, ama kazhɛ nda ghazlənə ke hɛ va mbeli. Pa hɛ sərəakɛ ŋkɛ ba'a dzeghwanji.

Zhɛne Ghwelə yitea Wəshi Mahalegə 28:29

Ma kwa ghə veci ne, katetsepe tsepe yɛ kala ka ghwələa kɛfi, ama katentsate hweŋkwa yɛ we. Kambeli nyi mene ghə mbeli le hɛ ba'a nyi fə wəshi mbeli yitea hɛ tenza yɛ kaghala ghala. Wəndə shɛ katese kakemane ŋayɛ we.