Mishɛ 2:3 - Ghena ta Shala

³ Vatse gɛ ne, wa nya ghena nya geze Mahwətə nya: «Nahe 'ya ketarete ve ndiremi kadzete mbelia shɛhɛ. Kambele ŋayɛ yɛ ve we, kazhɛne yɛ kadzeghwa le kema yitea ghweme, kwa nza ŋkɛ ne, kavəa ndiremi tenza ŋkɛ.»

Mishɛ 2:3 Iomraidhean Croise

Ɛzayi 29:20

Kwa nza ŋkɛ ne, katenza kiɗi ta ka ghwərə ghwərəa ntsə, kateza sebe te ka ŋkele ntsə. Mɛke tenza sebe te mbeli nyi kezele mene nda wəsə kwa ndiremi ke mbeli,

Ɛzayi 3:16

Ma ke Mahwətə: Ma va nya mene fege mi nyi mbe Zhɛrəzalɛm ba'a nya dzeghwa hɛ le ɓele welɛ kezha ghwelɛaɗɛ ŋkwa, va nya mteyi dzeghwa hɛ kezha gaka takase nyi kwa seɗa ta nci ne,

Ɛzayi 5:19

Ma ke hɛ sha geze: «Menete slene ta ŋkɛ Shala kahe kahe kezha nakɛ ghen'yɛ. Menete geva wəsə nya zəzəte Shala ta Israyɛl kezha ɗepete ŋkɛ ghen'yɛ.»

Zhɛrɛmi 18:11

Ma tsetsenya gɛ Zhɛrɛmi, geze nda ghena ke ka Zhəwda le mbeli nyi mbe Zhɛrəzalɛm: ‹Wa nya ghena nya geze Mahwətə nya pa sha hɛ: Nahe 'ya kekelete zəzə kave ndiremi te gheyɛ. Pa yayata wəndə kampiyi dzeve va dzeghwa kwa ndiremia ŋkɛ. Hite mə dzeghwa ta ŋayɛ ba'a slene ta ŋayɛ.›»

Zhɛrɛmi 27:12

Ghena shɛnyɛ yagezete nda 'ya ke Sɛdɛsiyas, meghea ka Zhəwda. Ma 'ya shɛ: «Ma gheyɛ le mbeli ŋa ne, veyite mə welɛ yitea sheghwəa nya ve meghea ka Babilone te welɛ va gheyɛ kala sla kewəza, mene nda mə slene ke hɛ le mbelia ŋkɛ, ma tsagha, pələsə tenza mpia ŋayɛ.

Zhɛrɛmi 34:17

Ma ke Zhɛrɛmi mtsehete: «Vatse gɛ ne, wa nya ghena nya geze Mahwətə nya: Pa yayata wəndəa ŋayɛ hi kazlapete pele mava ta ŋkɛ nya kamenənyɛ keɗema nya kande ghedəkwəa ŋkɛ waɗe. Ama kese yɛ kayɛ ɗa ghena we. Vatse geze 'ya, 'ya Mahwətə gɛ: kateghwene ŋayɛ mpa, ba ba'a ma 'ya. Ma tsagha, pɛtɛ tedake hɛɗia ka meghe nyi te hɛɗi lema kenakɛ ŋayɛ hɛ.

Zhɛrɛmi 36:23

Ma kala nya kiɗimte jaŋga bela maheke keɗema wəfaɗe Yehəwdi ne, kaslesla hɛ meghe le hwa kabete mɛa ghwə. Tsagha menete ŋkɛ pa te kiɗi ta palepa kwa peɗe peɗea shɛ mɛa ghwə.

Zhɛrɛmi 43:2

ma ke yɛ Azariya, wəzege ta Hoshaya, Yohanan, wəzege ta Karɛya ba'a kweci ka fegea kɛfi sha Zhɛrɛmi: «Tseŋwəa ŋa, Shala Mahwətə ta ɓəmə nde ghwenakɛ ŋa kageze: ‹Dzawama yɛ kawəfərə kwa Ɛzhipte ma›, ke we!

Zhɛrɛmi 8:3

Megela ma mte ke nza teghweme sha ka 'yaghwa mehele nyi ketetene te yayata ŋkwa nya tazeyi hɛ 'ya», wa'a ke Mahwətə nde berete.

Yɛ Ŋgaɗe ghə 1:14

Nahe ŋkɛ kevate ntsə te yɛ jaɗafa ta ɗa. Nahe hɛ ketseɓeyi geva mbe dzeve ta ŋkɛ. Nahe hɛ kenza təɗəmə te welɛa ɗa. Nahe Shala kedenemte berete ta ɗa, nahe ŋkɛ kevame ɗa mbe dzeve ta mbeli nyi shɛma 'ya ghereŋe kwa kema ta nci.

Yɛ Ŋgaɗe ghə 2:17

Nahe Mahwətə kemenete wəsə nya zəzəte ŋkɛ, nahe ŋkɛ keyipəyi ghena ta ŋkɛ kwa, ghena nya tarete ŋkɛ vəashi. Nahe ŋkɛ keŋzlamte ŋa kakwa zhɛma heli. Nahe ŋkɛ kendeke nda zlama ke nde ghema laka ndiremia nya te gha, nahe ŋkɛ kemtsehete berete ke ka jaga ta ŋa.

Yɛ Ŋgaɗe ghə 5:5

Nahe ka sa n'yɛ yaka kenza te welɛ va ghen'yɛ, kedene dene n'yɛ, zhɛne mpi shɛ va ghen'yɛ we.

Amos 2:14

Katekekave ŋkwa kewəfərə mbeli nyi wɛrewɛ ma we, katemene slene mbeli nyi berete ma le berete ta nci we, katembelete mpia nci ka katsala kɛfia ka sewajɛ we.

Amos 3:1

Gheyɛ ka Israyɛl, hwelefe nya zhɛnakame Mahwətə same kwa Ɛzhipte, fa mə ghena nya geze ŋkɛ te ghəa ŋayɛ:

Amos 3:2

«Hwa hwelefe nyi te hɛɗi pɛtɛ ne, deke gheyɛ yaɗehwe 'ya. Vatse teme 'ya te gheyɛ te fete nyi menete yɛ pɛtɛ.»

Amos 5:13

Və nya ndiremi və nya, vatse ɗema nde ntsehwele ntsehwele kageze ghena.

Mishɛ 2:1

Ɗa ya te mbeli nyi kezəzə wəsə kwa ndiremi, nyi kehi geva yitea beze ghena heviɗi! Kiɗima ta ŋkwa ne, ntəŋə hɛ yitea mene hɛ, kwa nza berete va hɛ.

Ka Rome 16:4

Mbasa mbasa hɛ kempə tewəmbəreke ya ɗa, deke 'ya nde tsa nda ŋ'wese ke hɛ we, ama pɛtɛa Jikə ta ka Kriste nyi hwa kweci hwelefefi katsa nda hana ke hɛ perə.

Ka Ɛfɛze 5:16

Ya hweŋkwa hweŋkwa kemave və kemene ganyɛ yɛ ne, mene mə, dzawe və nya nza nya gheɓəmə te.

Zhɛne Ghwelə yitea Wəshi Mahalegə 28:48

katezhɛre yɛ kaka mavashia ka jaga nyi teghwene Mahwətə kase sha gheyɛ. Katezhɛ ŋayɛ ma ba'a ndere, katenza yɛ derelɛŋe lɛŋe ba'a pala pala. Kateve lɛ kejikə ŋkwa kala sla kewəza ŋkɛ te welɛ va gheyɛ, pa te və nya tezamte sebe ŋkɛ te gheyɛ.

Zhake 2:13

Kwa nza ŋkɛ ne, katezhɛ heli Shala vəa ŋkwa nya meha ghwə ŋkɛ te wəndə nya kesema kazhɛ heli yitea kweci mbeli we, ama wəsə shɛ kazhɛne wəndə nya kezhɛ heli kaghazlənə ve mbe meha ghwə we.